1 Tusuan ni a pasarihnak tacik a phoih tikah nazi hrek tluk sung cu vancung a daizirziar. 2 Culeh Pathian hmala ah a ding tu vanmile pasarih ka hmu hngai, tawtawrawt pasarih piak an ii. 3 Vanmi pace pakhat cu rimhmui tihnak sui kuak rum a pha ih pakawh ah a diing, amah cu toŽhiang hmala ih sui pakawh parah mithiangle ih thlacampawl rum raihriknak ih piak dingah rimhmui tampi piak a ii. 4 Culeh rimhmui khu cu mithiangle ih thlacampawl rum vanmi ih kut in Pathian hemah a hang kai. 5 Cutikah vanmi ni rimhmui tihnak sui kuak cu a la, pakawh ih mei in a khahsak ih vulei parah a zam; culeh khuari thawng, awnhiamho, awn er-o, nimtla kau ziakzo, cun linghnit tipawl an suak.

6 Tawtawrawt pasarih ngei tu vanmile pasarih cu tum dingah an tiaritia. 7 A pakhatnak vanmi ni a tawtawrawt a tumih thi rum a cawhrawimi rial leh mei a suak, acucu vulei a phonnak; culeh vulei hmun thum Žhen hmun khat leh thingkungpawl hmun thum Žhen hmunkhat cu an kaang, cun ta hring a zate in a kaang. 8 A pahnihnak vanmi ni a tawtawrawt a tumih tlang hnempi mang a timi thil pakhat, mei ih kan liomi cu rili sung ah paih a ii. 9 Rili hmun thum Žhen hmun khat cu thisan ah a cang, sumnungpawl ih hmunthum Žhen hmun khat cu an thi, culeh lawngpawl hmun thum Žhen hmun khat cu siatsuah an ii. 10 A pathumnak vanmi ni a tawtawrawt a tumih vancung in arsi hnempi pakhat, meitom kaanghlio mang cu tipi pawl hmun thum Žhen hmun khat leh cirhpawl parah a tla. 11 Arsi ih min cu “Akha” ti a ii. Ti ih hmun thum Žhen hmun khat cu a kha ah a cangih ti a khaat ruangah mitlungpi cu an thi. 12 A palinak vanmi ni a tawtawrawt a tumih ni ih hmun thum Žhen hmun khat, thlapa ih hmun thum Žhen hmun khat, culeh arsipawl ih hmun thum Žhen hmun khat cu thawi an ii. Curuangah tleunak ih hmun thum Žhen hmun khat cu mawtsak a ii; sun ih hmun thum Žhen hmun khat cu a vaang lo, cun zan khaw acumang siksik cun a ii. 13 Cutikah ka zoh ih thlokhing pakhat cu van laisim ih a soi thah ah aw dakpi in, “Vanmi le pathum ih tum vel thok mi apace tawtawrawt pathum ih aw ruangah vulei parih omtupawl cu an hmaka a pit, an hmaka a pit, an hmaka a pit,” tiah a au ka za.