4
Jerusalem mary anawi nai bo i awm nai sai
1 Amchai nanai muku ly amchai y veng bo.
Achura yhm i lengseaungchi py, lamchira y ahei pawn bo.
2 Zion mary i khumi ka-cheangchi ly achi i vui y muku kamta vang teng parai teu i py,
vai i neng y ly alai laawmchi kamta dawn ai nai avum u lawh bo.
3 Kasuinu malawn py my i chochi ai kanu panei reng teu i py,
kai i khumichi ly tavo kula-iuchi kamta, mymychi i cho chanauchi tlang tleaung y ana u bo.
4 Nichi ly mychi i kanu kanei deaungdichi ai, biu kanglam tui kanghai khai iy, dei hai bo.
Cho deaungdichi ly teicha teinei hnei u teu ly nichi ai ami py pei pi y leang.
5 Teicha teinei kahawi kehchi cha nei u reng nai khumichi ly lamchira y kajeu alam naimy dei u.
Tlamsa naimy tleaungri acheang u naichi py, anyn angso theung y kiu hawi kalai iy, teicha hau u bo.
6 Kai i khumichi ly Tameuh i kiu y vaimy phra seaungkhrang naira avum nai,Ref 4.6: AA 19:24
Sodom mary tleaung y pajeng naira avum.
7 Achi i samrang i chapochi ly chai y naira by y, ji kamta kaleung pyn na.
Nichi ly ngan tui suirau iy, noso hawi naimy atho ham u nai ne.
8 Vai ly nichi i mo-cha panum pawn i, amyn-anglo thui thai y naimy lamchira atlym iy, dei u tliu bo.
Nichi i ngan tlang ly dengkeaung beang kamta phuirawm naimy, hiuchi salo y peihchi akajawi na veng bo.
9 Tavai keung y dei nai khumichi ly teicha teinei avaw iy, heng ai nai lam by y naimy,
kajeu kanglam y dei dudu nai khumichi tleaung y hawi keh alam nai ne.
10 Kai i khumichi i avum nai khri pa-rei patang nai ly ka-jeira hawi parai nai ne.Ref 4.10: Leu 28:57; Ezek 5:10
Tamen naira hawi pahen naira awm nai amhmchi malawn py, mychi i cho chanauchi ai byh iy cha u nai ne.
11 Areng ly mymy i khri pa-rei kado theu nai haiho angym pa-rei tym hai bo.
Mymy ly Zion mary y mai paeng iy, huni mary ai maidym saprawi lawm hai bo.
12 Meingtym tleirei i khumichi hawi cheng takhrachi i samrangchi ly
mani paleung ka-e py, Jerusalem mary apaichi theung y kun pajau ai, nanai ym y.
13 Na i py huna nai tiu naimy kun nai ly tym chum veng bo. Ati mana nai mo na baly mary i amochi hawi pathyp pi nai keungchi ly
kamngo sa tamang u iy, kamngo by y naichi dei u nai deaungkho y ne.
14 Mary i miteaung kehchi ly amimi py abi ai nai ngai y na pa-rei,
thinai tleaungleaung naimy lamchira y mei kamjuchi kamta, aleaung meimang u bo.
15 Khumi mipuichi my, “leh u pawn! Nangchi ly chainem y, kaichi ai abi u moh, nanai aeu u.
Hunai deaungkho y nichi ly mychi ai sabawm nai keung by y i, pri harei i nai pri harei mang y ajau u joja nai ne.
16 Areng ly nichi ai dawndan pi y nai deaungkho y, mymy ly nichi ai ahei hai phro nai ne.
Kaichi i pathyp pi nai keungchi hawi lu sa nai keungchi ai py tahm khai y, meimai khen y leang bo.
17 Kaichi ly mana khala py sabawm naira tym pajau y nai kasabawmra ajeng u bo.
Kaichi ly mana khala py sabawm naira pei pajau y nai pri i, kasabawmra ajeng u jojo nai ne.
18 Paleung ka-echi ly kaichi ai ajeng i, khen patawm nai deaungkho y, kaichi ly lam y aki aleaung vam y.
Kaichi i neng kanichi ly dym veng bo; kangkhym kani tym veng bo.
19 Nichi ly kani salo mang dengdairei, taba kathiu nai ahmtlauchi kamta, kaichi ai ang patiu u.
Mawi aheungchi mang y kaichi ai kheulawi ang padyh bo; daichi ka-vymra y athang khai y naimy ang patiu u bo.
20 Nichi ly Areng my vawi takhra nai samrang, achi ai hengra pei nai keung,
paleung ka-e bawibawichi kiu tleaung i, ama hai ai nai kaichi i ym nai keung ai patiu u vui bo.
21 Edom pri hawi Uz pri y awm nai khumichi awi, panui u; nangchi amo theu pajau nai neng y, amo theu naimy awm u.
Nangchi avum ai nai patang nairachi py, ang tym ai mang; nang py ateaung by y naimy atlym khikha iy, kangji nga ai.
22 Zion mary ly my i kamngo vang apei nai tem bo; Areng ly achi ai pri pala naira avum hai ai ny y leang bo.
Na i py Edom pri awi, Areng ly nang ai pajeng ai; nang i sa nai kamngo pany hai pi ai.