43
Areng my mymy i khumichi ai atleu nai
1 Israela chengchi awi, nangchi ai sa nai keung Areng my,
“Jei u moh, nangchi ai kaimy atleu ai.
Kaimy nangchi ai amyn pathi iy kang palau bo; nangchi ai kaimy peang.
2 Nangchi ly tui thiu mang y tapai nai khala y, kai ly nangchi hawi vanrei awm ai.
Ngari kamtangchi ly nangchi ai khiu ai ny y.
Nangchi ly mai theung y aleaung nai khala y, mai my kang ai ny y.
Khri pa-rei cham nairachi ly nangchi ai no patang nairachi tym hai ai ny y.
3 Ati mana nai mo nabaly, kai ly Israela chengchi i chai parai nai Tameuh,
nangchi ai atleu nai keung, nangchi i Areng Tameuh ne nai deaungkho y ne.
Kai ly nangchi miseaungra i nai alaw naira nga u ai nai Aikupta pri khai su ai.
Ethiopia pri hawi Seba pri ai, kaimy khai su ai.
4 Nangchi ly kai i vui khri pa-rei vang teng nai khumichi ne i,
kaimy tamen iy tahm kapasang naichi ne nai deaungkho y,
kai ly nangchi ai atleu ai nai, khumi chengchi ai khai su ai.
5 Jei u moh, kai ly nangchi hawi vanrei awm!
Kamlo parai nai nisi hawi nidym mang, kangtem keh meingtym dengdairei,
nangchi ai nangmychi pri y, kaimy kang hawi ai.
6 Nichi theu u ai nai tosyh mang py,
nichi ai paka y ai nai tokalawi mang py, kaimy thuipi ai.
Khaileaung pri meingtym tleirei y awm nai pri kamlora i,
kai i khumichi vawi u ali teang ai.
7 Nichi ly kaimy peang nai khumichi,
kai i nang parai nai amthang hai ai nai, kaimy sa nai khumichi ne,” napi.
Israela chengchi ly Areng i pany hai nai keungchi
8 Tameuh my,
“Kai i khumichi ai tara jeung y palau u.
Nichi ly mei awm naimy niu u y.
Kano awm naimy thai u y lawh ly!
9 Khumi cheng cheaungkhangchi ai tara chih naira y palau u.
Nichi i mani tameuhchi ly mo mang i satang thui pajau ai mo?
Mani tameuhchi ly vai tym nai atitichi ai thui yb nai awm mo?
Huni tameuhchi ly mychi i sa nai kateng ne, nanai ka-ma-ra patei pajau ai nai hawi,
mychi i thui nai kamta teng khyp nai saichi ka-ma-ra
patei pajau ai nai, pany hai pi nai keungchi ai hawi u na sy.
10 “Aw, Israela chengchi awi, nangchi ly kai i pany hai nai keungchi ne.
Nangchi ly kai ai pany u ai nai py,
kai ly Tameuh harei khyh, nanai pany u thai ai nai py,
kai ly nangchi ai kaimy i miseaung palawn ai nai kang vawi nai ne.
Kai ny y baly tameuh takhra by y;
mana khala py by y, vai mo mang py awm ai ny y.
11 “Kai leaungrei naini Areng ne.
Kai leaungrei naini nangchi ai atleu pajau khyh.
12 Kai ly atitichi tym ai nai thui yb iy,
nangchi ai sabawm ai nai kang jeu nai ne.
Mani cheng takhra i khumichi i tameuh py, hina nai sa nai awm vai y.
Nangchi ly kai i pany hai nai keungchi ne.
13 Kai ly Tameuh ne, mo mang py, hina nai kaawm jojo ai.
Kai i sa thai naira ai ami py lawm vui pajau y.
Kai i sa nai kalop ai ami py so thai y leang,” napi.
Babulon pri i dengdairei law tleaung u nai
14 Israela chengchi teng y chai parai nai Tameuh, nangchi ai atleu nai Areng my,
“Kai ly nangchi ai atleu ai nai tavaimi kamkawmchi ai, Babulon pri y pato pi ai.
Mary katheu pa-khochi taphra pi pawn ai.
Hunira y awm nai khumichi aeu nai raawi ly vo nai raawi mang y lawm hai ai.
15 Kai ly nangchi i chai parai nai Areng Tameuh ne.
Israela chengchi awi, nangchi ai kaimy sa nai ne;
kai ly nangchi i samrang ne,” napi.
16 Jangni y Areng ly panglira y
tako prei ai nai lam sa pi nai ne.
17 Mymy ly tavai ka-ri, tavai keaungngochi hawi
atho ham parai nai tavaimi kamkawmchi ai phra hai pawn bo.
Nichi ly maisi yhmra i mai ai padei vui nai kamta,
ang thau teang thai y na pa-rei atlym u be bo!
18 Na i py Areng my,
“Jangni i atitichi ai dawn u jo moh;
jangni i tym nai atitichi ai py thui u reng moh.
19 Kai i sa ai nai leaungsai kangthachi ai ajeng u.
Hunichi ly ang tym dudu nai deaungkho y, huni ai vai nangchi niu u na a!
Kai ly daichi ka-vym y lam sa pi prei iy,
nangchi teng y tuino leaung hai ai.
20 Daichi mawichi malawn py, kai ai tahm khai iy palo u ai.
Kai ly kaimy vawi takhra nai khumichi tui nga ai nai molam
tui by y nai daichi ka-vymra y tavo tuichi leaung hai nai khala y
khivachi hawi kula-iu tavochi ly kai ai palo u ai.
21 Huni khumichi ly kaimy i vui, kai i sa nai khumichi ne;
nichi my py kai ai palo u ai.
Israela chengchi i kamngo
22 Areng my,
“Na i py nangchi my chiu nai ly kai ai ny y, aw Israela chengchi awi,
nangchi ly kai ai chiu nai paleih u bo.
23 Nangchi ly leng patlum ai nai beramchi, kai teng y syn u y.
Nangchi i kapathyprachi hawi palo nai ly kai ai ny y.
Kai ly katalamrachi kang hnei nai molam y,
nangchi ai mynji kang tleang hai y leang.
Mui katuichi kang hnei nai molam py, nangchi i paleung akawm hai y leang.
24 Nangchi ly kai teng y talam ai nai mui katuichi van u y.
Tawnbawi thauchi hawi py,
kai ai paleung pahawi u y.
Huna nai sa ai nai tleaung y nangchi ly nangmychi i kamngochi hawi, kai ai mynji tleang hai u lawh.
Nangmychi i sa nai kamngochi hawi naimy, kai ai paleung akawm hai u lawh bo.
25 Na i py kai ly kaimy i tahm awm nai molam y,
nangchi ai kamngo
pahen pi nai keung Tameuh ne.
26 “Tara jeung y achi chei u sina; nangchi i neng hai nai jeu hai u!
Nangchi mang i teng, nanai pany hai naira patei pi ai nai, nangchi i ka-jo ka-thui amti pi u.
27 Nangchi i jangni i amsi pajonote 43:27\xk nangchi i jangni i amsi pajo: Adam, ti y baly Abraham, ti y baly Jakob ai thui nai ne.\x*ly kamngo sa nai ne.
Nangchi i lu sa naichi my kai i tlang tleaung y kamngo sa bo.
28 Nangchi i samrangchi ly kai i Achura yhm y chai hai ynote 43:28 chai hai y; hebrai leu y kai ly samrangchi ai chai hai y, nanai sai ne.nai ne.
Hunai deaungkho y kai ly Israela pri ai phra hai iy,
kai i khumichi ai kangji nga hai bo,” napi.