2
1 Nang, ka tiapa, Khrih Jesuh sungih a ommi veel sungah dik berbo kau;
2 culeh thutiahpitu tlungpi thawngin ka hemin na zakmi cu mipacepawl a hei zirh khotu ding rinsantlak mipawl hemah kinkhawi sak hngai ve.
3 Khrih Jesuh ih ralkap Žha dinhmun in intuarnak ah tuar Žom ve.
4 Ralkap a Žuantu ahuhman nicang thil thu ah a awktia lo; ralkap ih tumtahmi cu amah ralkap ah a latu lungawisak ding khi a ii.
5 Culeh a leklaumi thu ahcun, zulh ding daanpawl a zulh uk lo tu ahuhman parpekkual luvel velh a i lo.
6 Harngai in lo a Žuan rero tu lothlotu a ii thlaithar co peitleng dingih a mawimi cu.
7 Ka tan simmi hi ruat cuahco, icatile Bawipa ni thil hmawhhmawh ah tiahthiamnak a tan pia thok.
8 Jesuh Khrih, mithi lakin thawhsak mi, David ih citlaang – cu ka thuthangŽha a ii ti cingkeng.
9 Acu caah kovawh thitlak-misual mangih hrenghri khuah ceuhco tiang hman harsatnak ka tuar. Ihmansela Pathian ih thu cu hrenghri khuah a i lo.
10 Curuangah rilmi le caah izongza ka tuar, cuticun Khrih Jesuh sungih a ommi rundamnak cu kumkhua sunlawinak rum a co ve taw uh.
11 Aannak ih:
“Amah rum kan thih khat
ahcun, amah rum
kan nung khat ve thok;
12 Kan intuar ahcun,
amah rum kan uk ve thok;
amah kan pheh ahcun,
a man pheh ve thok;
13 Rinsantlaklo kan ik hmanah,
ani cu rinsantlak a i ringring –
icatile amah leh amah
a phehtia kho lo,
timi cu rinsantlak a ii.
14 A ngaitule caah Žhathnemnak iloin rawhralnak ceu a suahsaktu a imi aantangsar parih thu-altiak hi an hrel awk a ii tiin pherphuak hngai la, Pathian hmuhhngan ah ralrin pia hngai.
15 Pathian ih lungkimpimi pakhat, ningzah ding Žul lomi rianŽuantu, thutak thu cu hmante in a simfiangtu dinhmun in namah le namah Pathian hemah aptia dingin a Žhatleng in zuam tia.
16 Pathian rum pehpontia lomi bawroktiaknak cu hrel law, icatile acucu ni mipawl Pathian irel lonak hlehhlo ah a hruai hngai,
17 culeh an thuthluktiak cu tiksa Žawtin a awtu masia mangin a karh thok. Acupawl lakah Himeneas leh Filetas an tel.
18 Anmimi ni cu thawhŽhannak cu a cang rom an tiih thutak in an peeng. Cuticun mihrekkhat ih zumnak hnokletkau an vua.
19 Ihmansela Pathian ih hrilhhram Žho cu a hmun kau, “Bawipa ni amah ih ta a i tupawl cu a tiah hngai,”Ref 2:19 Mip(Num)16:5 timi leh, “Bawipa ih min a ko tupoh cu Žhat lonak in mertia seh,” timi laingan a om.
20 Inn hnempi pakhat sungah sui leh ngun ih vuakmi khukhengpawl ceu iloin thing leh phalei ih vuakmi khaw an om. Ahrekkhat cu hleice deuh in hman awkah an ii ih, a hrekkhat cu hman hluahhlo awkah an ii.
21 Ka sim rommi thu ah anmah leh anmah a thiantia tupawl cu khukheng hleice, innngeitu ca-ih thiatmi leh hmanŽha, rian Žha cang ca-ih a ralringtiami a i thok.
22 Nawh lio ih hiamnakpawl cu pial la, thinlung thiang in Bawipa a ko tupawl rum dingfelnak, zumnak, dawtnak leh remdaihnak ngeih ding tintah.
23 Atthu leh sullamngeilo aan altiakpawl rum ituhman pehpontia hlah; acupawl ni cu bawhtiaknak an suahsak ti na tiah kau.
24 Bawipa ih sal cu mibawhrau a i thok lo, mi kip hemih thinnemmi, mizirh thiammi, mithinsau,
25 dokalhtule khi thinnemnak rum a rempiak hngai tu sawn a i thok. Pathian ni sualrimin thutak tiah dingah,
26 cun amah ih dawtzawng Žuan dingin sal ah a ponhreng hngai tu khawsia ih thang in luat dingah a vua hngai mahna.