41
1 Nang ly tuireng nam note 41:1\xk Tuireng nam: 3:8 ra khen ba\x* ai sakawi hawi patiu pajau na a?Ref 41.1: Sam 74:14, 104.26; Isaia 27.1
ti y baly ni i palai angto y na pa-rei, vuinawn hawi thang pajau na a?
2 Nang ly ni ai nodo pheu pajau na a? ti y baly ni i tengtabyh ai
tamo leangkhawn hawi vawn vui pajau na a?
3 Ni ly mymy ai patleaung ai nai, nang teng y takeng na a?
Mymy ai pahen ai nai ahui na a?
4 Ni ly nang hawi leu sumneang asa iy,
deungrei nang i miseaung achei ai nai adeu na a?
5 Nang ly khawn nai tavo ai tamau nai kamta,
ni ai tamau ai a?
Nang i miseaung neampachychi i vui amau hai naira kamta, thang thleng ai a?
6 Ngo jo nai keungchi my ni ai van ai nai, vang aprai u ai a?
Ka-sum ka-pai sa nai keungchi ly ni ai jo ai nai tawp piupa u ai a?
7 Nang ly ni i peih ai nga-pichi hawi thun piupa ai a?
Ni i lu ai sakawi amtaw hawi, prida na pa-rei thun pajau na a?
8 Ni ai tlenrei teaungdei baly, vai tlenrei teaungdei bi ai nai vam ai ny y;
ni hawi acham nai ai mana khala py, tami pajau ai ny y.
9 Tuireng nam ai niu nai ngierei ly
jei naimy, khaileaung y atlym nai ne.
10 Huni heng nai amjy pui ly paleung phui nai khala, khri pa-rei jei ai nai hawi parai;
ni i mo y ami py angdo vam ai ny y.
11 Tamokalem ngo hai y naimy, ni hawi atiu acham pajau nai khumi awm na a?
Khaileaung pri verei y, hina nai sa pajau nai khumi leaungrei py by y.
12 Tuireng nam i kheuchi hawi,
ni i mana tanrei atho ham iy len na mo, nanai satang kang thui pi ai.
13 Ni i ngan peih ai ami py lei pajau y; tamo baichu hawi atawm nai
ni i ngan peih sambeu ai, ami py thunmei pajau y.
14 Ami nai ly ni i labeaung taai pajau ai mo? Huni labeaung theung y
amjyn hyh nai hochi ly ka-jei hawi parai.
15 Ni i anam keungleungra y lengseaung kamta tang i,
ha harei hawi abiri naimy pajyn hyh nai, khupui hawi atawm nai ahlichi awm.
16 Huni ahlichi ly ha harei hawi khri pa-rei abiri nai deaungkho y,
ali malawn py kun thai y.
17 Hunichi ly mana mo i py, takheaung pajau y pa-rei
khaw parai naimy amtawn cheng nai ne.
18 Ni i pasei nai khala kangvang ko na iy,
ni i meichi ly theu angchei nai kanito kamta angvang phang na.
19 Ni i labeaung mang mai kadeu theu iy,
mai kalichi achen na bo.
20 Alai laawm anui y mai amtawi nai acha keungchi i maikhyh kamta,
ni i notareang mang maikhyh theu nai ne.
21 Ni i taho nai ali ly maisaei ai mai amtawi hai iy,
ni i labeaung mang maikadeu theu.
22 Ni i kaneaung ly khri pa-rei atho awm nai deaungkho y,
ni ai niu nai ngiereichi ly jei hyn u bo.
23 Ni i ngan peih ly naudyp nai harei py by y i,
tamo kamta tang iy khaw parai.
24 Ni i paleung pakawi ly lengseaung pui kamta amchyh y i,
lengseaung sum kamta tang iy khaw parai.
25 Ni i ang thau nai khala, atho awm parai naichi malawn py,
jei phi nai deaungkho y, mynkym u na bo.
26 Ni ai tamokalem nga hai pajau nai haisau, nanai by y;
mani mo nga-pi, thailiho chyn, ti y baly tivi py ni ai no ngo hai pajau y.
27 Ni ly tamo beang ai chohphi kamta,
kheupaja ai dengkeaung karaw kamta dawn nai ne.
28 Thailiho chyn hawi ko iy, ni ly angpreng y;
lijai hawi ko nai lengseaung akawichi ly ni i vui chohphichi kamta lawm.
29 Ni ly samtleang ai chohphi kamta dawn nai ne.
Khumichi my nga-pi hawi thun nai khala, ni ly panui hai lawh.
30 Ni i kajeu po-lora i ahlichi ly laawm ka-kawi kamsuichi atawm nai deaungkho y,
ni i ambeu nai tarawi y ava nai khala, aneaung kapanra y, lithawn lawichi kamta lawm bo.
31 Ni ly pangli ai lilu piu i, tiubi laawm kamta kado thlauthlo hai naimy,
asitui laawm kamta phawn theu hai bo.
32 Ni ly my i tako nai lam ai tlisyh nanai lam lawm hai i,
panglira y tuiphawn kangleungchi kaleung pun hai na bo.
33 Khaileaung salo y ni ai, mani daichi mawi hawi py, pata ai nai ngo y.
Ni ly ka-jei ka-hyh by y nai heng nai amjychi lawm bo.
34 Atho len keh nai daichi mawichi ai malawn py, tahm khai y;
Ni ly daichi mawi cheaungkhangchi i samrang ne.