26
Joba
1-2 Nangchi ly kai ka-tawm atho di nai khumi ai
khri pa-rei kasabawmra pei u bo!
3 Nangchi ly kai kamta akhum nai khumi ai, hina tanrei tau kahawichi pei iy,
amychi i tau kacheng phy paji pi u na ly!
4 Hina nai katheu pajau ai nai, ami my patiu pi mo?
Nangchi ai ami my ang pachei mo?
Bilada
5 Khumi kadeichi i phailochi ly
khaileaung anui i tui theung y jei hyn naimy awm u bo.
6 Tavau pri ly Tameuh i mo y tleangkhym by y;
daihaulau naimy awm.
7 Tameuh ly tosyh mang y awm nai kani khusang kadai iy,
khaileaung ai ly khusang deaungdura y banghau nai ne.
8 Khupanymchi ra y tui kawi hai mang iy,
huni tui kaji molam y apeu y ai nai, typ pi nai keung ly Tameuh ne.
9 Mymy ly lo-um kangvang ai, khupanym hawi dang hai khyp bo.
10 Mymy ly suida pangli tui salo, khuteng deaungdu saho y,
kangvang hawi kaveng patleh takhra pi bo.
11 Kani khusang y tawi nai yhmtawichi ly mymy parip nai khala
jei nai deaungkho y anghyn u bo.
12 Mymy ly sa thai naira hawimy pangli ai tiu iy,note 26:12\xk pangli ai tiu: achi akhang theung y pangli my Tameuh ai tiu, napi. \x*
tau cheng naira hawi pangli naka rahabi ai tamyh vui bo.
13 Mymy ly my i taho nai ali hawi kani khusang chai hai iy,
preang veng nai pangli naka ai, mymy i kiu hawi padei vui bo.
14 Na i py hini leaungsaichi ly Tameuh i sa thai naira i, maidenreichy teu rai.
Huni sa thai naira i satang ly khumichi i leu kamsyh y katheu nai ryrei khyh nai ne.
Tameuh ly sa thai naira awm tatang, nanai ami pany khyp pajau ai mo?