25
Bilada
1-2 Tameuh ly sa thai naira len parai nai ne;
heng nai amjy cheaungkhangchi ly,
mymy ai jei kaji naimy tahm khai u ai nai tla.
Mymy ly asang parai nai kani pri mang y, tlamsa naira awm hai bo.
3 Mymy i miseaung kani pri amtaw thau naichi ai, ami kati pajau ai mo?
Tameuh i kangvang tym y nai meingtym, napi nai ly ma y awm mo?
4 Tameuh i mo y mani khumi ly khumi kahawi hawi, khumi kachai lawm pajau ai mo?
5 Mymy i mo y lo ly angvang y,
ka-sichi py amchai y.
6 Hunai deaungkho y thaideaung hawi mipo kamta lawm nai khumi ly
Tameuh i mo y ati thui bira awm rai mo?