38
Joba teng y Areng my pathang nai
1 Hunaibaly Areng ly alipui khupui theung mang dengdairei, Joba teng y leu pei nai ne.
Areng
2 Cheng naira by y iy ati sai py ny y nai leuchi katheu i,
kai i tau cheng naira ai ym y nai khumi ly ami mo?
3 Vai, nang ly neampacho tatang baly angdo iy,
kai i deng nai leuchi pathang ba.
4 Khaileaung ai kaimy palum angchei nai khala nang awm a?
Nang ly khri pa-rei dawn pany thai lawh teu baly, kai ai thui pi cham.
5 Khaileaung kakau ai ami my sa mo?
saju amto vui ai ami my ryh mo?
Hini deng nai leuchi nang pathang pajau a?
6 Khaileaung ai tawi kalau nai yhmtawichi ai ati my amkhaw cheng mo?
Khaileaung pri i taki lengseaung ai ami my tahyh mo?
7 Huni kani khutawimo neng khala,
ka-sichi ly khulym raawi kangngeng thui u bo.
Kani pri mang ichi py, amo theu parai naimy palo u.
8 Pangli ly khaileaung i kajeu mang dengdairei theu nai khala,Ref 38.8-11: Jer 5.22
pangli ai paka ai nai katheu pa-khochi ami my kho vui mo?
9 Pangli ai khupanymchi hawi khiu iy,
kaveng hawi bam nai keung ly kai ne.
10 Kai ly pangli i vui khujyh pajyh pi chum baly,
huni ai katheu lengteaung atleang veng nai, katheuchi theung y awm hai bo.
11 “Nang ly hini ryrei tako ai nai nga khyh, hini bo katlen pajau y!
Nang i len parai nai tui sampyhchi ly hinira y anawn ai nai tla,” nanai pangli ai kaimy leu pei yb bo.
12 Joba awi, nangmy i deung y mana khala
khutawi ai mo, nanai leu pei vai a?
13 Nang ly khutawimo teng y, “Khaileaung ai amkhaw cheng iy,
khumi hawi y naichi ai aheura i nai patheu vui,” nanai leu pei vai a?
14 Kanito i kangvang ly mawichi hawi leaunghawichi ai
aneaung kapan salo y nip typ nai ka-ma-ra lawi kamta,
amkhyn teung nai ateaungchi kamta, amny hai champyn bo.
15 Kanithun kangvang ly khumi hawi y naichi i vui
khri pa-rei angvang parai nai deaungkho y, khrukhra nairachi so u vam y.
16 Nang ly pangli thiu parai nai meingtymra y awm nai, tuino khochira y tym vai a?
Suida pangli paichi salo y nang aleaung vai a?
17 Ami my mo nang ai vengpam nanai tavau pri y
kun nai katheu pa-khochi ang patei vai a?
18 Khaileaung pri ly mana tanrei len na mo, nanai nang pany a?
Pany lawh baly kai ai thui pi.
19 Kangvang theu nai meingtym, vengpam nanai i
pakeung sangumchi ai nang pany a?
20 Kangvang hawi kavengchi ly mani meingtym ryrei tym pajau mo, nanai hawi,
hini i vawi nai lam ai nang patei pajau a?
21 Nang ly hini khaileaung pri ai kaimy so y rai khala my,
tapen nai deaungkho y khri pa-rei saneng len na bo i, hunichi pany ai.
22 Nang ly kadam amaichi hawi ji amaichi
pateung achu naira y tym vai a?
23 Hunichi ai patang naira tym nai neng hawi,
tavai takai atiu nai neng i vui, pateung achu nai ne.
24 Nang ly kani si nai meingtym hawi
nisi ali aho amteaung nai meingtymchira y tym vai a?
25 Kanitui leaung nai leaunghawichy,
alipakang ko nai lam ai ami my sa mo?
26 Khumi by y nai meingtymchira y, ami my kani nai hai mo?
27 Acha keungchi prau hai ai nai, phuirawm nai khaileaung ai
ami my tui nga hai mo?
28 Kani tui hawi kadam tuichi i ampo awm a?
29 Tuikhi hawi kadam akawi i amhm ly ami mo?
30 Tui ai lengseaung kamta lawm hai iy,
pangli tui prang ai, ami my tuikhi prang lawm hai mo?
31 Nang ly ka-si niprawnchi ai kachu iy, thangthleng pajau na a?Ref 38.31: Joba 9.9; Amo 5.8
Eulo kangjeaung ka-sichi pakheng thleng nai su vui pajau na a?
32 Nang ly ka-si taukichi ai neng tleirei theu hai pajau na a?
Ka-sideung, ka-si saleng ai lam patei pajau a?
33 Kani khusangra y kari awm yb nai nang pany a?
huni awm kari ai khaileaung hawi py, amtawn abi hai pajau na a?
34 Nang ly aeu naimy khupanymchi ai leu pei iy,
khri pa-rei kani nai hai pajau a?
35 Nang ly amlosadi theu ai nai leu pei lawh teu baly,
amlosadi kangvangchi my,
“Kaichi ly nang i leu tangai ai nai angveirym nai ne,’ nanai thui u na a?
36 Naing tavo tui leaung ai nai neng ly tuisakreu tavonote 38:36\xk tuisakreu tavo Jangni Aikupta pri y Naing tavo tuibai theu ai nai neng ly hini tavo my thangphe, nanai ym u. \x*ai ami my thui pi mo?
Kani nai ai nai neng ly a-talui teng y ami my thui pi mo?
37 Khupanymchi ai kati ai nai
spryh ai khaileaung akawi lawm hai ai nai,
38 kanitui ai kani mang i tui laawmchira i dengdairei, adiheu ai nai ami sa thai mo?
39 Nang ly khrangsichi i vui teicha hau pi thai a?
Khrangsi chochi ly tapiuchira y aeung iy, awm nai khala y,
40 daichi mawi khochira y oh nai khala,
nang ly nichi i teicha ka-lam dam hai pajau na a?
41 O-achi ly teicha alam naimy akheang nai khala,
nichi i chochi ly kai teng y hang naimy teicha hnei u nai khala,
nichi ai pacho panei nai keung ly ami mo?