20
Kadesa meingtym y avum nai leaungsaichi
(Theu 17:1-7)
1 Israela chengchi ly angchei i lo tleaung y Zin napi nai daichi ka-vym y tym u i, Kadesa meingtym y tai u bo. Huni meingtym y Miriam ly dei i up bo.
2 Nichi i tai nai meingtymra y ly tui by y nai deaungkho y, khumi mipuichi ly Mosi nini Aron teng y jeu achu u i, Ref 20:2-13 Theu 17:1-7
3 josei u nai ly: “Kaichi ly hina nai kamta patang nai tleaung y ly kaimychi i amjo amnauchi hawi vanrei, Areng i awmra Tabynako mo y dei nai ly hawi keh alam rai.
4 Ati mana nai y kaichi ai hini daichi ka-vym theung y pahawi lawh mo? Kaichi ai kaimychi i tawnbawichi hawi vanrei dei ai nai hina nai kamta sa nai a?
5 Ati mana nai deaungkho y hini ati sai py prau y nai, jengha nai meingtym y kamtang avum ai nai, Aikupta pri i dengdairei pahawi nai mo? Hi y ly amti amjang py by y, thaidu keung py by y, kreip keung py by y, thaitleung keungchi py by y, tui nei ai nai py by y!,” napi.
6 Naibaly Mosi hawi Aron nini ly mipuichi theung i nai theu iy Tabynako katheu pa-kho mo y angdo hawi bo. Nini ly khaileaung y ambeu hawi nai thym y, Areng i nang parai nai kangvang sangso ly nini teng amteng nai ne.
7 Areng my Mosi teng y,
8 “Leu Maikawm Pawm mo y khai nai cheaungvawi lo; naibaly nang hawi Aron, nangni ly khumi mipuichi ai jeu achu ai nai leu pei; nichi i mo y hunira awm nai lengseaung pui mang tui theu ai nai leu pei, nichi hawi nichi i tawnbawichi nei ai nai lengseaung pui mang tui achawn ai mang,” napi.
9 Mosi ly Areng my leu pei nai kamta cheaungvawi la bo.
10 Ni ly Aron hawi vanrei khumi mipuichi ai lengseaung pui mo y angym hai bo; naibaly Mosi my “Nangchi tiusi nai keungchi awi, tangai u! Hini lengseaung pui theung mang, nangchi i vui tui theu pa-rei kaimy my kang sa pi ai a?” nanai thui naimy,
11 cheaungvawi pheu iy lengseaung pui ai tlen nyhrei pakhau bo, naibaly lengseaung pui mang tui achawn thlauthlo na i, khumichi hawi tawnbawichi ly nei ai nai nga u bo.
12 Na i py Areng my Mosi hawi Aron teng y, “Nangni ly Israela chengchi i mo y, kai i sa thai naira ai ym naira di hawi lawh i, leu adeu nai pri y tym pa-rei nichi ai pahawi ai nai ngo y ai, nanai kang thui pi yb bo,” napi.
13 Hini ly Meriba meingtym y avum nai saichi ne; Israela chengchi ly Areng ai josei nai hawi, mymy ly kachai ne, nanai nichi teng y amteng hai nai meingtym ne.
Edom samrang my Israela chengchi ai my i pri mang tako prei ai nai pei y nai
14 Mosi ly Kadesa dengdairei Edom samrang teng y savaichi pato. Savaichi my Edom samrang teng y, “Nang i amjo amnau Israela chengchi teng i satang kang tym hai nai ne. Kaichi ly mana tanrei patang mo, nanai nang pany.
15 Kaichi i amsi pajochi ly Aikupta pri y chei u iy saneng neangneang awm i, Aikupta chengchi my amsi pajochi hawi kaichi ai ana u bo;
16 kaichi ly Areng teng y kasabawmra hnei nai khala, mymy ly pathang pi i Angel ai pato pi iy, kaichi ai Aikupta pri i dengdairei pahawi nai ne. Vai kaichi ly nang i peang nai khujyh kadesa mary y tym u bo.
17 Pahen parai naimy nang i pri theung mang tako prei ai nai pei kyh. Kaichi ly kaimychi hawi vanrei si, beram, tawnbawichi ly nang i li hlauchi, kreip akhochi mang tako hai y leang mang, nangchi i tuikanchira i tui py kang nei pi u y leang mang. Kaichi ly nangchi i khu ka-peang theung i nai theu y ryrei ly lam manglainote 20:17 lam manglai; ti y baly samrang i lamlen.kataw tako u ai,” napi.
18 Na i py Edom chengchi my, “Nangchi ai kaichi i pri mang tako prei ai nai kang pei pajau y! Nangchi tako u akhikan lawh baly, kaichi ly tavai aeng iy nangchi ai tiu ai,” nanai pathang u bo.
19 Israela chengchi my, “Kaichi ly lam manglai mang naini tako u ai nai teu. Kaichi hawi kaichi i tawnbawichi my nang i tui nei pi lawh baly, tui vang kang pei ai; tako prei ai nai phai pei kyh jemjem,” nanai takeng u bo.
20 Edom chengchi my, “Kaichi kang pei pajau y!” napi bi i, Israela chengchi ai tiu ai nai tavaimi kanghu akalym iy amsa u bo.
21 Edom chengchi my nichi i pri mang tako prei ai nai pei y nai deaungkho y, Israela chengchi ly ali teang iy lam takhra mang tako u nai ne.
Aron dei nai
22 Israela khumi mipuichi ly Kadesa dengdairei theu u i Hora mawi y tym u;
23 huni meingtym ly Edom chengchi i khujyh ne. Hu y Areng my Mosi nini Aron teng y,
24 “Aron ly dei ai; ni ly Israela chengchi teng y pei ai nai kaimy adeu nai pri y kun ai nai nga ai ny y; ati mana nai mo na baly nangni leaung nyhrei ly Meriba meingtym y kai i leu pei nai tangai hawi y nai deaungkho y ne.
25 Aron hawi ni i chapo Eleaza ai Hora mawi salo y hawi ly
26 hu y Aron i pathyp pi nai keung ateaung leng iy Eleaza ai amchiu hai. Aron ly hunira y dei ai,” napi.
27 Areng my leu pei nai kamta Mosi my sa bo. Israela cheng bawibawichi mo y, nichi ly Hora mawi y lyn u kalau bo,
28 naibaly hu y Mosi ly Aron i pathyp pi nai keung ateaungchi leng iy, Eleaza ai amchiu hai bo. Aron ly huni mawi saleung y dei bo. Naibaly Mosi hawi Eleaza nini ly mawi i nai satla hawi kathiu nai ne.Ref 20:28 Theu 29:29, Kati 33:38, Leu 10:6
29 Khumi humpuichi ly Aron dei nai satang thai nai khala, kani phairei paleung si nai vo tangam u bo.