9
Joba
1-2 Nang i thui nai leu ly teng, nanai kai pany.
Na i py khumi ly mana nai y Tameuh hawi ka-awi sa iy,
kamjau nga ai mo?Ref 9.2: Joba 4.17
3 Khumi ly ati mana nai y mymy hawi a-ei pajau ai mo?
Khumi ly mymy i deng nai leusai sangrei theung y
harei py pathang pajau y leang.
4 Tameuh i cheng naira hawi sa thai naira ly
len parai nai deaungkho y, ami py mymy ai tiu pajau ai ny y.
5 Mymy ly mawichi ai vaimy asyh hai tamangtang bo.
kado theu iy taphra pawn bo.
6 Tameuh ly kalei theu hai iy,
khaileaung amchyh hai.
Mymy ly khaileaung i sangum langdeng yhmtawichi ai ahyn hai bo.
7 Tameuh ly kani si hai y ai nai hawi,
ka-si taukichi avang hai y ai nai sa thai naira awm.
8 Kani khusang kadai iy, pangli naka i anam keungleung y chiu nai khala,
Tameuh ly ami i kasabawmra py aly ngai y.
9 Ka-si deung, eupui eulo ka-jeaung,Ref 9.9: Joba 38.31; Amo 5.8
ka-si niprawn hawi tokalawi mang y awm nai ka-si bawibawichi ai,
Tameuh ly kani khusangra bang hau nai ne.
10 Achi ly mymy i sa nai, nang parai nairachi ai pany thai y.
Mymy i rengrang ka-ma-rachi ly kati pajau y.
11 Tameuh ly kai i sahawi mang tako prei teu i py, kai ly mymy ai niu pajau y.
12 Mymy ly my i aly ngai nai ai la vui nai ne;
mymy ai ami py paka pajau y.
Ami my, “Nang ly ati sa nai mo?” nanai deng u vam y.
13 Tameuh i kado theu nai ly rym y;
mymy ly amy ai tiu nai pangli naka rahabinote 9:13\xk Rahabi: achi akhangra y pangli naka i amyn ne; khrukhra hai nai hawi, hawi y nai ra ai amteng hai nai ne. \x*ai sabawm nai paleung ka-echi ai tamyh pawn nai ne.
14 Hunai deaungkho y kai ly Tameuh teng y takeng ai nai, ati mana nai leu hau iy nga pajau ai mo?
15 Kai teng y kamngo by y i py,
kai ai tara chih nai keung napi nai
Tameuh teng y ahui ai naini awm khyh.
16 Mymy ly kai ai huna nai kamta, ahui ai nai pei teu i py,
kai i ahui nai tangai pi ai, nanai kai ym y.
17 Mymy ly atyhtyh naimy kai ai tamokalem
no nga hai ai nai, ali kamchai pato bo.
18 Mymy ly kai ai taho ai nai py pei y na;
Kai i heng nai ai no-ei hai bo.
19 Kai ly khrukhra hai ai nai atho sa ai avo na a?
Tameuh i tlang tleaung y khrukhra hai na a?
Mymy ai tara jeung y tym hai ai a? Hu y chei ai nai mymy ai ami my leu pei ai mo?
20 Kai ly kamngo by y iy ka-ym awm nai ne teu i py,
kai i leuchi ly kamngo awm nai katyn theu lawh nai ne.
Kaimy i labeaung malawn py, kai i tlang tleaung y kamngo pajeng ali teaung bo.
21-22 Kai ly kamngo by y nai khumi ne;
na i py kai ly ati sai py dawndan y leang bo.
Heng nai sai ai kapaleih na. Ati sai py aly len y leang bo.
Kamngo awm nai py ne sy, kamngo by y nai py ne sy,
achi ai Tameuh my taphra pawn ai.
23 Kamngo by y nai khumi leaungrei, vaimy dei leu nai khala,
Tameuh ly panui nai ne.
24 Tameuh ly khaileaung pri ai, khumi hawi y naichi i kiu tleaung y au bo.
Tara chih nai keungchi i, cheng nai mei ai paju hai bo.
Hinichi ai Tameuh so y baly ami sa ai mo?
25 Kai i neng kani ly kheih kasa veng bo; kanirei py kai ai hawi naira pei y.
26 Kai i heng nai sai py, khri pa-rei rang nai sampho kamta,
jeungcho ai ahmtlau my hni nai kamta py, neng kheih kasa nai ne.
27-28 Kai ly panuiyhm naimy, kai i avum nai no patang nai katami vui ai nai atho sa nai khala,
kai i avum nai no patang naira ly no ali teang i, kai i paleung adi adiu hai bo.
Tameuh ly kai ai kamngo awm nai khumi ne, nanai dawn nai py kapany bo.
29 Huna nai kamta Tameuh ly kai ai kamngo awm nai khumi,
nanai dawn veng nai deaungkho y,
kai ly ati mana nai y paleung bi paleung mawn atyhtyh naimy awm ai mo?
30 Mani mo saibeung hawi py, kamngochi chai pyn hai ai nai pasiu thai y leang.
31 Tameuh ly kai ai chainem y nai angawm theung y aphi su.
Kai i ateaung my malawn py, kai ai ang paso bo.
32 Tameuh ly khumi ne lawh teu khyly,
kai ly mymy ai kaei pajau ai bo.
Achi i a-ei nairachi chih pi ai nai, tara jeung y tym hai pajau nai ne.
33 Na i py achi sala y kun ai nai khumi,
Tameuh hawi kai ai tara chih ai nai leaungrei py by y.
34 Aw Tameuh! kai i tlang tleaung y pajeng nai ly anawn kyh ba.
Nang i ka-jei awm parai nai patangra py, pei moh kyh ba.
35 Kai teng y ly jei hyn ai by y nai deaungkho y,
jei y naimy hnei takeng ai.