SAM 112
Khumi kahawi ly taham hawi
Areng ai jei kaji naimy tahm khai iy,
Reita leuchi kry ai nai ngai keh nai khumi ly taham hawi.
2 Khumi kahawi i cho chanauchi ly pri theung y sa thai naira awm u ai;
ni i katu chanauchi ly amtheaung naira nga u ai.
3 Ni i yhm dengtheungchi ly nang chawn u ai;
ni ly nang chawn jojo ai.
4 Tamen iy pahen naira kawi naimy, leu meitang teaung nai khumi kahawichi i vui ly
kaveng theung y kangvang tym hai reng nai ne.
5 Paleung kahawi naimy alai ai pei reng nai,
amy i kalopra y kateng sa reng nai khumi ly taham hawi.
6 Khumi kahawi ly mana khala py sum ai ny y;
khumichi ly ni ai mana khala py tami ai ny y.
7 Hunai deaungkho y ni ly satang hawi y naichi thai ai ny y;
ni ly Areng ai ym nai khumi ne nai deaungkho y, ni i paleung ly khaw nai ne.
8 Ni ly paleung mawn nai py, jei nai py awm ai ny y;
my i paleung ka-echi sum nai ly niu takengkei ai.
9 Ni ly khumi kamawnchi ai paleung hawi parai naimy sabawm reng;Ref 112.9: 2 Kor 9.9
ni ly pahen jojo reng nai keung ne;
ni ly sa thai naira awm iy tahm khai nai avum ai.
10 Khumi aso y naichi ly huni atitichi niu nai khala y kado theu ai i,
ho akachai naimy tama u pawn ai;
nichi i kangai ly phra ai.