6
Atiu nga ali teang nai
1 Kanirei nai khala amo kamkawm my Elisa teng y, “Achi i awm nai meingtym ly amchei parai!
2 Awmra yhm kangtha sa ai nai kaichi ly Jordan tavo peang y chei iy, dengkeaung paliu ai nai pei ba,” nanai hnei u.
Elisa my, “Hawi mang,” napi.
3 Nichi theung i leaungrei my Elisa ai, nichi hawi vanrei abang ai nai takeng i, ni py ngai;
4 nichi hawi vanrei chei pi bo. Nichi ly Jordan tavo y tym nai khala, kalop sa amteaung u.
5 Nichi theung i khumi leaungrei ly dengkeaung paliu nai thym khala y, ni i atiu ly tui theung y tla vui bo. Hunaibaly ni ly Elisa teng y, “Areng awi, kai ly mana sa ai mo? Hini atiu ly alai nai atiu ne!” napi.
6 Elisa my, “Atiu ly manira y tla nai mo?” nanai deng.
Huni khumi ly tla nai meingtym patei pi. Elisa ly thengbeang harei tameang iy tui theung y aphi i, atiu ly tui salo y po hawp teang bo.
7 “Huni atiu ai talau,” napi i, huni khumi ly kiu jaha iy atiu talam nai ne.
Suria tavaimi kamkawm tavai sum nai
8 Suria samrang ly Israela pri hawi tavai atiu nai thym khala, my i tavailu arengchi hawi arum iy, Taira meingtym vawi u bo.
9 Na i py Elisa ly Israela samrang teng y, “Huni meingtymra y Suria khumichi ly lampawm atheng u yb bo. Hunai deaungkho y hunira y chei u moh,” nanai khumi pato iy pany hai pi nai ne.
10 Hunaibaly Israela samrang ly huni meingtym y awm nai khumichi teng y pany hai yb i, hawihai palai typ hai bo. Huna nai tym nai ly avaw avawrei ne.
11 Suria samrang ly huna nai molam y khri pa-rei paleung bi i, my i tavailu arengchi ai palau iy, “Nangchi theung i ami mo ly Israela samrang mang y asa hai lo-oh?” nanai deng.
12 Nichi theung i leaungrei my, “By y leang samrang awi, amo Elisa ly nang i takun theung y leu kamsyh katheu nai malawn py, Israela samrang teng y amti pi nai ne,” napi.
13 Samrang my, “Huni khumi ly ma y awm mo, nanai hau u, kaimy patiu ai,” napi.
Samrang ly Dothan mary y Elisa awm, nanai pany nai khala,
14 keaungngo atang nai risachi, tavai ka-richi hawi tavaimichi ai huni meingtym y pato. Nichi ly vum y tym u i, mary y katanmeuh bo.
15 Kani pa-nyh khawn angthodyh khala y, Elisa i miseaung ly i ang thau nai angam mang y theu i, mary ai katanmeuh nai Suria tavaimichi hawi vanrei, keaungngo atang nai risachi, tavai ka-richi niu. Ni ly Elisa teng y ali teang iy, “Achi ly rai bo! mana sa ai mo? napi.
16 Elisa my, “Jei moh, achi mang y awm naichi ly nichi mang y awm naichi tleaung y nawi keh,” napi.
17 Naibaly Elisa ly “Aw Areng awi, ni i mei angvang hai ly niu sy ba! nanai chiu sa bo. Ni i chiu sa nai ly Areng my pathang pi i, Elisa i miseaung ly angdeang i, Elisa i tengpang mawi salo y mai keaungngochi hawi mai ka-richi kawi nanai niu bo.
18 Suria tavaimichi sahawi y tym nai kala Elisa my, “Aw Areng, hini khumichi ai mei paju hai pawn ba! nanai chiu sa i, Areng my huni khumichi i mei paju hai pawn bo.
19 Naibaly Elisa ly huni khumichi teng y chei iy, “Nangchi ly lam tamang u bo; hini mary ly nangchi i hau nai mary ny y leang. Kai nithun abang u; nangchi i aly ngai nai khumi teng y kaimy kang tha ai,” napi. Naibaly nichi ai Samari mary mang y pahawi bo.
20 Nichi mary theung y kun phai kun u baly Elisa my, “Aw Areng , hini khumichi i mei am-eaung hai ly niu u teang sy,” nanai chiu sa i, Areng my huni khumichi ai mei kangvang pei pi teang nai khala, nichi ly Samari mary theung y tym nai niu u lawh bo.
21 Israela samrang ly Suria khumichi ai niu nai khala Elisa teng y, “Areng awi, nichi ai kaimy padei ai a? Nichi ai kaimy padei ai a?” nanai deng.
22 Elisa my, “Padei moh; tavai keung y patiu nai risachi ai malawn py, padei ai nai avo y nai ne. Nichi ai teicha teineichi pacho iy, mychi i samrang teng y vawi ali teang ai nai pei pi u,” napi.
23 Hunaibaly Israela samrang ly cha nei pawi pui sa pi i, nichi ai pacho panei chum baly, Suria samrang teng y vawi hai teang nai ne. Huni kani dengdairei Suria khumichi ly Israela pri y tiu vam y bo.
Samari mary ai katanmeuh nai
24 Neng kra kyh nai khala y Suria samrang Benhada ly Israela pri y tiu ai nai my i tavaimi kamkawm verei hawi amsa iy, Samari mary y katanmeuh bo.
25 Samari mary theung y cha nei takang. Keaungngo kano kasau lu harei nai y tangka chang vui tajarei, buhu einote 6:25\xk buhu ei: Huni neng khala buhu ei ai ly maje karam, nanai py palau nai ne. \x*sirei nai y tangka chang tlau pangrei hawi van ai nai tla bo.
26 Israela samrang ly mary apai salo y aleaung nai thym khala, neampachy leaungrei my, “Samrang awi!, kai ai sabawm kyh ba,” nanai aeu.
27 Samrang my, “Nang ai Areng my sabawm y baly, kai ly mana kang sabawm pajau ai mo? Kai teng y choh hawi kreip hang awm sai a?
28 Nang i patang nai sai ly ati mo?” nanai deng.
Neampachy my, “Hini neampachy my ly jangdyh, ‘vaini nang i chapo ai cho u sina; khawndam ly kai i chapo ai cha ai,’ nanai thui .
29 Hunaibaly kaini ly kai i deaungdi ai theaung iy cha bo. Khawn khutawi nai khala ly kaimy nang i chapo ai cho sina, nanai thui pi baly, ni ly my i deaungdi ai heu vui lawh!” napi.Ref 6.29: Leu 28:57; Tangam 4:10
30 Samrang ly huni leu thai nai khala y khri pa-rei jei hyn nai y, my i ateaung seih vui na. Naibaly mary apai sahawi y awm nai khumichi ly my i amchiu nai ateaung theung y paisiu amchiu nai niu u nai ne.
31 Samrang my, “Vaini kani avah y rai khala, Elisa i lu katameang y lawh baly, Tameuh my kai ai dei pa-rei pajeng na sy!” nanai vaineng abeu bo.
32 Naibaly Elisa ai patiu ai nai khumi leaungrei pato nai ne.
Huna nai thym khala y Elisa ly mymy teng y pavai nai miteaung kehchi hawi vanrei, mymy i yhm y awm. Samrang i pato nai savai tym y kyh rai khala, Elisa my huni miteaung kehchi teng y, “Khumi ai tleh nai keung ly kai ai padei ai nai khumi leaungrei ang pato bo ho! Hunai deaungkho y huni khumi ang tym nai khala y, katheu kho u veng. Ni ai kun ai nai pei u moh; samrang ly ni i nithun mang ang jeu ai,” napi.
33 Ni i thui nai leu tem y naimy samrangnote 6:33\xk samrang: Hebrai leu y “savai atli hai nai keung” nanai sai ne. \x*ly tym iy, “Hina nai patang naira avum hai nai keung ly Areng my ne lawh veng! Kai ly mymy teng i kasabawmra mana ajeng veangveang ai mo!,” napi.