10
Sheba samrangnu pavai nai
(2 Neng 9:1-12)
1 Sheba pri i samrangnu ly Solomon i amyn amthang nai sai thai i, rai parai nai leuchi hawi samrang ai cham ai nai Jerusalem mary y jeu bo.Ref 10.1-10: Mt 12:42; Lk 11:31
2 Samrangnu ly mui katui cheaungkhangchi, vang kateng lengseaungchi hawi muku neangneangchi kula-iuchi tleaung y tang iy tym. Ni ly samrang i mo y tym nai khala y, my i adawn yb nai leusaichi deng bo.
3 Naibaly samrang my ha py takhawi y pa-rei pathang pi. Samrang pathang pajau y ai nai pa-rei deng nai leusaichi abawi y nai ne.
4 Sheba samrangnu ly Solomon i cheng nai saichi, samrang i yhm sa nai saichi,
5 samrang i pacho panei nai teicha teineichi, samrang i bangtangchi awm ai nai yhmchi, samrang yhm i miteaungkehchi hawi amsi amtlau naichi ai kalop pacheang naichi, nichi i ateaung ka-tawm riri ateaung naichi, cha nei pawira y samrang ai pasawm patau nai miseaungchi, Achura yhm y talam nai kapathyprachi, hunichi ai niu nai khala ly lyh nai sai mynkym vui nai ne.
6 Ni ly samrang Solomon teng y, “Kai ly Sheba pri y awm nai khala, nang hawi nang i cheng nairachi thai nai ly teng khyp bo!
7 Na i py kai ly nang ai niu y rai khala, huni satang ly ka-ym y; huni thym khala y kai i thai nai satangchi ly vai, niu nai leaungsaichi ka-hyhrei malawn py by y. Nang i cheng naira hawi nang nai sai ly kai i thai nai tleaung y ka-teng ka-tang ny y nanai ne.
8 Nang i aju ly khri pa-rei taham hawi na ly! Nang teng y kalop sa nai tarawi y nang i cheng nai saichi thai nai, nang i miseaungchi py khri pa-rei taham hawi na ly!
9 Nang i Areng Tameuh ly nang parai nai awm sy! Mymy ly nang ai khri pa-rei tamen nai deaungkho y, Israela samrang y tahm pasang bo. Israela chengchi ai deungtasarei tamen nai deaungkho y, nichi ai leu meitang adyh adawi naimy peang ai nai, nang ai samrangra y palyn nai bo,” napi.
10 Hunaibaly Sheba samrangnu ly samrang Solomon teng y muku kaji sie 7375 virei, rimui neangneangchi hawi vang kateng lengseaungchi py talam pi nai ne. Solomon i nga reng nai rimuichi tleaung y, Sheba samrangnu i pei nai rimuichi ly nawi keh nai ne.
11 Ophira mary i mukuchi tang nai Hiram i sampho kamkawm ly Sendaku keung hawi vang kateng lengseaung neangneangchi py syn u.
12 Solomon ly Sendaku keung ai Achura yhm hawi samrang yhm i saiphynchi sa naira y hawi, taro beu kawp nai keungchi i vui, taro katheang kalen sa naira py teaung nai ne. Huna tanrei hawi nai Sendaku keung ly Israela pri y, jangni mana khala py tym hai vai y.
13 Samrang Solomon ly tlen tlangrei pei reng nai langseaungchi ai, Seba samrangnu teng y paleung hawi parai naimy pei pi nai bo y, samrangnu i ngai naichi py, pei pi nai ne. Naibaly samrangnu ly abang naichi hawi vanrei, Sheba pri y vawi u ali teang bo.
Samrang Solomon i nang nai sai
(2 Neng 13-28)
14 Samrang Solomon ly saneng tleirei muku kaji sie 224,25rei nga nai ne.
15 Huni bo y ka-sum ka-pai kalen sa nai khumichi teng i akeu nga naichi, ka-sum ka-pai sa naira i kamranchi, Arap samrangchi hawi Israela khu peang nai keungchi my pei nai kahmchi py nga nai ne.
16 Solomon ly khupui kalen chungvai nyhrei sa i, ha harei ai muku kaji sie 17rei hawi mawm hai typ bo.
17 Muku kaji sie 5rei riri mawm typ nai khupui katheang chungvai thomrei py sa i, huni khupui bawibawichi ai Lebanon Hallra y khai hai nai ne.
18 Solomon ly muku tangcheng hawi mawm typ nai kasai nuh bailang pui py sa.
19-20 Huni bailang tleaung y lyn ai nai khailei kheubyn tariurei awm; khailei kheubyn tleirei y khrangsi mynchi khai i, khrangsi myn bawibawi ly holai nyhrei awm. Bailang i nithun mang y si katai lu myn harei awm iy, kiu kheangra nyhrei sahawi y ly khrangsi myn ha harei khai nai ne. Huni bailang ka-tawm ly mani pri y py by y leang.
21 Solomon i tui nei nai khau bawibawichi py muku hawi sa naichi ne i, Lebanon daichi napi nai Hall theung y awm nai ateaung alang bawibawichi py, muku tangcheng hawi sa naichi ne. Solomon i deung y tangka ai ly vang kateng palawn y nai deaungkho y, teaung py teaung y.
22 Samrang ly Hiram i sampho kamkawmchi hawi vanrei, ka-sum ka-pai sa ai nai pangli samphochi awm. Huni samphochi ly saneng thomrei y tlenrei mychi pri y vawi teang iy muku, tangka, kasai nuh, khumi kalai hawi kalaichi py syn pi reng nai ne.
23 Samrang Solomon ly samrang bawibawichi tleaung y nang py nang, cheng py cheng keh.
24 Naibaly khaileaung pri verei i khumichi ly samrang teng y Tameuh my pei nai cheng nai leu katheu naichi tangai ai nai tym u bo.
25 Saneng tleirei jeu u nai khumi bawibawichi ly muku ateaung, baichu ateaung, tavai ateaung, rimui cheaungkhang, keaungngo hawi keaungngo kano kasauchi langseaung talam u nai ne.
26 Solomon ly tavai ka-ri 1,400 rei hawi keaungngo 12,000 rei awm nai tavaimi kamkawm py sa; phyreichi ai ly Jerusalem mary theung y khai iy, phyreichi ai ly mary takhra takhrachi mang y khai nai ne. Ref 10.26: 1 Areng 4.26
27 Ni i peang nai deung y Jerusalem mary theung y tangka ai ly lengseaung kamta palawn iy, saitleang keung ly Juda mawi kheutangra y prau nai po kalang keungchi kamta, neangneang prau nai ne.
28 Musari pri hawi Kilikia prinote 10:28\xk Musari pri hawi Kilikia pri: vai Turiki pri y awm nai jangni i prichi ne. Solomon deung y keaungngo khawn nai sangum meingtym ne. \x*mang i keaungngochi, Aikupta pri mang i ka-richi pakun ai nai samrang i ka-jo ka-van keungchi my amkhaw u.
29 Nichi ly Hiti hawi Suria samrangchi teng y keaungngo harei y tangka chang chungvai tariurei, ka-ri harei y tangka chang chungvai atlo vui pangrei y jo nai ne.