SAM 113
Areng i hawi nai sai ai palo nai
Nangchi Areng i miseaungchi awi,
mymy i amyn palo u!
2 Mymy i amyn ai vai i dengdairei,
deungtasa khrairei palo u sy.
3 Kani kasi mang dengdairei, kani kadym mang khrairei
Areng i amyn palo u sy!
4 Areng ly khumi cheng cheaungkhangchi ai peang nai ne;
mymy i nang parai nai phum-ang ly kani khusang salo y angvang bo.
5 Hu y achi i Areng Tameuh hawi pata pajau nai keung leaungrei py by y.
mymy ly salo keh y awm nai ne.
6 Na i py mymy ly kani hawi khaileaung ai
khen kathiu bo.
7 Mymy ly khumi kamawnchi ai spryh theung i dengdairei tahm pasang iy,
kamawn katichi ai anyn cheaungnawi theung i nai pasang bo.
8 Naibaly samrang i chapochi napi nai, mymy i khumichi ai peang nai
samrang i chapochi hawi vanrei, amkawm ahawi ai nai pei nai ne.
9 Mymy ly teng nai neampachy ai tahm pasang i,
cho chanauchi nga hai iy amo theu hai bo.
Areng ai palo u!