SAM 130
Sabawmra nga ai nai chiu sa nai
1 Aw Areng, kai ly paleung phra naimy nang ai kang palau bo.
2 Aw Areng, kai i aeu nai raawi tangai pi kyh ba;
sabawmra nga ai nai kai i takeng nai raawi tangai pi kyh ba!
3 Nang ly kaichi i kamngochi tajiu pi typ jo ai nabaly,
kamngo pajengra i nai ami tleaung pajau ai mo?
4 Na i py nang ly kaichi i kamngochi palawi pi bo;
hunaibaly kaichi ly nang teng y ahui kajeaung kaji nai ne.
5 Kai ly Areng i sabawm naira ajeng nai ne;
mymy i adeu nai py ym bo.
6 Tamcheaungchi i khawn khutawi ajeng nai tleaung y,
kai ly Areng ai ajeng patyp nai ne.
7 Aw Israela, Areng i tamen naira ly khaw parai nai ne i,
mymy ly atleu ai nai neng tleirei awm yb nai deaungkho y,
mymy ai ym u.
8 Mymy ly mymy i khumichi napi nai Israela ai
kamngo bawibawira i nai atleu pi ai.