4
1 Tameuh my, “Nang khumi cho awi, iukhi harei lo ly nangmy i mo y khai iy, huni iukhira y Jerusalem mary myn so.
2 Naibaly huni mary y paleung ka-echi my katanmeuh nai leaungsai sa ai nai amkeu, abyhra angawmchi, tavai tairachi hawi amtangrachi panawi nai dengkeaung beang puichi iukhi ka-ki khai ba.
3 Tamo phei harei py la iy mary hawi nangmy sala y apai kamta pado iy khai ly nang ly mary mang y mo tha ba. Mary ly katanmeuh naira avum bo; nang ly mary y katanmeuh nai keung ne. Huni ly Israela chengchi i vui pany hai nai ka-ma-ra lawm ai.
4-5 “Naibaly nang ly langvawi mang y engleng iy i ba. Israela chengchi i kamngo ly nang i tlang tleaung y kang tleang ai. Nang ly huna nai engleng naimy nichi i kamngo pho pi nai ly kani 390 tym pa-rei awm ai. Ati mana nai mo na baly huni khumichi ai kamngo pajeng naira ly sanengrei y kani harei phy iy nang i tlang tleaung y tym hai ai nai kaimy pasym yb nai deaungkho y ne.
6 Huni kanichi kheih nai bo y lamtang mang y engleng ly Juda chengchi ai kamngo pajeng naira ly sanengrei y kani harei phy nai, kani vui palyh tym pa-rei, nichi i kamngo ai tleang pi rai ba.
7 “Jerusalem mary y katanmeuh nai hawi hai palai khen. Nang ly nangmy i kiu kasum iy mary mang y pahyn ly huni mary ai ka-awi sa nai amo leu thui pi.
8 Huni mary y katanmeuh nai neng tem nai ryrei, nang ly mang mang y amtlau thai y ai nai, kai ly nang ai kang kawm cheng ai.
9 “Vai nang ly chohpui chomaw amjy nyhrei, khubi amjy nyhrei hawi meaungkaten la iy laawm theung y katlen chum baly tako so. Huni tako ly kani 390 ryrei langvawi mang y engleng iy aseaung nai tarawi cha ai nai ne.
10 Nang ly kanirei y tako sie ka-hyhrei cha ai nai nga khyh; huni tako ly khawn khutawi nai ryrei vui khyh.
11 Tui py phy pi yb nai kamta kanirei y khau nyhrei naini nei ai nai tla.
12 Nang ly khumichi i ei kajei hawi mai sa iy nga nai mai-ai tleaung y tako paawp khala, khumi ka-niu y cha ai nai tla,” napi.
13 Areng my, “Kai ly Israela chengchi ai cheng takhrachi i pri mang y ahei hai nai khala, nangchi ly reita leu pei naimy paka nai chainem y nai teicha teineichinote 4:13\xk reita leu pei naimy paka nai chainem y nai teicha teineichi: Mosi i reita my paka nai reita y chai y nai teicha teineichi ne.\x*ai hina nai kamta cha u ai nai tla nai ka-ma-ra ne,” napi.
14 Na i py, “Sa thai naira awm nai Areng, kai ly kaimy mana khala py amso ngai hai vai y leng; deaungdichy khala i dengdairei alyly naimy dei nai tawnbawi mawi py, mawi kasichi my kei iy dei nai amso mawi py kacho vai y. Kai ly chai y nai teicha teinei mana khala py kacho vai y,” nanai pathang.
15 Hunaibaly Areng my, “Khumi i ei jeng y si ei teaung ai nai kang pei ai. Nang i tako ai si ei hawi mai sa nai mai y paawp pajau mang,” napi.
16 Naibaly mymy ly “Nang khumi cho awi, kai ly Jerusalem mary y teicha teinei avaw hai ai. Huni mary i khumichi ly paleung mawn u ai i, mymychi i teicha teineichi neh khyp iy cha nei u ai nai tla ai.
17 Nichi ly teicha teinei avaw nai deaungkho y mychi tengtawi akhen u nai khala y paleung phra atho di u ai i, mychi i kamngo molam y veung jei u ai,” napi.