35
Khri pa-rei chai naira y tako nai lam
1 Daichi ka-vym ly amo theu ai;
khaileaung khutachira y kaseaung pau ai.
2 Daichi ka-vym ly amo theu nai deaungkho y khulym thui nai aeu u ai.
Lebanon mawi kamta apu parai naimy,
Karamela hawi Sharon mawi aheung li khaileaungchi kamta, amti amjang thawn ai.
Khumi bawibawichi ly Areng i nang parai nai ai py,
mymy i sa thai naira phum-ang py niu u ai.
3 Atho bai nai kiuchi py,Ref 35:3: Heb 12:12
atho di ahyn nai kheukhuchi py, atho pei pi ai
4 Paleung phra atho di nai khumi bawibawichi teng y,
“Khaw parai naimy awm u!
Tameuh ly nangchi ai atleu ai nai ang jeu ai;
nangchi i paleung ka-echi ai py vawitheung tha ai,” nanai thui pi u.
5 Mei kamjuchi ly mei angvang u ai. Ref 35:5-6: Mt 11:5; Lk 7:22
Kano kapangchi py kano ha u ai.
6 Kheu kangbaichi ly achaw u ai;
leu ka-achi py amo theu naimy aeu u ai.
Daichi ka-vymra y tuino achawn iy, micheaung tui leaung ai.
7 Kabi ango parai nai speungchi ly tui sampum lawm iy,
khutaha khaileaung py tuikhochi kawi mang naimy awm ai.
Khivachi tlai reng nai meingtym y speung samji keung hawi
japang uipo keungchi prau ai.
8 Huni meingtym y, “Meingtym kachai mang y chei nai lam,”
nanai amyn pathi nai lam manglai pui amteng ai.
Kamngo sa nai khumi ngiereichi ly huni lam tako ai nai nga u ai ny y.
Khumi ka-khum ngiereichi ly huni lam tako nai khumichi ai lam tamang hai pajau ai ny y.
9 Huni meingtym y mani khrangsi py awm ai ny y;
Huni meingtym mang y mani mawi kasichi py, jeu ai nai nga ai ny y.
Areng my atleu nai khumichi ly
huni lam mang mychi i avang saleaung y vawi ai nai nga u ai.
10 Nichi ly amo theu seu naimy khulym thui iy,
Jerusalem mary mang y tym u ai.
Nichi ly amo theu u jojo ai.
Paleungsi paleung mawn naira pipi awm ai ny y.