SAM 106
Areng ly mymy i khumichi tlang tleaung y hawi nai sai
1 Areng ai ly palo u!Ref 106.1: 1 Neng 16.34; 2 Neng 5.13, 7.3; Eza 3.11; Sam 100.5, 107.1, 118.1, 136.1; Jer 33.11
Areng ly hawi nai deaungkho y kawn nai leu thui u;
mymy i tamen nai ly deungtasarei ne.
2 Mymy i sa nai lyh ai hawi parai nai bawibawichi ai, ami thui pajau ai mo?
Mymy i nang parai nai bawibawichi ai ami palo pajau ai mo?
3 Ka-dyh ka-dawi sa iy kateng sa jojo nai khumichi ly
4 Aw Areng, nangmy i khumichi ai sabawm nai khala y, kai ai py pany ba;
nichi ai atleu nai khala y kai ai py atleu rau ba.
5 Kai ai nang i khumichi nang chawn nai niu ai nai pei ba;
nang i pri khumichi amo theu naira y py,
nang i peang nai khumichi amo theu amlyh naira y py, kai ai tabawi kyh ba.
6 Kaichi ly amsi pajochi kamta, kamngo sa u;
khumi aso y nai kasa u bo.
7 Kaichi i amsi pajochi ly Aikupta pri y Tameuh my sa naiRef 106.7: Theu 14.10-12
lyh ai hawi parai nai ai pany thai y; nichi teng y avawvawrei,
tamen nai sai patei pi nai ly tami u veng bo.
Naibaly pangli kamsen sahawi y ati cheaungkhang sa thai nai keung ai tiu u nai ne.
8 Na i py mymy ly mymy i sa thai naira khri pa-rei len parai nai
patei pi ai nai adeu yb nai kamta nichi ai atleu bo.
9 Mymy ly pangli kamsen ai leu pei baly, Ref 106.9-12: Theu 14.21-31
huni ly tui kang vui nai ne;
naibaly mymy i khumichi ai tui kang nai pangli tako prei ai nai pahawi bo.
10 Mymy ly nichi ai niu ngai y nai khumichi kiu i nai atleu nai ne;
mychi i paleung ka-echi kiu i nai atleu pi bo.
11 Mychi i paleung ka-echi ly tui y anum i, dei u bo;
leaungrei py kangheng tleaung y.
12 Huna nai khala y mymy i khumichi ly mymy i adeu nai leu ym u i,Ref 106.12: Theu 15.1-21
mymy ai palo nai khulym thui u nai ne.
13 Na i py nichi ly mymy i sa nai saichi ai vaimy tami veng ryp chum baly,
mymy i lam patei naichi ajeng y naimy sa u vui bo.
14 Nichi ly daichi ka-vym theung y ngai phi teng y nai ka-dawnchi tym i,Ref 106.14-15: Kati 11.4-34
Tameuh ai cham u nai ne.
15 Hunai deaungkho y mymy ly nichi i hnei nai pei pi teu i py,
nichi teng y ka-jei awm parai nai no michi tym hai bo.
16 Daichi ka-vym theung y nichi ly Mosi ai py,Ref 106.16-18: Kati 16.1-35
Areng i chai parai nai miseaung Aron ai py, takho u bo.
17 Huna nai khala y khaileaung ly ako thla i, Dathan ai py,
Abiram hawi yhm dengtheungchi ai py, pajawn vui nai ne.
18 Maikadeu ly nichi nithun abang nai
khumi hawi y naichi tlang tleaung y tla iy kang be bo.
19 Nichi ly Sinai mawi sahawi yRef 106.19-23: Theu 32.1-14
muku hawi sicho myn sa u iy chiu u nai ne.
20 Nichi ly Tameuh i nang parai nai sai ai
acha cha nai tawnbawi myn hawi katheung vui bo.
21 Aikupta pri y lyh ai hawi nai leaungsaichi hawi,
mymychi ai atleu pi nai Tameuh ai tami u bo.
22 Huni pri y mymy i sa nai saichi ly lyh ai hawi parai na a!
Pangli kamsen sahawi y leaungsaichi ly lyh ai hawi parai na ly!
23 Tameuh ly mymy i khumichi ai tamyh vui ai, nanai leu pei nai khala y,
mymy i vawi takhra nai miseaung Mosi my paka nai deaungkho y,
mymy i kado theu nai ly rym i, nichi ai tamyh y nai ne.
24 Hunaibaly nichi ly apu parai nai pri y kun ai nai akhi u lawh;Ref 106.24-26: Kati 14.1-35
ati mana nai mo nabaly nichi ly Tameuh i adeu nai leu ai ym u y nai deaungkho y ne.
25 Nichi ly mychi i Taichi theung y awm u naimy tangam u;
Areng i leu tangai u y.
26 Hunai deaungkho y mymy ly
nichi ai daichi ka-vym theung y dei hai ai, nanai py,
27 nichi i katu chanauchi ai Tameuh by y nai khumichi theung y ahei hai iy,Ref 106.27: Lev 26.33
pri takhra y dei hai ai, nanai py, leu pei kheng bo.
28 Naibaly Tameuh i khumichi ly Bala tameuh ai peor meingtym y chiu iy,Ref 106.28-31: Kati 25.1-13
tameuh kadeichi teng y apathyp nai mawichi cha ai nai amkawm u bo.
29 Nichi ly hina nai sa nai molam y, Areng ai kado patheu u i,
nichi teng y ka-jei awm nai no michi tym hai ai.
30 Na i py Phineha ly ang thau iy kamngo awm naichi ai pajeng i,
no kanghawi ly anawn bo.
31 Phineha i sa nai sai ai vaini khrairei, khumichi my pany u jo nai ne;
vai mo mang y py pany u jojo ai.
32 Nichi ly Meriba micheaung peang y, Areng ai kado theu hai bo;Ref 106.32-33: Kati 20.2-13
nichi molam y Mosi ly rai naira avum.
33 Nichi ly Mosi ai khri pa-rei paleung no-ei hai nai deaungkho y,
ni ly thui ngai y nai leu katheu lawh nai ne.
34 Nichi ly Kanan chengchi ai tamyh pawn ai naiRef 106.34-36: Tara 2.1-3, 3.5-6
Areng my leu pei teu i py, hunai kamta so u y naimy,
35 huni khumichi hawi apom u iy,
nichi i reita tanynchi teaung u bo.
36 Tameuh i khumichi ly
mynchi ai chiu lawh nai deaungkho y tama u nai ne.
37 Nichi ly mychi i cho chanauchi ai tawnbawi kamta palawn iy,Ref 106.37: 2 Are 17.17
Kanan pri i mynchi teng y apathyp u bo.
38 Nichi ly kamngo by y nai mychi i cho chanauchi kypkyp ai tleh iy,Ref 106.38: Kati 35.33
Kanan pri mynchi teng y talam u i, mychi i pri y chai hai y bo.
39 Huna nai kamta tleh u nai deaungkho y, mymychi ai py chai hai y nai ne.
Huna nai sa u nai molam y, Tameuh i tlang tleaung y py ka-ym by y bo.
40 Hunai deaungkho y Areng ly mymy i khumichi ai kado theu hai;Ref 106.40-46: Tara 2.14-18
nichi ai paso nai ne.
41 Mymy ly nichi ai cheng takhra khumichi teng y khai su nai deaungkho y,
paleung ka-echi my nichi ai peang bo.
42 Nichi ly paleung ka-echi my ana patang hai naira avum i,
nichi i anui y awm ai nai tla bo.
43 Areng ly mymy i khumichi ai avawvawrei atleu pi teu i py,
nichi ly mymy ai tiu u rara nai deaungkho y,
kamngora y anum u veangveang nai ne.
44 Na i py nichi aeu u nai khala y Areng ly thai i,
nichi i ngari kamtang py pahen pi bo.
45 Mymy ly nichi hawi ai nai molam y Leu Maikawm pany pi bo;
ati mana nai mo nabaly mymy i tamen naira len parai nai deaungkho y,
kado theu nai ly rym nai ne.
46 Mymy ly nichi ai ana patang hai nai khumichi i paleung theung y
pahen thai nai ka-dawn pakun pi bo.
47 Aw kai i Areng Tameuh, kai ai atleu kyh ba;Ref 106.47-48: 1 Neng 16.35-36
nang i amyn kachai ai palo u pajau ai nai py,
nang teng y kawn nai leu thui u pajau ai nai py,
kaichi ai khumi cheng cheaungkhangchi theung i dengdairei, palau teang kyh ba.
48 Israela chengchi i Areng Tameuh ai ly palo u!
mymy ai ly vai i dengdai deungtasa khrairei palo u!
Khumi bawibawichi ly “Amen,” nanai thui u sy!
Areng ai palo u!