12
Kawn nai leu thui nai khulym
1 Khumichi my hina nai palo nai neng kani tym ai,
“Aw Areng, kai ly nang ai kang palo nai ne.
Nang ly vaichi khala, kai i tlang tleaung y kado theu hai bo;
na i py vai ly kado theu hai y bo i,
awmnem naira pei bo.
2 Tameuh ly kai i atleu keung ne; Ref 12:2: Theu 15:2; Sam 118:14
kai ly mymy ai jei y naimy ym ai.
Areng ly kai ai sa thai naira hawi atho pei nai keung ne.
Mymy ly kai i atleu keung ne.
3 Tui kachai ly tui ahai nai khumichi ai amo theu hai nai kamta,
Tameuh i khumichi ly mymy atleu pi nai khala, amo theu ai.”
4 Khumichi my hina nai palo nai neng kani tym ai,
“Areng ai palo u! Kasabawmra nga ai nai hnei u!
Mymy i sa naichi ai khumi cheng cheaungkhangchi teng y thui pi u!
Mymy i nang parai nai sai ai, nichi teng y thui pi u!
5 Mymy i sa nai nang parai naichi molam y, Areng nang parai nai ai palo u.
Khaileaung pri i khumi bawibawichi teng y, huni satang thui pi u.
6 Zion i khumi bawibawichi ai palo nai khulym thui hai u!
Israela chengchi i chai parai nai Tameuh ly nang parai nai ne iy,
mymy i khumichi theung y awm nai ne.”