TITAS
Hemih Laikuat
A Ngantu, Ngan Kum leh Ngannak Hmun. Paul ih ngan ik zum hi a ŽhawngŽha ngai. A zum lo tu ni cu Timote kuat khatnak sungih kan sim mang, a aanta leh a sungih thuhlapawl ruangah an i tleng. Paul ni a ngan ahcun Timote kuat khatnak rum Žum khat ah, AD 63-64 sung, Rom ih a thawngtlaknak in a luat duau lio, Masidonia peng hmun pakhatkhat ah a i thok tiah zum a ii. Paul ih nganmi a ik lo ceng ahcun AD 90-100 lakah, a tlawngta pakhatkhat ni Asia Minor hmun pakhatkhat ah a nganmi ik zum a ii.
A Ngansaktu Thuhlapawl. Paul Khrit tikulh a phat lio ah Žuan ding om zet a uk ta man lo, a nakdo ngai in a mata. Acunangah Titas timi mino cu Pastor Žuan a torh. Titas cu Zentail sungih Grik miphun, a ii. A omnak Khrit tikulh cu nuncan Žha rih lo mipawl omnak a ii. Amah ceu ni Pawlpi a hruai kho thok lo ti Paul ni a tiah. Curuangah hruaitu Žha ril thiam dingin, zirhnaksual ih mi rawhral khawh zia tiahthiam ding, innsang ah khaw thupon nunpi ding, Jesuh ih phatnak phunhnih ni nun mi a thleng khawh zia, Pathian mipawl ih nunzia ding Žuanvo, Pathian rundamnak cu caan pathum rum hoihtia in thil Žha tinak ah hman a Žul zia pawl zirh hngai dingih torh a Žul ruangah a ii.
A Tumtahmi. Titas ni amah rianŽuan bawntu ding Pawlpi kilkhawitule ril hngai in, an ngeih Žulmi nunzia leh thiamnakpawl zirh hngai a torh. Numipawl iseh, pamipawl iseh, a no in a cang in an nunzia ding Žhate ih zirh hngai ding torh a daw. Cun thuponhmaan zirh sak a daw. Mipawl rum rualremte ih om sak khaw a daw; pawlpi sungih Žhentiaknak thupawl suak lo dingah hrel sak a daw.
1
1 Pathian ih rilmipawl an zumnak tungkam ding leh Pathian Žihzahin nun ding daan mi hmuh tu thutak tiah dingih zirh hngai dingah,
2 thulopuah dahlo tu Pathian ni vulei hramthawh hlanin a tiammi kumkhua nunnak ruahsanmi,
3 a caan a zat tikah a man Rungtu Pathian ni thupiain a ma tirhih ka simphuannak thawngin a phuanlanmi a thu caah Pathian ih sal leh Jesuh Khrih ih tirhthlah Paul ni,
4 kan hlawmtiakmi zumnak sungah ka tiapa taktak a i mi Titas hemah lai ka tan kuat: veel leh daihnak cu Pa Pathian leh a man Rungtu Khrih Jesuh hemin pha hram seh!
5 Khrit tikulh ih ka tan mattak cu: Žuan ngah dingih a taang rihmi pawl ningcangte in uk lawlaw ding leh ka tan zirhhruai mangin, khuapi cang ah upapawl thiah hngai ding thu ruangah hin a ii.
6 Pawlpi upa cu mawhngei lomi, nupi pakhat ceu ih pumah, a tianaule cu zumtule a i mi, a thlahthlamtiami leh thuzul lomi tiih mawhsiat om lomi an i thok.
7 Icatile Pawlpi zokhentu cu Pathian innsang kilkhawitu an ik mangin mawhngei lomi a i thok; milungkhawng iseh, mithintawi iseh, thlahlo-ih zu ding iseh, kutthlakrau iseh, miat dawt ah miduhham iseh, a i thok lo.
8 KhualŽhami, Žhatnak dawtu, a suptiakhomi, a dingfelmi, punpiatiami, cun mah uknehtiami tu a i thok.
9 Zirhmi mangin, rinsantlakmi thu khi a tlai Žho thok, cuticun zirhnak hmaan rum phungsim khoin acu alkalh tule khi a al hngai zo taw.
10 Ukkhawh lomi, sullamngeilo aanrau leh mideuhrau tlungpi an om, ahleice in phawzimŽhawhmi an i cuang;
11 anmim ni cu an kaa phih thok an ii, icatile a thiang lomi ngahnak dawt ah zirh dingih ahman lomi an zirhnak thawngin innsang zatete an buaisak.
12 Anmah lakih pakhat, an profet rori cu:
“Khrit-mipawl cu mideu
hlanghlan, ŽihŽhami sahrang,
miphen cawkau le,”
tiah a ti hngai tu a ii.
13 Ahi simphuanmi hi a hmaan. Ahi ruangah anmahpawl cu hraangngai in hringŽon hngai, cuticun an zumnak ah hmaanin,
14 Judahpawl ih mi-sapolh thuanthupawl leh thutak hnong tule ih thupiakpawl a ngai duh hlah taw uh.
15 A thianghlimmi caah cun thil zate an thianghlim kau, ihmansela mihnawmtam leh a zumlotu caah cun ituhman a thianghlim lo. An ruahnakpawl leh an siaŽha thleidannakpawl an hnawmtam.
16 Pathian tiah in an sim tia, ihmansela an tehcahnak in tu cu amah an pheh. Anmimi cu ningtirhŽha, mithuzullo, rianŽha pakhatkhat caah khaw atlak lomi an ii.