24
Holai takawrei i thui achih nai leu
1 Khumi hawi y naichi i kucha paleung no moh. Nichi hawi amkawm ai nai py atho so moh.
2 Nichi ly ajo athui ai naini dawn u khyh. Khumi takhrachi i tlang tleaung y rai naira tym hai ai naini, avawrei katheu u reng nai ne.
Apomrei i thui achih nai leu
3 Yhm ai ly cheng naira hawi pany thai naira, napi nai langdeng salo y panui ai nai tla.
4 Tau cheng naira saho y huni yhm takunchi ra y, vang teng iy apu parai naichi ka-pu sa nai ne.
Apom phai harei i thui achih nai leu
5 Khumi kacheng ly atho awm nai khumi tleaung y, sa thai naira awm. Cheng naira ly tlang i atho tleaung y py, aly len nai ne.
6 Ati mana nai mo nabaly nang ly tavai thau y rai khala, hawihai palai adawn pasym iy, angveirym ai nai tla; tau pei nai khumi nawi baly eaung ai.
Apom phai nyhrei i thui achih nai leu
7 Khumi kachengchi i katheu nai leuchi ly khumi hawi y naichi pany thai y leang. Nichi ly aly len nai leaungsaichi arum nai khala, labeaung pakhym u reng nai ne.
Apom phai thomrei i thui achih nai leu
8 Hawi y nairachi avawrei dawn pasym nai khumi ai ly patang naira pei nai khumi, nanai khumichi my palau u ai.
9 Khumi ka-khum i dawn pasym nai bawibawi ly kamngo sa tamang reng. Amichi i tlang tleaung y mei aniu y nai sa nai khumi ai ly khumichi my niu ngai y nai ne.
Apom phai palyhrei i thui achih nai leu
10 Aly len nai thym khala, atho di nai khumi ly atho di tatang nai khumi ne.
Apom phai pangrei i thui achih nai leu
11 Teng y naimy dei ai tla nai khumi ai, atleu ai nai patyh moh.
12 Hini kalop ly kai hawi ati sai py abi y leang, nanai nang thui ai. Na i py Tameuh ly nang i paleung ai pany i ang chih ai. Mymy ly nang ai ang kry nai deaungkho y, nang i paleung ai pany. Hunaibaly mymy ly nang i kabo kaja hawi nai, hawi y nai kamlau ang pei ai.
Apom phai tariurei i thui achih nai leu
13 Deang awi, khawi hang cho ba; huni ly hawi parai. Khawiphira i hang ly nang i palai ai tui hai nai kamta,
14 cheng naira py nang i paleung y, amo theu hai pajau, nanai hawihai palai pany ba. Nang ly cheng naira nga baly, nang i mo mang i deung ly hawi ai.
Apom phai saryhrei i thui achih nai leu
15 Nang ly khumi hawi y naichi kamta, khumi kahawichi i yhmtheaung katui lawm ai nai py, ni i yhm ai keng vui ai nai py dawn moh.
16 Khumi kahawi ly avawrei atlym teu i py, ni ly ang thau ali teang jojo ai. Na i py khumi hawi y naichi ly ka-jeira avum nai khala atlym u ai.
Apom phai tajarei i thui achih nai leu
17 Nang i paleung ka-e ly ka-jeira avum nai khala, amo theu moh. Ni i pathuikhe iy atlym nai khala, amo theu paleung ateng hai moh.
18 Nang amo theu lawh teu baly, Areng my pany ai i, niu ngai y ai. Mymy ly huni khumi ai kamngo pajeng pi y naimy, awm pi vui lym ai.
Apom phai takawrei i thui achih nai leu
19 Khumi hawi y naichi i molam y paleung bi moh; nichi i kucha paleung no moh.
20 Khumi hawi y nai teng i nai ly hawi naira ati sai py, athang khai ai naira by y leang.
Phairei i thui achih nai leu
21 Deang awi, Areng ai py, samrang ai py, jei kaji naimy tahm khai ba. Huni Areng hawi samrang ai tiu nai khumichi hawi amkawm moh.
22 Huna nai khumichi ly tlenrei khyhmy phra vui pajau nai ne. Tameuh, ti y baly samrang my, ati mana ka-jeira avum hai pajau ai mo, nanai ami pany pajau mo?
Khumi kachengchi i parip nai leuchi kamtawm
23 Khumi kachengchi ly hini parip nai leu hawi, thui parip nai ne.
Meimai khen iy tara chih nai ly tamang nai ne.
24 Tara chih nai keung ly kamngo awm nai khumi ai, kamngo by y nai khumi ne, nanai leu pacheang lawh teu baly, khumi bawibawichi my, pasawi nai hawi niu ngai y naira avum ai.
25 Kamngo awm nai khumichi ai, kamngo pajeng pi nai tara chih keung ly amyn kahawi nga iy amo theu nai hawi amtheaung naira nga ai.
26 Khumi kahawi i leu pathang teang nai ly ahawi meitangchi i ka-ma-ra ne.
27 Nang ly nangmy sa ai nai khaileaung meingtym awm yb iy, apacho pajau ai nai a-ym khala naini yhm so ba.
28 Khaw nai leusai ha harei py by y pui naimy, khumi takhra i vui y pany hai nai leu thui moh; ti y baly ni i tlang tleaung y tamang hai ai nai pa-rei, pany hai nai leu thui moh.
29 “Kai ai nimy ang sa nai kamta, ni ai py kasa teang ai! Ni ai vawitheung katha teang ai!” nanai thui moh.
30 Kai ly khumi napjang hawi khumi hawi y nai i, li hawi kreip akho sahawi mang tako prei bo.
31 Hunichira y achachi prau mang iy kabeng alengchi prau mang nai py niu; huni akho bai hawi, li kamki lengseaung apaichi ly anawi seaungkhrang na veng bo.
32 Kai ly hunichi ai khen patawm nai khala, amtiu naira kanga nai ne.
33 Huni amtiu naira ly taanach mangkha i-chi nai khumi, kiu atakawime iy kalop so y nai khumi lyRef 24.33-34: Leu kacheng 6.10-11
34 i nai thym khala ngari kamtang ly damra kamta, avaw nai ly tavaimi risa kamta, ni i tlang tleaung y tym hai ai.