27
1 Huni neng khala y Areng ly chiu parai nai haisau hawi a-ieih naimy awm nai pavui pui tuireng nam (Levithan) ai pajeng iy, pangli Naka puinote 27:1\xk tuireng nam... pangli naka pui: Israela chengchi ai ana patheng nai chengchi ai thui nai ne.\x* ai py padei ai.Ref 27:1: Job 41:1; Sam 74:14, 104:26
2 Huni neng khala Areng ly mymy i apu parai nai kreip akho molam y,
3 “Kai ly hini akho ai avawrei khen iy tui kaleih pi . Ami my py taphra pajau y ai nai vum kanithun kry pi nai ne.
4 Kreip akho ai ly kai kado theu y leang bo. Aleng keung cheaungkhang prau lawh teu i khyly, kaimy tiu iy hunichi ai mai hawi leng pawn ai.
5 Na i py kai i khumichi i paleung ka-echi ly kai i ama hai nai ngai lawh teu baly, kai hawi aly naira nga ai nai sa u ai nai tla. Nichi ly kai hawi aly naira nga ai nai, meitang khyp sa u ai nai tla,” nanai leu pei ai.
6 Huni kani y Jakob i katu chanauchi napi nai Israela chengchi ly dengkeaung keung kamta, tangjyn pala iy pau ai. Khaileaung ly thengthaichi hawimy kawi na ai.
7 Israela chengchi ly mychi i paleung ka-echi tanrei, Areng i pajeng naira khri pa-rei avum u y, paleung ka-echi tanrei py dei u y.
8 Areng ly mymy i khumichi ai pri pala iy pajeng nai ne. Mymy ly nichi ai nisi mang dengdairei aho nai ali kamchai theung y pakheang vui nai kamta, mychi pri dengdairei kamlo y tha vui bo.
9 Myn chiu naira maicham lengseaung ngierei ly lengseaung kangleung kamta, deng piupa iy, Aser tameuh nu i mynchi, ti y baly mui katuichi leng patlum nai maichamchi pipi by y na pa-rei khei pi pawn nai khala, Israela chengchi ly mychi kamngora i nai law tleaung naira nga u ai..
10 Khaw parai pa-rei apai tapang nai mary ly phra seaungkhrang nai ne. Huni mary ly khumi angso by y nai daichi ka-vym kamta, savai tlang na veng bo. Huni ly si, painochi teicha cha iy anawn nai sui tlai naira meingtym lawm bo.
11 Dengkeaung changpichi ly aheng iy deirawm nai deaungkho y, neampachychi ly chei i, theng ei u nai ne. Khumichi ly pany thai naira by y nai deaungkho y, nichi ai sa nai keung Tameuh ly nichi ai pahen nai, tamen nai awm ai ny y.
12 Huni neng khala y Areng mymy kypkyp ly Euphrat tavo dengdai Aikupta pri khujyh tym pa-rei, mymy i khumichi ai leaungrei bo y leaungrei ai lathli iy, choh kahawi hawi choh hawi y nai ai khai takhra nai kamta, khai takhra ai.
13 Huni neng kani tym nai khala y Asuria pri hawi Aikupta pri y pri pala nai avum nai Israela cheng bawibawichi ai palau nai baw eng ai. Nichi py Jerusalem mary y awm nai, mymy i mawi kachai salo y Areng teng jeu iy chiu ai.