9
1 Culeh a panganak vanmi ni a tawtawrawt a tumih vancung in vulei parah a tlami arsi pakhat ka hmu, amah hemah cun tawnengeilo khurawng honnak tawh piak a ii;
2 tawnengeilo khurawng cu a hongih somei hnempi ih khu mang meikhu a hang suak, culeh acunang in a hang suakmi meikhu ruangah ni leh pangko cu an maw.
3 Cutikah meikhu lakin thlabawkpawl cu vulei parah an pha ih, vulei parih nuhmeikaangpawl ih thungeihnak mang thungeihnak piak an ii.
4 An cal parah Pathian tacik a ngei lo tupawl simlo vulei parah taa iseh, ahringmi thlaikeeu leh thingkung iseh, siatsuah lo dingah sim an ii.
5 Acule cu a thah zong that loin thla nga sung hrem dingah sen an ii ih an mihrem cu nuhmeikaang ni mi pakhat a cih tikih a tiakmi mang tuarnak a ii.
6 Acui nicaanpawl sungah cun mi ni thihnak an hrawl thok nain an hmu thok lo; thih an daw ngai thok nain thihnak ni a leeu ta hngai thok.
7 Thlabawkpawl cu raldo dingih thommi saipawl mang an ti. An cal parah cun siangpahrang lukhum mang a i mi a om; an hmel cu minung hmel mang an ii,
8 an sam cu numi sam mang an ii ih an ha cu kiosa ha mang an ii.
9 Thiir lumpawl mang lum an ngei ih an thla khawn awthawng cu saileeng tlungpi raldo thokih zuangmi awthawng mang a ii.
10 Nuhmeikaangpawl mang mei an ngeiih an mei ah mi cihnak an ngei, an mei sungah cun minungpawl thla nga sung harnak piak khawhnak huham a om.
11 Anmah parih siangpahrang Žuan dingah tawnengeilo khurawng uktu vanmi khi an ngeihtia; a min cu Hebru aan in Abaddon a ii ih Grik aan in Apollyon note 9:11 Abaddon Siatsuahnak; Apollyon Siatsuahtu. tiih kawh a ii.
12 A pakhatnak harsatnak cu a liam rom. Harsatnak pahnih pha laithok an om rih.
13 Cuhnukah a paruknak vanmi ni a tawtawrawt cu a tumih Pathian hmala ih ommi kii pali hemin aw pakhat ni,
14 tawtawrawt a ngei tu vanmi cu, “Eufrates tipi hnempi ah ponhreen a imi vanmile pali cu thlah hngai,” tiah a timi aw ka za.
15 Curuangah vanmile pali cu thlah an ii, anmimi cu minungle ih hmun thum Žhen hmun khat that dingah a nazi, a ni, a thla leh a kum in tuahtimsak an ii.
16 Sai citia ralkaple ih an milu cu million za hnih (200, 000, 000) an ii; an milu siar cu ka za.
17 Culeh lansaknak sungih saipawl ka hmuh hngai daan cu hiti hin a ii: a citiatule cu mei leh kaat leh safaiar lungmankhung pianzia a imi lumpawl an hruktia; an saile ih lu cu kiosa lu mang an ii ih an kaa sungin mei leh meikhu leh kaat an suak.
18 An kaa sungin a suakmi ahi harnak pathum: mei leh meikhu leh kaat ruangah minung hmun thum Žhen hmun khat cu thah an ii.
19 Saile ih huham cu an kaa leh an mei ah an om; an meipawl cu rul mang an ii, lu an ngei; acupawl in mi an tuahmawh hngai.
20 Ataangmi minungpawl, ahi harnak pathum ih thah lo mipawl cu an kut ih Žuanmipawl iseh, khawsiapawl leh khuahmu kholo, khuaza kholo, vak thiamlo, sui, ngun, daar, lung leh thing in an vuakmi mepapawl an biak rero iseh an rim cuang lo.
21 Culeh an lainawnpawl iseh, an dawipawl iseh, numipami sualkhatle iseh, an titirpawl iseh an rim cuang lo.