34
Paleung ka-echi ai Areng my pajeng ai nai satang
1 Aw khumi cheng cheaungkhangchi awi, jeu u! jeu angym iy tangai u. Khaileaung pri verei y awm nai khumi ngiereichi ly hini meingtym y jeu iy tangai u ai nai tla.
2 Areng ly khumi cheng cheaungkhangchi i tlang tleaung y py, nichi i tavaimi kamkawm bawibawichi i tlang tleaung y py, kado theu nai deaungkho y phra hai ai nai pajeng bo.
3 Nichi i veu ly up y naimy khaileaung y veaung tlawn iy, muieung ai. Mawichi py thichi hawi pasen jawn na ai.
4 Kanito, lo, ka-si taukichi ly khaileaung y tla ai. Kani khusang ly taeang veng nai cha aeang kamta tama ai i, ka-sichi ly kreip keung, ti y baly thaidu keungra i ngam vui nai kamta vui ai.Ref 34:4: Mt 24:29; Mk 13:25; Lk 21:26; Amt 6:13-14
5 Areng ly kani pri mang y haisau pa yb iy, taphra ai nai angchi yb nai Edom khumichi tlang tleaung y tym hai ai.Ref 34:5-17: Is 63:1-6; Jer 49:7-22; Ezek 25:12-14, 35:1-15; Amo 1:11-12; Oba 1-14; Mal 1:2-5
6 Mymy i haisau ly apathyp nai beram mi-ichi i thi, thauchi hawimy kajeu kawi nai kamta, huni khumichi i thi, thauchi hawimy kajeu kawi ai. Hini apathyp nai pawi ai Areng ly Bozarah mary y sa ai. Hini khumi ai tleh nai pawi pui ly Edom pri y sa hai ai.
7 Mipuichi ly palawi cho y nai sichi, si katai beaungjeaungchi kamta atlym u ai. Khaileaung ly thichi pasen jawn iy, thauchi hawi paleung myn naimy awm ai.
8 Hini neng ly Zion mary ai Areng my atleu iy, huni mary i paleung ka-echi ai vawitheung tha ai nai neng ne.
9 Edom pri i tavochi ly ketara katli kamta py, khaileaung kathau ly kan kamta py, amtlau vui ai. Huni pri verei ly ketara katli kamta, mai angveaung ai.
10 Huni ly kanithun, vum mai angveaung naimy maikhyh theu jojo ai. Huni pri ly khumi cheng vuijeungrei savai tlang ai. Huni pri y mo mang y mana khala py, aleaung ali nai khumi awm ai ny y.Ref 34:10: Amt 14:11, 19:3
11 Huni pri ly beaungkuchi hawi o-achi awm naira lawm ai. Khaileaung palum y rai nai khala i kamta, Areng ly huni pri ai khaileaung ka-keu pui lawm hai ai.
12 Pri peang nai samrang hawi mipui lu sa nai keung bawibawichi py awm u ai ny y.
13 Samrang yhmchi hawi lengseaung apai tapang nai mary bawibawichira y aleng keung cheaungkhangchi prau iy, khivachi hawi beaungkuchi awm naira lawm ai.
14 Huni meingtym y daichi mawichi tlumtlai iy, mito namlichi py hang lengleang ai. Ka-jei awm nai vum i veuvanote 34:14\xk veuva: khumi angso by y nai avang hawi yhm keuruchira awm nai uimiunu, nanai athang khai.\x*pui py huni meingtym y jeu iy, chym ai nai meingtym hau ai.
15 Beaungkuchi ly tabuchi sa naimy kadui chum baly oh iy chochi ai kry ai. Langnachi py harei bo baly harei tym angym u ai.
16 Heng nai amjychi satang tajiu nai Areng i cha-iu theung y hau iy phain u cham. Huni heng nai amjy harei py tama ai ny y. Mani heng nai amjy ngiereichi py, nu kalo ka-bom by y nai awm ai ny y. Hina nai kamta tym hai ai nai Areng my leu pei nai ne. Mymy ly nichi ai akachu hai ai.
17 Huni heng nai amjy cheaungkhangchi ai khaileaung salo y khu ka-peang phy paji pi nai keung ly Areng ne. Nichi ly cheng vuijeungrei huni khu ka-peangchira y awm u ai. Hunichi ai py peang jojo ai nai nga u ai.