SAM 114
Katlen Vui nai Pawi khulym
1 Jakob i kangpreang Israela chengchi lyRef 114.1: Theu 12.51
pri takhra Aikupta pri i dengdairei theu u nai khala y,
2 Juda chengchi ly Areng i khumi kachaichi lawm u bo;
Israela chengchi ly mymy i peang nai khumichi lawm u bo.
3 Pangli kamsen ly niu i, angpreng veng bo;Ref 114.3: Theu 14.21; Jos 3.16
Jordan tavo ly leaung y naimy anawn veng bo.
4 Mawi puichi ly mi-ichi kamta,
mawi chychi ly beramchi kamta, ampyh u lengleang bo.
5 Pangli awi, nang ly ati mana nai y preng vui mo?
Jordan tavo awi, nang ly ati mana nai y, leaung y naimy anawn vui mo?
6 Mawi puichi awi, nangchi ly ati mana nai y, mi-ichi kamta ampyh u lawh mo?
Mawi chychi awi, nangchi ly ati mana nai y, beram chochi kamta ampyh u lawh mo?
7 Khaileaung awi, Areng ang jeu nai thym khala y,
mymy i mo y jei hyn naimy kaso theu u;
Jakob i Tameuh i mo y ly jei kaji naimy kaso theu u.
8 Nang ly lengseaung ai tui sampum,Ref 114.8: Theu 17.1-7; Kati 20.2-13
lengseaung para ai tavo micheaung lawm hai nai ne.