SAM 128
Areng i leu tangai naichi i vui kawn vang
1 Areng ai tahm khai iy mymy i leu pei naichi
tangai naimy heng nai khumichi ly taham hawi.
2 Nang ly nangmy i kiu hawi kalop sa naimy kajeu kawi ai;
nang ly amo theu iy nang chawn ai.
3 Yhm angtheung y nang i aju ly athai pasu nai kreip keung kamta py,
sabawi kamki ateh nai nang i cho chanauchi ly
ui yb nai olive keung-lochi kamta py lawn u ai.
4 Areng i leu tangai nai khumi ly hinai kamta,
amtheaung naira nga takengkei ai.
5 Areng ly Zion mawi salo i dengdairei, nang ai amtheaung hai sy!
Nang ly heng nai sala ryrei,
Jerusalem mary i sareaung hawi naichi niu sy!
6 Nang ly katuchi niu nai pa-rei heng sau sy!
Israela chengchi ly tlamsa naira ngo u sy!