3
1 A netatleng nipawl ahcun a harsami caanpawl an pha thok ti hi tiah law.
2 Icatile mipawl cu anmah leh anmah a dawtiatule, tangka a dawtule, tluangkhawng tule, mizumtiale, ahiloih mitihmang, an nulepale thu a zul lo tule, lungawi thiam lomi, a thiang lomi,
3 minung thinlung a keng lomi, remdaihsak khawh lomi, mirawnraule, mah uknehtialo tule, a puarhraangmi, thilŽha huatule;
4 rawiphiarhmang tule, dawtpasang ih nungmi, zumtia tukih sopawmi, Pathian dawtu iloin nomnak sawn a daw tule,
5 biaknak hi a pawnla thuam cu tlaihtia in, a sungla huham zong cu a hnongtu an i thok. Anmahpawl cu hrel hngai.
6 Icatile anmah lakah, innsang ah lutin numi aahrot, an sualnakpawl ih khumnonmi leh hiamnak phunphun ih koih a imi,
7 zirh an i nain thutak tiahnak taktai ih a pha dah lo tule a va latngah tupawl an om.
8 Jannes le Jambre ni Moses an dohkalh mangin, ruahnak rawkcat leh cawncop zumnak ngei tu hile hi ni thutak an do ve.
9 Ihmansela hmai an nor kho ciamco hlei thok lo, icatile Jannes leh Jambre mangin an atnak cu mizakip hemih a langfiang mi a cang thok.
10 Atucu ka thuzirhmi, ka nunzia, ka tintahmi, ka zumnak, ka thinsaunak, ka dawtnak, ka tuarzonak,
11 ka hremtuarnakpawl, Antiok, Ikoniam leh Listra khua ih ka cungih thil tlung mi ka tuarnak tipawl na tiahngah hngai rom. Itumang hremnakpawl sawh ka tuar hngai! A inain Bawipa ni an zate sungin a ma rungsuak.
12 A ngaingai ahcun Khrih Jesuh sungih Pathian Žihzahnak nun nun a dawtu hmawhhmawh cu hrem an i kau thok.
13 Ihmansela miŽhalo leh mideuhthiam cu a sia in siasin ah an pan thokih, mipacepawl va deu lei uh khawh anmah khaw deuh an i thok.
14 Ihmansela nang tu cu na zirngahmi leh Žhopi in na zumngahmi ah om peh la, ahu hemin na zir,
15 culeh Khrih Jesuh zumnak thawngin rundamnak caah a tan zirh kho tu laingan thianghlim cu na tepanlio khin thawhin khawti in na tiah tak rom zia khi tiah la.
16 Lai thianghlim hmawhhmawh cu Pathian ih thawkhummi a ii ih,note 3:16 2Tim 3:16 “Pathian ih thawkhummi Lai Thianghlim hmawhhmawh cu” ti khaw a ngah. thuzirhnak caah, nunsimnak caah, nun remnak caah, cun dingfelnak ca-ih zirhtiaknak caah an Žhahnem.
17 Acucu Pathian ih ta a i tupoh ni rianŽuan Žha cang caah mi za leh thommi an iknak dingah a ii.