17
1 “Nangchi i Areng Tameuh teng y no awm nai si katai, ti y baly beram ly apathyp u moh; Areng my huna nai tawnbawichi ai ly paso.
2 “Nangchi awm nai marychi theung y neampacho phyreichi, ti y baly neampachy phyreichi ly Areng i leu tangai y naimy, Leu Maikawm ai taphra nai kamngo sa u iy,
3 tameuh takhrachi hawi kani, lo, ka-sichi ai chiu u nai deaungkho y Areng i leu pei naichi py ei vui, nanai satang thai u.Ref 17.3: Theu 22:20
4 Naibaly hawihai palai deng patumpati i, Israela chengchi theung y huni amso ngai naichi sa nai pany khyp baly,
5 huni khumichi ai mary angam y patheu iy lengseaung hawi aphi ka ai nai tla.
6 Na i py pany nai keung leaung nyhrei, leaung thomrei awm khala naini, kamngo sa nai huni khumi ai padei ai nai tla. Pany nai keung leaungrei awm khyh baly, huni khumi ai padei ai nai tlo y.Ref 17.6: Kati 35:30, Leu 19:15, Mt 18:16, 2kor 13:1, 1Tim 5:19, Heb 10:28
7 Pany nai keungchi my huni khumi ai lengseaung hawi aphi man khala naini, takhra khumichi my lengseaung hawi aphi ai nai tla. Hina nai sa iy huni hawi y sa nai ly tama hai ai nai tla.Ref 17.7: 1Kor 5:13
8 “Huni meingtym i tara chih keungchi ly khumi ai padei nai hawi khumi dei nai molam py, yhmtheaung atiu nai kahm hawi kiu kheu hawi tamo nga hai nai kahm molam py, Tara leu pacheang ai nai rai lawh baly, nangchi i Areng Tameuh my vawi nai chiu nai meingtym harei khyh naira mang y chei iy,
9 Levi theaung pathyp pi nai keungchi hawi, huni neng y tara chih nai keung teng y tym hai ly nichi Tara leu pacheang nai tangai ai nai tla.
10 Nichi my leu pacheang nai kamta tangai ai nai tla.
11 Nangchi ly nichi i Tara leu pacheang nai tangai iy, nichi my leu pala nai kamta ali y naimy tangai ai nai tla.
12 Huni neng i tara chih nai keung, ti y baly pathyp pi nai keung i leu pacheang nai tangai y nai khumi ly padei ai nai tla; hinanai sa iy Israela cheng theung i hawi y sa naichi tama hai pajau ai.
13 Naibaly khumi bawibawichi ly huni satang thai i jei nai deaungkho y, huna nai kamta sa bi vam ai ny y.
Samrang i vui y leu pei nai
14 “Nangchi ly Areng Tameuh my pei nai pri y awm u nai thym khala, tengpang sahawi i prichi ka-tawm samrang leaungrei palyn ai nai ngai u ai.Ref 17.14: 1Sam 8:5
15 Areng my vawi takhra nai khumi ai naini, samrang palyn ai nai tla. Ni ly nangmychi cheng theung i ne ai nai tla; cheng takhra khumi ai samrang palyn ai nai avo y.
16 Samrang ly my i tavaimichi i vui keaungngo neangneang khawn ai nai avo y. Areng my mymy i khumichi ai Aikupta pri mang y ali teang moh, nanai leu pei nai deaungkho y, samrang ly keaungngo van ai nai huni pri y khumi pato moh. Ref 17:16 1 Areng 10:28, 2 Neng 1:16, 9:28
17 Samrang ly aju neangneang awm baly Areng ai khai su pajau nai deaungkho y, aju neangneang awm ai nai tlo y; ni ly muku tangka py nang ai nai tlo y. Ref 17:17 1 Areng 10:14-22, 27, 11;1-8, 2 Neng 1:15, 9:27
18 Ni ly samrang atheng nai khala y, Levi theaung pathyp pi nai keungchi teng y kry nai Tameuh i reitachi hawi patiu naichi abawi nai, angchei i kuchira i tapeang iy atawm ai nai tla.
19 Ni ly Areng ai tahm khai iy reita ngiereichi ka-ym awm naimy patawm ai nai, huni cha-iu ai mymy sahawi y atawn naimy mymy deungrei phain ai nai tla.
20 Huna nai sa nai ly mymy i Israela chengchi tlang tleaung y pany thai keh, nanai amlyh nai paleung awm ai ny y. Areng i leu pei naichi py ei vui ai ny y. Huna nai khala ni hawi ni i kangpreangchi ly Israela pri y deung kangthau neangneang khrairei peang ai nai nga u ai.