9
Solomon teng y Tameuh my amteng hai bi nai
(2 Neng 7:11-22)
1 Samrang Solomon ly Achura Yhm, samrang yhm hawi my i sa ai ngai nai cheaungkhangchi sa pajau nai bo y,
2 Kibeon mary y awm nai khala amteng hai nai kamta, Areng my ni teng y amteng hai bi bo.Ref 9.2: 1 Areng 3:5; 2 Neng 1:7
3 Areng my ni teng y, “Kai ly nang i chiu sa nai thai bo; kai ai chiu jojo nai meingtym lawm ai nai, nang i sa nai hini Achura Yhm ai kaimy khai takhra pi bo. Hini Achura Yhm ai kaimy avawrei kang khen pi ai.
4 Nang ly nangmy i ampo Davida kamta neaung hawi parai naimy kai i kalopchi sa iy, kai i reitachi patawm naimy kai i leu pei nai bawibawichi tangai baly,
5 Nang i ampo Davida i Israela samrang atehra tleaung y ateh nai samrang kamtawm avaw hai y ai, nanai adeu nai kamta kang sa pi ai. Ref 9.5: 1 Areng 2:4
6 Na i py nang hawi nang i katu chanauchi ly kai nithun abang y lawh baly, kaimy kang pei nai reitachi hawi leu pei naichi ai patawm u y naimy, tameuh takhrachi teng y chiu sa u lawh baly,
7 kai ly kai i khumi Israela chengchi ai kaimy pei nai hini pri i dengdairei patheu vui ai. Kai ai chiu ai nai i vui y khai takhra nai hini Achura Yhm ai py nyn va vui ai. Huna nai khala y meingtym tleirei i khumichi ly Israela chengchi ai thui tamawn naimy panui hai ai.
8 Hini Achura Yhm py phra seaungkhrang nai yhm lawm ai. Huni sahawi mang tako nai khumi bawibawichi ly khri pa-rei lyh u ai i, ‘Areng ly hini pri hawi hini Achura Yhm ai, ati mana nai y hina nai kamta sa lawh mo?,’ nanai deng u lengleang ai. Ref 9.8: 2 Areng 25:9; 2 Neng 36:19
9 Hunaibaly khumichi my, ‘Hinichi ly mychi i amsi pajochi ai Aikupta pri i dengdairei pahawi nai keung Areng Tameuh ai khai u su iy, tameuh takhrachi mang y ahihawi u nai deaungkho y, Areng ly nichi i tlang tleaung y hini ka-jeira awm naichi tym hai nai ne,’ nanai pathang ai,” napi.
Solomon hawi Hiram nini ka-dyh ka-dawi sa nai
(2 Neng 8:1-2)
10 Samrang Solomon ly Achura yhm hawi samrang yhm sa naira y saneng apomrei ateng nai ne.
11 Turu samrang Hiram ly Solomon i atiti sa naira y ngai nai ryrei saitleang keungchi, maicha keungchi hawi mukuchi py sabawm pi nai ne. Huni kalopchi sa pajau nai bo y samrang Solomon ly Hiram teng y Kalili khu ka-peang y awm nai mary apomrei pei pi.
12 Hiram ly huni marychira chei iy khen i, khrei nai ne.
13 Hunai deaungkho y ni ly samrang Solomon teng y, “Nang i pei nai marychi ly ati mana nai marychi mo?” nanai thui nai leu ai vaini khrairei Kabula,note 9:13\xk Kabola: Hebrai leu y “vang teng y” nanai sai ne. \x* nanai amyn palau u bo.
14 Hiram ly Solomon teng y muku kaji sie 590,0 virei pei pi nai ne.
Solomon i takhra sa nai saichi
(2 Neng 8:3-18)
15 Samrang Solomon ly Achura Yhm hawi samrang yhm sa naira y py, mary i nisi ngan mang y khaileaung taphum naira y py, mary apai sa naira y py, kalop ram sa nai khumichi ai teaung nai ne. Samrang ly huni kalop ram sa nai khumichi hawi iy Hazor mary, Mekido mary hawi Keza marychi sa palum teang bo.
16 (Aikupta samrang ly Keza mary ai tiu iy peang vui i, hu y awm nai khumichi ai padei iy mary ai py mai leang vui bo; naibaly ni ly chaniu ai Solomon hawi apom hai nai thym khala y, huni mary ai py pei pi nai ne.
17 Hunai deaungkho y Solomon ly Keza mary ai sa palum teang nai ne.) Solomon ly tlawi mang Beth Horon mary,
18 Baalath mary, Juda daichi ka-vym theung y awm nai Tamar marychi ai py,
19 my i teicha teinei vawnsaichi khai nai marychi, my i keaungngochi, tavai ka-richi, tavai taira marychi py, Jerusalem mary, Lebanon hawi my i pri theung y awm nai takhra meingtymchira y, my i sa ai ngai nai cheaungkhang ai py, miseaung kamta kalop sa nai khumichi hawi sa nai ne.
20-21 Solomon ly kanan pri ai Israela chengchi my peang nai thym khala, padei be y nai kanan cheng khumichi ai miseaung kamta kalop sa naira y teaung nai ne. Nichi theung y Amori, Hiti, Perizi, Hivit hawi Jebusi chengchi py abawi u. Nichi i katu chanauchi ly vaini khrairei miseaung y awm jo nai ne.
22 Solomon ly Israela chengchi ai miseaung y khai y leang. Nichi ly tavaimichi, samrang i bangtangchi, tavailu arengchi, tavai ka-ri luchi, keaungngo tavaimi kalopchira y sa .
23 Solomon i kalop cheaungkhangchira y kalop ram sa nai khumichi ai lu sa nai miteaung keh leaung 550 rei awm.
24 Naibaly Solomon ly my i aju Aikupta samrang i chaniu ai, ni i vui sa pi nai samrangnu yhm mang y, Davida mary dengdairei hawi nai bo y, mary i nisi ngan mang y khaileaung taphum nai ne.
25 Solomon ly Areng i vui y, my i sa nai maicham salo y leng patlum nai kapathyp hawi amkawm nai kapathypchi, sanengrei y tlen thomrei talam. Areng teng y rimui patawi nai py talam bo. Naibaly ni ly Achura Yhm sa nai kalop patem nai ne.Ref 9.25: Theu 23.17, 34:23; Tara 16:16
26 Samrang Solomon ly Edom pri Elath mary sahawi i pangli kamsen peang y awm nai Ezaijumkaba maryra y samphochi py sa.
27 Samrang Hiram ly sampho kalopchira y kyhchaw nai khumi phyreichi ai, Solomon i khumichi hawi vanrei kalop sa ai nai pato pi bo.
28 Nichi ly Ophira mary mang y sampho hawi chei u i, Solomon teng y muku kaji sie 236,00 virei syn pi bo.