11
1 Cuhnukah teileng mang a imi tahnak tung pakhat piak ka ii ih, “Pha la, Pathian biakinn leh pakawh leh acungnangih a bia tupawl cu tah hngai,
2 biakinn pawnla ih vanthlau zong cu tah hlah; mata, icatile acucu miphuncepawl hemah piak a i romih anmimi ni khua thianghlim cu thla sawmli leh thla hnih sung an cilnang thok.
3 Culeh ka thutiahpitule pahnih cu khumdip puan sintia in ni thawng khat za hnih leh ni sawmruk sung profetthusim in thu sim dingah thungeihnak ka pia hngai thok,” tiah sim ka ii.
4 Ahile hi vulei ih Bawipa hmaika ah a diing tu oliv thingkung pahnih leh meitletnak tung pahnih cu an ii.
5 Ahu ni maw tuahmawh hngai a dawt ahcun an kaa sungin mei a vasuakih an ralle cu a kaang hngai; anmah tuahmawh hngai a dawtu ahumaw cu acuti cun thah a i thok.
6 Profetthusim in thu an sim sung cu ruah a zuk lonak dingah vancung khaar dingin thungeihnak an ngei, cun tiipawl thisan ah cansak dingin leh an dawt cang vulei hi pulh phun kim rum thawi dingah thungeihnak an ngei.
7 An thusimphuan an uh tikah, tawnengeilo khurawng sungin a suakmi sahrang ni ral a do hngai thok; a neh hngai thokih a that hngai thok.
8 An ruak cu an Bawipa khentar a ik ve nak, khithmuhnak in Sodom iklole Izipt tiih kawhmi khuapi hnempi ih zalam ah an thlimtia kau thok.
9 Ni thum leh a hrek sung cu miphun zakip, hrin zakip, aan phun zakip leh miphunpawl ni an ruakpawl an zoh ciahco thokih thlaan ih vui an sen thok lo;
10 culeh hi profet pahnih cu vulei parih omtupawl hemih harsatpetu an ik ruangah, anmah direm ah vulei parih omtupawl ni an thih aih in laksawng an thlengtia ciamco thok.
11 Ihmansela ni thum leh hrek hnukah cun Pathian hemin nunnak thaw cu an sung ah a lutih an ke in an diing, culeh anmah a hmu tupawl cu an lukii a paw.
12 Cuhnukah vancung in aw dakpi pakhat ni, “Hinangah hang uh,” tiah ti hngai in an za. Culeh an ralle ni an zohlanglang lio ah meici sungin vancung ah an hang kai.
13 Acui caan ahcun linghnit rauhpi a omih khuapi ih hmun hra Žhen hmun khat cu a min; linghnit ah mi thawng sarih an thi, culeh ataangle cu an lukii a paw ih vancung Pathian hemah sunparnak an pia.
14 A pahnihnak harsatnak cu a liam rom. A pathumnak harsatnak cu ihlet hlanah a pha thok.
15 Cuhnukah a pasarihnak vanmi ni a tawtawrawt a tumih vancung ah,
“Vuleipi ih uknak cu
kan Bawipa leh a Messiah ih
uknak ah a cang rom,
amah ni kumkhua in
kumkhua a uk thok,”
tiah a ti tu a thangmi
awpawl an om.
16 Cutikah Pathian hmaika ih an toŽhiangpawl ah a to tu upale kul hluanli ni an hmai kupin Pathian an bia ih,
17 “Tan thangŽhat ung e,
Bawipa Pathian Zongzatikho,
a omlio mi leh a omta mi,
icatile a nasami na huham cu
na la romih uk
na thawh rom.
18 Zentail-mipawl an thin
a kaangaw hngai,
ihmansela na thinsiatnak,
cun mithile thuŽhen ding caan,
na sal profetpawl leh
mithiangpawl,
cun na min a Žihzah tu
a hnem leh a tiin,
an zate ngahvo piak nak ding,
cun vulei a siatsuah tule
siatsuah nak dingah
a pha rom,”
tiah hla an sa.
19 Cutikah vancung ih Pathian biakinn cu a hongtia ih a biakinn sungih a thukam kuang cu hmuh a ii; culeh nimtla kau ziakzo, awn er-o, awnhiamho, khuari thawngpawl, linghnit leh rial rauhpi tipawl an om.