62
1 Kai ly Jerusalem mary ai atho pei nai leu thui pi ai.
Huni mary ly atleu naira nga iy, nichi i eaung naira ly vum y angvang nai
maiteaung kamta, angvang y ryrei ly Jerusalem mary i vui kaawm pypy ai ny y.
2 Aw Jerusalem mary, khumi cheng cheaungkhangchi ly nang i eaung naira niu u ai!
Samrang bawibawichi py, nang i nang parai nai niu u ai.
Nang ly Areng mymy kypkyp my pei nai
amyn kangtha loh ai.
3 Nang ly Areng i vui y apu parai nai areng lukhym lawm ai.
4 “Paleng vui naira avum nai khumi,” nanai amyn loh ai ny y.
Nang i pri py, “Akhai su nai aju,” nanai amyn palau ai ny y leang bo.
Nang i amyn kangtha ly “Tameuh my kawn nai neampachy,” nanai lawm ai.
Nang i pri py, “Amotheu parai naimy pom nai,” nanai amyn loh ai.
Ati mana nai mo nabaly Areng ly nang ai kawn nai deaungkho y, juvo lawm nai keung ly
mymy i aju ai tamen nai kamta, nang i pri ai py tamen ai.
5 Mymy ly nang ai deaung vawi nai anglo kamta pom ai.
Deaung vawi nai anglo ai, aju palyn nai keung my khrei nai kamta,
Tameuh my nang ai tamen ai.
6 Aw Jerusalem mary, kai ly nang i mary apaichi salo y,
tamcheaung risachi khai nai ne.
Nichi ly vum kanithun, neng tleirei awm py thai ai ny y.
Nichi ly Areng ai mymy i adeu nai leuchi pany jo ai nai sa ai.
Mana khala py tami y ai nai pany hai pi ai.
7 Mymy ly Jerusalem mary ai palum teang iy, khaileaung pri vereichi my
palo nai mary lawm hai y ryrei ly nichi ly mymy ai awm py hai ai ny y.
8 Areng ly sa thai naira
lamtang kiu hawi vaineng abeu bo.
“Nang i amti amjangchi ly paleung ka-echi i vui, cha nei ateaung lawm ai ny y.
Cheng takhra khumichi py, nang i atho sa nai kreip hang nei ai nai nga u ai ny y.
9 Na i py amti amjangchi ui iy pakym achu nai nangchi naini
hunichi cha u naimy Areng ai palo u ai.
Kreip athaichi kry iy athai jaw nai nangchi naini,
kai i Achura yhm apai theung y, kreip hang nei ai nai nga u ai.”
10 Jerusalem mary i khumichi awi, mary theung i nai theu u;
amychi i pri y vawi nai nangchi i khumichi i vui lam so pi u!
Lam pui lam len so u; lengseaungchi aphi u pawn!
Khumi mipuichi pany hai ai nai ka-ma-ra tamkhawnchi theaung u.
11 “Nangchi ai atleu nai keung Areng lyRef 62:11: Is 40:10; Amt 22:12
mymy i atleu pi nai khumichi ai hawi iy ang jeu ai,” nanai
Jerusalem mary i khumichi teng y thui pi ai nai,
Areng ly khaileaung pri khumi bawibawichi teng y amthang hai ai.
12 Nangchi ly “Tameuh i chai parai nai khumichi,”
“Areng i atleu nai khumichi,” nanai ang palau ai.
Jerusalem mary ai, “Tameuh i tamen nai mary pui,”
“Tameuh my khai su y nai mary pui,” nanai amyn palau nai avum ai.