42
Areng i miseaung
1 Areng my, Ref 42:1: Mt 3:17, 17:5; Mk 1:11; Lk 3:22, 9:35Ref 42:1-4: Mt 12:18-21
“Hini khumi ly kaimy atho awm hai nai, kai i miseaung,
kai i paleung kangai vawi patyp nai khumi ne.
Kai ly kaimy i Phailo ai ni teng y kawi hai ai.
Ni py khumi cheng cheaungkhangchi ai, ka-dyh ka-dawi naimy peang ai.
2 Ni ly aeu iy raawi pajeng parai naimy leu katheu ai ny y.
Lam salo y py raawi amkau parai naimy leu katheu ai ny y.
3 Ni ly ngui nai japang uipo keung khei y,
dengdum dengdum iy, deivi nai mai ai padei y naimy awm ai.
Ni ly khumi bawibawichi ai ka-dyh ka-dawi naimy peang ai.
4 Ni ly paleung phra atho di ai ny y.
Khaileaung pri y ka-dyh ka-dawi naimy peang nai ly khaw jojo ai.
Kamlo prichi py ni i parip nai ai,
paleung apei parai naimy ajeng u ai,” napi.
5 Tameuh ly kani khusang ai sa iy, khiu tapai bo.Ref 42:5: Amtaw 17:24-25
Mymy ly khaileaung hawi vanrei, heng nai amjy bawibawichi ai sa nai ne.
Khaileaung y awm nai khumi bawibawichi ai, hengra hawi taho ai nai pei bo.
Vai ly Areng Tameuh my, mymy i miseaung teng y thui pi nai ly
6 “Kai, Areng ly nang ai palau iy,Ref 42:6: Is 49:6; Lk 2:32; Amtaw 13:47, 26:23
khaileaung pri y ka-dyh ka-dawi awm ai nai, sa thai naira pei bo.
Nang deaungkho y kai ly khumi bawibawichi hawi leu maikawm asa iy,
prichi salo y kangvang tym hai ai.
7 Nang ly mei kamjuchi ai mei angvang hai iy,
theaung kaveng takunchira y awm nai khumichi ai, law tleaung hai ai.
8 “Kai leaungrei naini, nang i Areng Tameuh ne.
Kai i nang parai nai ai ly mani tameuh py amtym ai ny y.
Kai ly kaimy ai mynchi hawi vanrei palo ai nai py, kapei ai ny y.
9 Kai i thui yb nai atitichi ly vai, tym dudu bo.
Vai, kai ly nang teng y atiti kangthachi ai
hunichi tym y rai khala my, kang pany hai pi ai.
Palo nai khulym
10 Khulym kangtha thui iy, Areng i nang parai nai ai palo u.
Khaileaung pri i khumi bawibawichi awi!
mymy ai palo nai khulym thui u.
Pangli y amki naichi awi, mymy ai palo u!
Kamlo prichi hawi hunichira y awm nai khumi bawibawichi awi, khulym thui u!
11 Daichi ka-vym hawi hunichira y awm nai marychi ly Tameuh ai palo u sy;
Keda kangpreang bawibawichi ly mymy ai palo u sy!
Selah mary i khumichi ly
mawi saleung mang dengdairei, amo theu nai aeu u sy!
12 Pri kamlora i khumichi py Areng ai palo iy,
nang parai nai sai amthang hai u sy!
13 Areng ly sorai kamta, tavai atiu ai nai amsa bo.
Mymy ly tavai atiu ai nai a-eng yb iy, paleung pade na bo.
Mymy ly tavai kachyh nai raawi aeu iy,
mymy i paleung ka-echi teng y, sa thai naira patei pi bo.
Tameuh ly mymy i khumichi ai sabawm ai nai adeu nai
14 Tameuh my,
“Kai ly neng kra parai naimy kaawm pypy nai ne.
Kai i khumichi ai leu pathang pi y.
Na i py vai ly bawi la ai nai neng tym dudu bo.
Kai ly deaungdi tapen nai avum nai neampachy kamta hang nai ne.
15 Kai ly mawi katheang kalenchi ai panawi iy,
acha hawi dengkeaung keungchi jei hai pawn ai.
Kai ly tavo jawnbaichi ai jengha nai daichi ka-vymchinote 42:15 jengha nai daichi ka-vymchi; hebrai leu y pangli peang meingtymchi.lawn hai iy,
tui sampumchi kang hai pawn ai.
16 “Kai ly kaimy i mei kamjuchi ai
nichi tako vai y nai lam mang kapahawi ai.
Kai ly nichi i mo y, kaveng ai kangvang lawm hai iy,
khuleaung lam hawi y nai ai thleaungthlang hai ai.
Hinichi kai sa ai;
kaso y naimy awm ai ny y.
17 Mynchi ai ym nai khumichi py,
mynchi ai mychi i tameuh, nanai palau u nai khumichi py,
cheh naira avum iy tahm anem u ai.”
Israela chengchi amtiu naira ngo u y nai
18 Areng my,
“Nangchi kano kapangchi awi, tangai u!
Nangchi mei kamjuchi awi, khen u!
19 Kai i miseaung tleaung y mei paju nai khumi,
kai i pato nai savai tleaung y kano pang nai khumi leaung leaungrei awm a?
20 Aw, Israela chengchi awi, nangchi ly niu nai sai nawi i py,
hunichi ly nangchi i vui ati kamran awm mo?
Nangchi ly thai kawp nai kanochi awm i py,
ati amjy ai nangchi thai u takengkei nai mo?,” napi.
21 Areng ly atleu ai nai paleung awncha nai Tameuh ne iy,
mymy ly my i reita hawi mymy i leu
tahm khai nai khumi lawm ai nai aly ngai nai ne.
22 Na i py vai, mymy i khumichi ly tiu lawm nai avum u bo.
Nichi ai kaveng takunchira y,
saw atleang iy heu vui bo.
Atleu ai nai khumi leaungrei py by y i,
nichi ly tiu lawm nai avum u nai ne.
23 Nangchi theung i ami nai ly hini leu tangai na a?
Nangchi ly vai i dengdairei, hawihai palai tangai u ai a?
24 Ami nai ly Israela chengchi ai,
tiu lawm nai khumichi kiu y au lawh mo?
Ni ly achi my tamang nai Areng ne na a!
Achi ly mymy i ngai nai kamta awm u y.
Mymy i leu pei naichi py tangai u y.
25 Hunai deaungkho y mymy ly achi i tlang tleaung y mymy i kado theu nai py,
khri pa-rei ho nanai tavai takai ka-jeira py, avum hai bo.
Mymy i kado theu nai ly mai kamta, Israela pri verei y angveaung bo.
Na i py ati mana tym mo, nanai achi pany y.
Achi ly hunira i amtiura ati sai py ngo u y nai ne.