34
1-2 Tau cheng nai hawi lulip pany thai nai keungchi awi,
vai, kai i thui nai leu tangai u.
3 Labeaung palai hawi teicha teineichi pateang nai kamta,Ref 34.3: Joba 12.11
kano my leu cham reng nai ne.
4 Kateng lam achimy leu pacheang u sina; hawi naira achimy pany u sina.
5 Joba ly my teng y kamngo by y,
Tameuh ly ni i molam y meitang naimy chih pi y, nanai thui bo.
6 Ni my, “Kai ly tamang y pui naimy tamang, nanai mana ka-chawi thui lawh thai ai mo?
Kai ly dei ai nai pa-rei no nga teu i py, kamngo by y nai khumi ne,” nanai thui bo.
7 Joba ka-tawm khumi ai nangchi niu vai a?
Ni ly Tameuh ai mana khala py, tahm khai nai khumi ny y.
8 Ni ly khumi hawi y naichi hawi amkawm iy,
kamngo sa naichi hawi, ahawi nai ne.
9 Ni my, “Tameuh i kangai sa nai ly
kamran by y,” nanai thui.
10 Aw tau cheng nai khumichi awi, kai i thui nai leu tangai u!
Ati cheaungkhang sa thai nai Tameuh ly teng y nai so na a?
11 Mymy ly khumichi ai mymychi i sa nai kamlau, hawi nai hawi y nai pei iy,Ref 34.11: Sam 62.12
nichi nga ai ataing nai ryrei, avum hai reng nai ne.
12 Ati cheaungkhang sa thai nai Tameuh ly hawi y nai so y leang.
Mymy ly ami ai py teng y naimy tara chih y leang.
13 Tameuh ly mymy i sa thai naira ai, khumi leaung leaungrei teng i dengdairei nga nai sai a?
Khumi leaung leaungrei my, mymy teng y khaileaung pri peang ai nai pei nai sai a?
14 Tameuh my hengra la pi vui lawh teu baly,
15 heng nai khumi bawibawichi ly dei u ai i,
spryh lawm u ali teang ai.
16 Nangchi ly cheng naira awm baly, kai i leu tangai u.
17 Nangchi ly leu meitang adyh adawi hai nai Tameuh ai thui tamawn u lawh a?
Mymy ly leu meitang adyh adawi nai aly ngai y, nanai athang khai u a?
18 Samrangchi hawi bangtangchi,
hawi y nai sa u nai khala,
Tameuh ly nichi ai pajeng nai ne.
19 Tameuh ly khumi cheng cheaungkhangchi ai sa nai ne i,
samrangchi ai meimai khen patleh y.
Khumi kanangchi ai khumi kamawnchi tleaung y meimai khen patleh y leang.
20 Khumi ly vum y vaimy dei leu reng;
Tameuh my pajeng nai khala, khumichi ly dei u nai ne.
Mymy ly atho len nai khumichi ai,
rai y naimy tamyh pawn.
21 Mymy ly khumi i kheukan ngierei, khen patawm jo nai ne.
22 Kamngo sa tamang nai khumi ai, Tameuh my niu pajau y ai nai pa-rei,
veng hai nanai kaveng ly by y.
23 Tameuh ly khumichi teng y, mymy i tara chih ai nai neng kani
khai takhra pi ai nai aly by y.
24 Mymy ly pri peang nai miteaung kehchi ai palau iy,
huni i jeng y khai takhra ai nai chih chumchi ai nai aly ngai y.
25 Mymy ly nichi i sa nai saichi pany nai deaungkho y,
nichi ai vumrei y my pala vui iy tamyh vui bo.
26 Kamngo sa tamang nai khumichi ly mymy nithun abang u y iy,
27 leu pei naichi tahm khai u y nai deaungkho y,
mymy ly nichi ai, khumi mipuichi i mo y pajeng nai ne.
28 Huni khumichi i pahyp y naimy ana naira avum nai,
khumi kamawnchi ly Tameuh teng i kasabawmra
hnei ai nai aeu u nai khala, mymy ly nichi i aeu nai raawi thai.
29 Tameuh ly ati sai py ny y naimy awm ai nai dawn lawh teu i py,
ami py mymy ai thui tamawn pajau ai ny y.
Mymy ly my i meimai hi pi vui lawh ai nabaly, khumichi ly kajeaung kamang lawm u ai.
30 Khumi cheng bawibawichi ly samrang hawi y naichi my peang naira i nai,
law tleaung ai nai ati sai py, so u thai y leang.
31 Joba awi, nang ly amy i kamngochi, Tameuh teng y uikheih naimy amti pi iy,
mo mang y kamngo so bi y ai nai adeu chum bo a?
32 Nang i tamang naichi pany hai ai nai, Tameuh teng y amti pi bo a?
Nang ly sa tamang bi ai ny y leang bo, nanai thui pi chum bo a?
33 Nang ly Tameuh i sa nai ai ei vui nai deaungkho y,
nang ly nangmy i ngai nai kamta,
Tameuh my ang sa pi ai, nanai athang khai pajau ai a?
Hini molam y adawn pasym ai nai khumi ly nang ne, kai ny y.
Nang i dawn tau nai kaichi teng y thui pi be.
34 Tau cheng naira awm nai khumi ngiereichi ly kai i leu tangai u ai.
Kai i leu thai u nai khumi kachengchi my,
35 “Joba ly dawn pany y nai y thui nai teu;
ni i leuchi ly ati sai py ny y leang,” nanai thui u ai.
36 Joba i thui nai leu ngiereichi adawn cham baly,
ni ly khumi hawi y nai kamta katheu, nanai nangchi pany u ai.
37 Ni ly my i sa tamang nai kamngochira y, tiu naira my tleangra i,
achi i mo y Tameuh ai panui pachem hai bo.