19
Semeon theaung ai phy pi nai khu ka-peang
1 Tlen pa-nyh tambe va iy phy pi nai khala, Semeon theaung yhm dengtheungchi khu ka-peang nga u nai ne. Huni khu ka-peang ly Juda theaungchi teng y phy pi nai khu ka-peang theung y awm.
2 Huni khu ka-peangra y Beraseba mary, Seba mary, Molada mary,Ref 19.2-8: 1 Kor 4.28-33
3 Hazashuala mary, Balah mary, Ezem mary,
4 Elatolad mary, Bethula mary, Homah mary,
5 Zikalet mary, Beth Makaboth mary, Hazar Susah mary,
6 Beth Lebaoth mary hawi Saruhen mary napi nai mary kalen holai thomrei hawi, hunichi teng pang i marychi abawi nai ne.
7 Huni bo y En mary, Rimon mary, Ether mary hawi Asnah mary napi nai mary kalen palyhrei hawi, tengpang i marychi py abawi.
8 Huni mary kalen tengpang i marychi ly tokalawi mang Baletbera mary (Ramah mary) ryrei awm nai, mary bawibawichi abawi. Hini khu ka-peang ly Semeon theaung yhm dengtheungchi i khu ka-peang ne.
9 Juda theaung i vui phy ly ngai nai tleaung y kau nai deaungkho y, Simeon theaung ai huni khu ka-peang theung i phy paji pi nai ne.
Zebulon theaung ai phy pi nai khu ka-peang
10 Tlen pa-thom tambe va iy phy paji pi nai khala, Zebulon theaung yhm dengtheungchi khu ka-peang nga u bo. Nichi i nga nai khu ka-peang ly Sarid mary tym pa-rei kau.
11 Khujyh ly huni mary i dengdairei, Dabeseth mary hawi Jokanem mary nisi mang i micheaung takoleu iy, nidym mang i Marala mary ryrei tym.
12 Khujyh ly Sarid mary dengdairei, nisi mang Khisloth Tabor mary khujyh tym pa-rei ne.
13 Hu i nai nisi mang Kith Hepha mary hawi Itakazin mary y tym iy, Rimon mary mang tako nai lam i, Neah mary mang y amhi vui nai ne.
14 Tosyh mang khujyh ly Hanathon mary mang y amhi iy, Jiphasela leaunghawi ra patem.
15 Huni khu ka-peangra y Katath mary, Nahala mary, Shimron mary, Idala mary, Bethlehem mary napi nai mary kalen holai nyhrei hawi, huni tengpang i marychi abawi.
16 Hini mary kalenchi hawi tengpang i marychi ly Zebulon theaung yhm dengtheungchi i khu ka-peang theung y awm nai ne.
Isakhar theaung ai phy pi nai khu ka-peang
17 Tlen palyhrei tambe va iy phy paji pi nai khala, Isakhar theaung yhm dengtheungchi khu ka-peang nga u nai ne.
18 Huni khu ka-peang theung y Jezarela mary, Khesulot mary, Shunem mary,
19 Hapharaim mary, Sihon mary, Anaharath mary,
20 Rabith mary, Kishion mary, Abeth mary,
21 Remeth mary, Akanim mary, hawi Bethpaze marychi abawi.
22 Khujyh ly Tabor mary, Shahazumah mary hawi Beth Semesh marychi ai takoleu iy, Jordan tavora tem nai ne. Hini khu ka-peang theung y, mary kalen holai tariurei hawi, hunichi tengpang i marychi abawi.
23 Huni marychi hawi tengpang i marychi ly Isakhar theaung yhm dengtheungchi nga nai khu ka-peang theung y awm nai ne.
Asher theaung ai phy pi nai khu ka-peang
24 Tlen pa-ngo tambe va iy phy paji pi nai khala, Asher theaung yhm dengtheungchi ly khu ka-peang nga u.
25 Huni khu ka-peang theung y Hilkath mary, Hali mary, Bitin mary, Akashap mary,
26 Alam Meleh mary, Amad mary, hawi Mishal marychi abawi. Nidym khujyh ly Karamela mary hawi Shihor Libnath marychi ai takoleu bo.
27 Hunaibaly nisi mang y ami iy Bethdakon mary y tym baly, Zebulon khu ka-peang hawi Jiphathela leaunghawi takoleu i,tosyh mang Bethemi mary hawi Naiela mary mang y tym. Huni bo y tosyh mang ang vum iy Kabula mary,
28 Ebron mary, Rihob mary, Hammon mary, Kanah marychi dengdairei, Sidon mary ryrei tym.
29 Hu i nai bi baly Ramah mary mang y ami iy, khaw parai nai apai awm nai Turu mary y tym. Naibaly Hosah mary mang y amhi iy, Mrithe pangli y tem. Khu ka-peang theung y Mahalab mary, Akhazi mary,
30 Ummah mary, Aphek mary, Rihob mary napi nai mary kalen apom phai nyhrei hawi, hunichi i tengpang y awm nai marychi abawi.
31 Hini mary kalenchi hawi tengpang i marychi ly Asher theaung yhm dengtheungchi i khu ka-peang theung y awm nai ne.
Naphtali theaung ai phy pi nai khu ka-peang
32 Tlen tariu tambe va iy phy paji pi nai khala, Naphtali theaung yhm dengtheungchi khu ka-peang nga u nai ne.
33 Huni khu ka-peang i khujyh ly Hileh mary, Zaananim mary meingtym i Taru keung dengdairei amteaung iy, Adaminikeh mary, Jabanila mary hawi Lakum marychi ai takoleu i, Jordan tavora tem nai ne.
34 Khujyh ly nidym mang Azanoth Tabor mary mang y amhi iy, Hukkok mary y tym. Tokalawi khujyh ra y Zebulon khu ka-peang, Nidym mang khujyhra y Asher khu ka-peang, nisi mang khujyh ra y Jordan tavo napi naichi awm nai ne.
35 Khaw parai nai apai awm nai mary kalenchi ly; Zidim mary, Zerah mary, Hamath mary, Rakath mary, Kenesari mary,
36 Adamah mary, Ramah mary, Hazor mary,
37 Kadesa mary, Edrei mary, Enhazor mary,
38 Iron mary, Mikadalel mary, Horim mary, Bethanath mary hawi Beth Shemesh mary napi nai mary kalen holai takawrei hawi, hunichi i tengpang y awm nai marychi ne.
39 Huni mary kalenchi hawi tengpang i marychi ly Naphtali theaung yhm dengtheungchi i khu ka-peang theung y awm nai ne.
Dan theaung ai phy pi nai khu ka-peang
40 Tlen saryhrei tambe va iy phy paji pi nai khala, Dan theaung yhm dengtheungchi ly khu ka-peang nga u nai ne.
41 Huni khu ka-peang theung y Zorah mary, Esatola mary, Irasamih mary,
42 Salabim mary, Aijalon mary, Jesala mary,
43 Elon mary, Timnah mary, Ekron mary,
44 Eltikeh mary, Kibathon mary, Baalath mary,
45 Jehud mary, Beneberak mary, Karthmon mary,
46 Mijakon mary hawi Rakon marychi hawi vanrei, Joppa mary tengpang y awm nai meingtymchi abawi.
47 Dan theaungchi ly mychi i khu ka-peang tama vui nai khala, Laish mary ai tavai tiu iy, mary i khumichi ai tleh pawn chum baly, huni mary y awm u bo. Lesa nanai mary amyn ai, cheng theaung i ampo Dan amyn mang y pathi palai u.Ref 19.47: Tara chih 18.27-29
48 Hini marychi hawi tengpang i marychi ly Dan theaung yhm dengtheungchi i khu ka-peang theung y awm nai ne.
Kangkhym y phy pi nai khaileaung meingtym
49 Israela chengchi ly pri verei ai phy amji u nai khala, Nun i chapo Josua i vui khaileaung meingtym khai pi takhra bo.
50 Areng my leu pei nai kamta, Josua i hnei nai Ephraim mawi aheung meingtym i Timanath Serah mary ai, ni teng y pei pi u. Ni ly mary palum teang i, huni mary y awm bo.
51 Pathyp pi nai keung Elijazar, Nun i chapo Josua hawi Israela cheng theaung yhm dengtheungchi i miteaung kehchi ly Siloh mary i Areng awm nai Tabynako mo y, khu ka-peangchi ai tambe va iy, Areng i kangai y phy paji pi bo. Hina nai kamta, pri phy pi nai kalop ly pajau nai ne.