EZEKIELA
I AMO LEU
BC saneng Jerusalem mary phra y kyh rai nai neng khala my, amo Ezekiela ly Babulon pri y langheng hawi naimy awm bo. Ni i thui pi nai leu ly Babulon pri y langheng hawi nai khumichi hawi, Jerusalem mary i khumichi i vui ne. Ezekiela i amo leu cha-iu theung y aly len nai leusaichi ly: (1) Tameuh my Ezekiela ai amo palawn ai nai palau nai. (2) Tameuh my khumichi ai tara chih ai nai hawi, Jerusalem mary phra ai nai satang pany hai nai. (3) Mymy i khumichi ai ana iy lam tamang hai nai khumi cheng cheaungkhangchi ai Areng my pajeng iy, tara chih ai nai molam leu pei nai. (4) Jerusalem mary phra nai bo y Israela chengchi i vui awm hai nem nai leu hawi, mo mang i neng y tlamsa ai nai adeu nai. (5) Koka ai kamngo pajeng ai nai leu pei nai. (6) Achura yhm palum teang ai nai hawi Israela pri palum teang ai nai molam, Ezekiela teng y amteng hai naichi ne.
Ezekiela ly Tameuh ai hawihai palai ym khaw nai khumi, khri pa-rei ka-dawn cheng nai khumi ne. Ni ly paleung mei y niu nai hawimy atitichi ai pany iy, huni amteng hai naichi ai chaipyn pa-rei thui pachai thai nai ne. Ezekiela i thui pi patyp keh ai ngai nai ly khumichi paleung ka-dawn kangtha nga ai nai aly ngai nai hawi, khumi luteng ly amymy i kamngo molam y mynji atleang nai ne. Ni ly Israela chengchi heng nai sai kangtha awm ai nai athang khai nai py pany hai nai ne. Mymy ly pathyp pi nai keung khyh ny y, amo py ne iy Achura yhm chai hai ai ngai nai molam y, paleung apei keh nai ne.
1
EZEKIELA I TAMEUH AI PALEUNG MEI Y ANGCHEI NIU NAI
Tameuh i areng atehra
1 Ref 1.1: Amt 19:11. Phairei saneng, palyh lo, lo si kani pangrei kani y, Buzi i chapo, Pathyp pi nai keung ne nai kai ly pri pala naira avum nai Juda chengchi hawi vanrei, Babulon pri Kheba tavo sahawi y awm nai khala, kani pa-kho am-eaung i, Tameuh my kai ai paleung mei y niu hai nai kaniu bo.
2 Ref 1.2: 2 Areng 24:10-16; 2 Neng 36:9,10. (Huni saneng ly samrang Jehoiakhin ai pri pala nai pa-ngo saneng ne.)
3 Babulon pri Kheba tavo sahawi y kai ly Areng i leu pei nai raawi thai i, sa thai naira ly kai i tlang tleaung y tym bo.
4 Kai ly angdeang kalau iy khen nai khala, tosyh ngan mang ali kamchai aho nai kaniu. Khupanym pui mang amlosadichi theu iy, huni khupanym tengpang sahawi i kani khusang ly angvang teaung na; amlosadi theu nai y kheupaja hawi atawm nai ly sadi nanai ne.
5 Ref 1:5 Amt 4:6. Ali kamchai umtang y ly heng nai amjy palyhrei hawi atawm nai mo-chachi kaniu; hunichi ly khumi i mo-cha hawi atawm.
6 Na i py nichi ly meimai palyhrei hawi pakhi palyhrei awm akyhkyh nai ne.
7 Nichi i kheuchi ly tawphrai tlai teu i py, kheuchira y sichi ka-tawm muiken awm. Huni heng nai amjy ly kachi pyn nai kheupaja kamta amchai-da na.
8 Nichi i meimai palyhrei hawi pakhi palyhrei awm nai khyh ny y, pakhi tleitleirei anui y, khumi i kiuchi py awm teang.
9 Huni heng nai amjychi ly harei hawi harei abi pa-rei pakhi nyhrei kadai riri naimy, mo atha u leungtang nai ne. Nichi ly mymychi i tlang amhi y naimy asyh u bawn bo.
10 Ref 1:10 Eza 10:14; Amt 4:7. Huni heng nai amjy ha hareira y awm nai meimaichi ly harei hawi harei atawm y. Mo mang i ly khumi i meimai, lamtang mang i ly khrangsi i meimai, langvawi mang i ly si katai i meimai, nithun mang i ly ahmtlau i meimai hawi atawm nai ne.
11 Huni heng nai amjychi ly harei hawi harei pakhi kadeaung abi pa-rei, pakhi nyhrei kadai iy takhra pakhi nyhrei hawi mymychi i tlang y mym bo.
12 Nichi bawibawi ly khuteng taki palyhrei mang y mo tha u. Hunai deaungkho y nichi ly mymychi i ngai naira mang y amhi y naimy chei bawn thai nai ne.
13 Ref 1.13: Amt 4:5. Huni heng nai amjychi theung ynote 1:13\xk theung y: Hebrai leu y atawm khyp nai, nanai sai ne.\x*maiteaung kangveaung hawi atawm nai harei ly asyh jojo nai ne. Hunira i mai kadeu ly amlosadichi theu bo.
14 Huni heng nai amjychi py amlosadi kamta rang parai naimy amki u nai ne.
15 Ref 1.15-21: Eza 10:9-13. Kai ly heng nai amjy palyhreichi ai khen nai thym khala y, nichi ha harei i sahawi y khaileaung y abi nai ka-ri kheu harei awm riri nai kaniu.
16 Huni ka-ri kheu bawibawichi ly lengseaung vang kateng kamta sadi naimy, ha harei atawm riri; ka-ri kheu tleirei y amtawn hai nai ka-ri kheu takhra py awm akyhkyh bo.
17 Hunai deaungkho y huni ka-ri kheuchi ly amhi y naimy, khuteng taki palyhrei mang y heng nai amjy palyhreichi asyh nai kamta asyh teang.
18 Ref 1.18: Amt 4:8. Ka-ri kheu tavaichi ly meichi hawimy kawi na iy, asang parai i, ka-jei hawi parai nai ne.
19 Heng nai amjychi asyh nai tleirei y, huni ka-ri kheuchi py, asyh rau teang.
20 Heng nai amjychi kani mang y angteang kalau nai khala y, ka-ri kheuchi py angteang kalau teang.
21 Hunaibaly heng nai amjy i phailochi ly mymychi ngai nai mang y asyh nai khala, ka-ri kheuchi py heng nai amjychi i sa nai kamta sa teang nai ne. Ati mana nai mo na baly heng nai amjychi i phailo ly ka-ri kheuchi ai peang nai deaungkho y ne. Huna nai y heng nai amjychi asyh nai khala, anawn nai khala, ali theung y angteang kalau nai khala py, ka-ri kheuchi ly hunai kamta sa u teang.
22 Ref 1:22 Amt 4:6. Heng nai amjychi i luleung mang y ly sadi iy uithawn lengseaung hawi atawm nai ka-jei awm nai, takhuru nai amjy harei py awm.
23 Huni takhuru nai i anui y heng nai amjy ha hareichi ly mymychi hawi kasa nai heng nai amjychi mang y pakhi nyhrei kadai iy, takhra pakhi nyhrei ly mymychi i tlang y mym naimy angdo u bo.
24 Ref 1:24 Amt 1:4-15; 19:6. Nichi akheang nai khala, kai ly pakhi aho nai katyn thai. Huni katyn ly pangli tui kamsau kamta py, tavaimi kanghu pui i katyn kamta py, ati cheaungkhang sa thai nai keung Tameuh i katyn kamta py atawm.
25 Na i py pakhichi pakhym iy anawn nai khala py, nichi i luleung mang i takhuru nai salo i katyn ly tyn jojo rai.
26 Ref 1:26 Eza 10:1; Amt 4:2,3. Huni takhuru nai salo y ly saphire lengseaung hawi sa nai areng atehra ka-tawm harei awm. Huni areng atehra tleaung y ly khumi i mo-cha hawi atawm nai leaungrei ateh.
27 Ref 1:27 Eza 8:2. Huni mo-cha awm nai i akeng leng mang ly mai kangveaung theung i kheupaja kamta sadi na; akeng i dengdai kheu kadeaung tym pa-rei, ni i anui mang ly mai kangvang hawimy tlang verei ang teaung na bo.
28 Huna nai ang teaung nanai kangvang sangso ly khupanymra y tla reng nai seaungjai hawi atawm. Hini ly Areng i nang parai nai ai amteng hai nai kangvang sangso ne.
Kai ly hina nai niu nai khala khaileaung y angbeu naimy atlym vui bo. Hunaibaly raawi harei my,