1 Cunteh itu ang ti lei ung maw? Veel a punzai hlehlo nak dingah sualnak ah kan om peh thok maw? 2 Naisai hlah ee! Keimi sualnak hemah a thirom mi ni khawti in hi lei a sungih kan nun peh berbo thok? 3 Khrih Jesuh sung ah hnim a i rommi cu a thihnak sung ah hnim an i rom ti nan tiah lo maw? 4 Curuangah keimi cu thihnak sungih hnim kan iknak thawngin amah rum vuicih kan i rom, acucu, Pa ih sunparnak thawngin Khrih cu mithi lakin thawhsak a ik mangin keimi khaw nun thar in kan nunnak dingah a ii. 5 Icatile amah ih thihnak mang a imi ah amah rum pun khat iksak rommi kan ik ahcun, a thawhŽhannak mang a imi ah amah rum punkhat iksak kan i leh hrimhrim thok. 6 Sualnak ruangpun cu rawhral ii in, sual hemah salcansak kan ik ti lonak dingah, kan mi hlun cu amah rum khentar a i ti kan tiah. 7 Icatile a thi rom tupoh cu sualnak sungin a luat. 8 Ihmansela Khrih rum kan thih rom ahcun, amah rum kan nung ve thok ti kan zum. 9 Khrih cu mithi lakin thawhsak a ik ruangah a thi Žhan ti thok lo ti kan tiah; thihnak ni a parah uknak thu a ngei ti lo. 10 A thih khi san daih in voi khat sualnak hemah mithi a ii, a nun zong tu cu Pathian hemah a nung. 11 Curuangah nangmi khaw nanmah leh nanmah cu sualnak hemah cun mithi tiin leh Pathian hemah cun Khrih Jesuh sungah a nungmi tiin ruat tia uh. 12 Curuangah a thikhomi nan ruangpunpawl sungah hin, an hiarnakpawl cangngai in tan vua dingah sual hi uk tiak sak hlah uh. 13 Nan tiksaŽhenpawl hi Žhat lonak ih siihaarpawl dinhmun in sualnak hemah pia ti hlah uh, thihnak in nunnak ah phatpi rommi dinhmun in nanmah leh nanmah Pathian hemah tu piatia uh, cun nan tiksaŽhenpawl cu dingfelnak ih siihaar dinhmun in Pathian hemah pia uh. 14 Icatile Daan tangah iloin veel tangah nan om ruangah sualnak ni tan uk hngai hlah seh.

15 Cunteh, itu? Daan tangah iloin veel tangih kan om ruangah kan sual thok maw? Sual naisai hlah ee! 16 Nanmah leh nanmah thuzulmi salpawl dinhmun in mi pakhatkhat hemih nan piaktiak tikah, a thu nan zulhmi, thihnak ah mi hruaitu sualnak, iklole dingfelnak ah mihruaitu pakhat sangsang ih salpawl nan ii ti nan tiah lo maw? 17 Ihmansela nangmi voikhat lio ih sualnak ih salpawl a itami cu, nan hemih piakmi zirhtiaknak khi thinlungtak in a zultu nan cang rom, 18 culeh sualnak hemin luatsak nan i romih dingfelnak ih salpawl nan can rom ruangah, Pathian cu lom ii seh. 19 Nan ikzia ŽonŽaihnak ruangah minung aanhmandan in ka ang. Icatile nan tiksaŽhenpawl cu thianhlim lonak leh a nasa hlehh lomi Žhat lonak ih sal dinhmun in nan piak tak dah mangin, atu cu nan tiksaŽhenpawl hi thianhlimnak caah dingfelnak hemah salpawl dinhmun in pia uh. 20 Sualnak ih salpawl nan ik tak lio ah khin, dingfelnak rum pehtlaitia in cu miluat nan ita. 21 Curuangah atu ih nan zahpimi thilpawl hemin Žhathnemnak itu ngah ta hmen cu? Acui thilpawl ih netnak cu thihnak a ii. 22 Ihmansela atu ahcun sual hemin luatsak leh Pathian ih sal nan i romih, Žhathnemnak nan ngahmi cu thianhlimsaknak a ii. A netnak cu kumkhua nunnak a ii. 23 Icatile sualnak ih hlawhman cu thihnak a ii, Pathian ih Žhentlawimi zong cu Khrih Jesuh kan Bawipa sungih kumkhua nunnak a ii.