1 Culeh vanmi dikcak pace pakhat, vancung in a zong Žum mi, meici in a thuamtia, a lu parah sumhmusa rum; a hmai cu ni mang a ii ih a kepawl cu meiŽhuampawl mang a i mi ka hmu. 2 A kut ah a phartiami laizawl tiinte a puttia. A vorhla ke cu rili leh a kehla ke cu vulei a karceem, 3 kiosa ih huk mangin tiakpi in a au. A au tikah khuarile pasarih ni aw an suah. 4 Culeh khuarile pasarih ni aw an suah tikah laingan ka khaitia, ihmansela vancung in aw pakhat ni, “Khuarile pasarih ih an simmi cu tacik khen hngai, lai ah ngan hlah,” tiah a ti ka za. 5 Cutikah rili leh vulei parah dingin ka hmuhmi vanmi ni vancung laah a vorhla kut hlirin 6 a kumkhua in kumkhua a nung tu, van leh a sungih ommi, vulei leh a sungih ommi, cun rili leh a sungih ommi, a seemsuah hngai tu min saalin, “A raau ti thok lo, 7 a pasarihnak vanmi ni a tawtawrawt a tum nipawl ah cun Pathian ih thuthuk cu a salle profetpawl hemih a than mangin a kimsuak leh thok,” tiah thu a khaam. 8 Cutikah vancung ih aw pakhat ma bia in ka zak tak mi ni ma bia sei in, “Tat lei ci khawh rili leh vulei karceemin a diing tu vanmi kut sungih laizawl phartia mi cu la,” tiah a ti. 9 Curuangah vanmi hemah tatin laizawl te cu ma pia dingah ka sim; culeh ani ni, “Lala he, cun aw; na pun sungah cu a kha thok, na kaa sungah zong cu khuailuati mangin a thlum thok,” tiah a ma ti. 10 Curuangah vanmi ih kut in laizawl te cu ka la ih ka aw; ka kaa sungah cun khuailuati mangin a thlum, ka awk ngah tikah zong cu ka pun cu a kha ah a cang.

11 Cutikah, “Minung tlungpi leh siangpahrang tlungpi hemah profetthusim in thu na sim sei thok,” tiah sim ka ii.