1 Pathian leh a nungmi leh a thimi thu a Žhen tu Khrih Jesuh hnganah, cun a lannak leh a uknak sirhsan in, thupitakin ka tan torh: 2 thu cu simthan; caan a remcan ah iseh, a remcanlo ah iseh simreuri kau; an lung fiangsak hngai, hringŽon hngai, cun thinsaungaiih zirhnak rum thapia hngai. 3 Icatile mi ni ahmaanmi zirhnak cosang kho loin, an na a zat vervo caan a pha lai thok, an hiarmi mangih zirhtu ding an khawlkhawm thok, 4 culeh thutak ngainak in mertia in mi-sapolh thuanthu laah an pial thok. 5 Nang tu cu khawcangah khaw tiimhringin uknehtia, hartuarnak in kho la, thuthangŽha simtu rian Žuan, na rian cu kimte in Žuan. 6 Kei zong cu din ding raihriknak mangih thlet ik ka za velih ka pawhsuah caan a pha rom. 7 Zumnak ca-ih dohnak Žha cu ka do rom, zuan zuamtiaknak ka uuk rom, zumnak ka kinkhawi rom. 8 Atu thawh in cu Bawipa, a dingfelmi thuŽhentu ni cui ni ah a ma piak lei mi dingfelnak lukhum cu ka caah siah a ii. Kamah caah ceu iloin amah ih lannak a lakhlahtu an zate khaw a pia hngai ve thok.

9 Ma pha rang dingah a Žhatleng in zuamtia, 10 icatile Demas ni vuleipi dawt thu ah ma matain Thesalonika ah a tat rom; Kresen cu Kalati peng ah a tat, Titas cu Dalmatia peng ah a tat. 11 Luka ceu ka hemah a om. Marka pita la phatpi, icatile ka rian ah hmanŽhami a ii. 12 Taikhikas cu Efesa ah ka thlah. 13 Na phat tikah Troas khua ih ka mattakmi angkituahtual ma ken ta law, laibupawl khaw, cun laizawlpawl tlengtleng khi. 14 Daar sosupa Alexander ni harnak hnempi a ma vuak; a Žuanmipawl caah Bawipa ni phuleisam leh vaih lei. 15 Nang khaw amah cu ralring law, icatile kan thusimmi Žhawngngai in a dokalh. 16 Thu a ma kherhlai hngaimi ka Žantiak peitatleng ah ahuhman ni a ma Žanpi lo, an zate ni a ma mata hngai hoi. Acui thu ah mawhphurh sak i hram hlah uh seh! 17 Ihmansela Bawipa cu, ka hramah a ding ih tha a ma pia, cucu kamah thawngin thuthang cu kimhlangte ih sim leh Zentail-mipawl hmawhhmawh ni an zak nak dingah a ii. Curuangah kiosa kaa sungin runsuah ka ii. 18 Bawipa ni thilŽhalo ih ma dohnak hmawhhmawh in a ma rungsuak thokih, a vancung uknak caah himin a ma sia thok. Amah hemah sunparnak cu kumkhua in kumkhua om hram seh. Amen.

19 Priska leh Aquila, cun Onesiforas ih innsang sawnbia hngai. 20 Erastas cu Korin khua ah a omta rih; Trofimas cu Miletas ah tiak in ka mata. 21 Isik hlanih pha dingah a Žhatleng in zuam tia. Zubulas ni biaksonnak a tan kuat, Pudens leh Linas leh Klaudia leh ulenaupawl zate ni khaw. 22 Bawipa ni tan ompi hram seh.note 4:22 A laita mangin cu “Bawipa cu na thlarau hemah om hram seh” ti a ii. Velngeihnak cu nan hemah om hram seh.