42
1 Hunaibaly Joba ly Areng teng y hina nai pathang bo.
Joba
2 Aw Areng, nang ly ati cheaungkhang sa thai nai keung ne, nanai py,
nangmy ngai nai kamta ati cheaungkhang sa pajau, nanai py, kai pany bo.
3 Kai ly tau cheng y nai khumi ne iy, ati mana nai y Ref 42.3: Joba 38.2
nang i tau cheng nai ai ym thai y nai awm lawh nai ai nangmy deng bo.
Kai ly kaimy i pany thai y nai leaungsaichi hawi, kaimy i tau pho pajau y nai
lyh ai hawi parai nai saichi satang thui lawh bo.
4 Nangmy, “Nang ly kaimy thui pi nai thym khala tangai iy,Ref 42.4: Joba 38.3
kai i deng nai leuchi pathang ba,” nanai kai teng y leu pei bo.
5 Vaichi khala kai ly nang i satang ai kano hawi thai khyh nai ne;
na i py vai ly nang ai mei hawi kang niu bo.
6 Hunai deaungkho y kai ly kaimy i katheu chum nai leuchi molam y,
kaji naimy spryh hawi maidym theung y ateh iy, uikheih naira nga bo.
Patem nai
7 Areng ly Joba teng y hina nai leu pei chum baly Eliphe teng y, “Kai ly nang hawi nang i ahawi leaung nyhrei tlang tleaung y kado theu bo. Nangchi ly kai i satang ai kai i miseaung Joba kamta meitang khyp, katheu u y,
8 Si katai beaungjeaung saryhrei hawi, beram katai saryhrei Joba teng y vai, syn pi iy, nangmychi i vui apathyp u. Joba ly nangchi i vui chiu ang sa pi ai; kai ly ni i chiu sa nai tangai pi ai i, nangchi ai kamngo hawi kamlau kang chih y leang. Nangchi ly kai i satang ai Joba kamta, kateng khyp thui u y,” napi.
9 Eliphe, Bilada hawi Zawpha nichi ly mychi ai Areng my leu pei nai kamta sa u nai deaungkho y, Areng ly Joba i chiu sa nai tangai pi nai ne.
10 Huna nai Joba ly my i ahawi leaung thomrei i vui chiu sa pi chum nai khala, Areng ly ni ai nang chawn hai teang i, vaichi khala i tleaung y phy nyhrei, yhmtheaung katuichi pei pi nai ne.Ref 42.10: Joba 1.1-3
11 Joba i amjo amnau, tuicho, amjo neampachychi hawi, ahawi kangngym bawibawichi ly ni i yhm y jeu iy, ni hawi vanrei cha nei pawi sa u bo. Nichi ly Areng my avum hai nai ngari kamtangchi molam, Joba teng y paleung hawi y nai leu thui u naimy paleung pahawi u chum baly, tangka maidenrei hawi muku kano ha harei pei u bo.
12 Areng ly Joba i heng nai deung, angchei i neng khala amtheaung hai nai tleaung y, pa-nyh i neng khala amtheaung hai keh. Joba ly beram 14,000, kula-iu 6,000, si paino 2,000, keaungngo kano kasau 1,000 rei nang nai ne.
13 Ni ly chapo leaung saryhrei hawi chaniu leaung thomrei py nga i,
14 chaniu kalen ai ly Jemimah, note 42:14\xk Jemimah: Hebrai leu y “yhm buhu” nanai sai ne. \x*chaniu sala ai ly Kezi, chaniu sawi ai ly Keren hapopnote 42:14\xk Keren hapop: Hebrai leu y “khubeichy” nanai sai ne. \x*nanai amyn pathi bo.
15 Khaileaung pri verei y Joba i chaniuchi kamta, mo-cha hawi nai neampachy leaungrei py by y. Ampo ly nichi ai mychi i amprochi hawi vanrei, yhmtheaungchi paji pi.
16 Hunaibaly Joba ly saneng chungvai atlo vui palyhrei heng rai i, katu, katichi niu chum baly,
17 khri pa-rei miteaung acheang nai khala dei nai ne.