1 Curuangah zumnak thawngin thiamcosak kan ik in cu kan Bawipa Jesuh Khrih thawngin Pathian rum remdaihnak kan ngei rom. 2 Amah thawngin hi velngeihnak ah luhkhawhnak kan ngeiih acunang ahcun kan ding Žho. Culeh Pathian ih sunparnak kan Žom thok ruahsan ah kan porhtia. 3 Culeh acu ceu khaw iloin, tuarnak ni tuarzonak a suahsak ti tiah in, kan tuarnak ah khaw kan tha a nuam. 4 Culeh tuarnak ni ziaza a suahsakih ziaza ni ruahsannak a suahsak. 5 Kan hemih piakmi Thiang Thlarau thawngin kan thinlung sungah Pathian ih dawtnak burh a ik rom ruangah, ruahsannak ni kan thin a man dengsak lo. 6 Icatile mi ŽawnŽai kan ik rih kau lio, a caan te ah Khrih cu Pathian irello tule caah a thi. 7 A ngaingai ahcun, midingfel pakhat caah a thi tu an har zaraan thok—miŽha pakhat caah cun a thi ngam tu pakhatkhat an om kho men nain. 8 Ihmansela misual kan ik rih lio ah Khrih kan ca-ih a thihnak ah khin Pathian ni kan ca-ih a dawtnak a lansak. 9 Atuhi a thisan thawngin thiamcosak kan ik rom ruangah, Pathian ih thinsiatnak sungin amah thawngin run kan i hlehhlo hrimhrim thok. 10 Icatile ral kan ik lio ah a Tiapa ih thihnak thawngin Pathian rum remsakŽhan kan ik ahcun, thiamcosak kan ik rom ruangah a nunnak thawngin run kan i hlehhlo hrimhrim thok. 11 Acu hleiah, remsakŽhannak kan co rom nak pa kan Bawipa Jesuh Khrih thawngin Pathian ah kan porhtia.

12 Curuangah sualnak cu vuleipi ahhin mi pakhat thawngin a lutih thihnak khaw sualnak thawngin a phat mangin, mizate an sual tak ruangah thihnak cu mizate hemah a karh. 13 Daan om hlanah vuleipi ahhin sualnak cu a omta kau, ihmansela Daan a om lonak ahcun sualnak cu sualnak ah rel a i lo. 14 An sualnakpawl cu Adam ih daanbuarnak mang an ik lo hmanah, Adam in Moses tiang thihnak ni mi a uk siksik. Adam cu a pha laithok tu pa ih muithlam a ii. 15 Ihmansela Žhentlawimi cu daanbuarnak mang a i lo. Icatile mitlungpi cu mi pakhat ih daanbuarnak thawngin an thih ahcun, mi pakhat, Jesuh Khrih sungih Pathian velngeihnak leh Žhentlawimi cu mitlungpi caah a tam hlehhlo hrimhrim. 16 Culeh Žhentlawimi cu mi pakhat ih sualnak hmuar mang a i lo. Icatile daanbuarnak pakhat a zultu thuŽhennak cu na sual tiih hnonnak a suahsak, daanbuarnak tlungpi zultu Žhentlawimi zong ni cu thiamcosaknak a suahsak. 17 Mi pakhat ih daanbuarnak ruangah acui mi pakhat thawngin thihnak ni mi a uk ahcun, mi pakhat, Jesuh Khrih thawngin a velngeihnak tlamtling leh Žhentlawimi dingfelnak a co tupawl ni cu nunnak ah an uk hlehhlo hrimhrim thok. 18 Curuangah mi pakhat ih daanbuarnak ni mizate caah sual thuŽhennak a phatpi mangin, mi pakhat ih dingfelnak thiltimi ni mizate caah thiamcosaknak leh nunnak ah mi a phatpi. 19 Icatile mi pakhat ih thuzulh lonak thawngin mitlungpi cu misual ah vuak an ik mangin, mi pakhat ih thuzulhnak thawngin mitlungpi cu midingfel ah vuak an i thok. 20 Ihmansela Daan luhpi a ii ih, daanbuarnak a pungzai; ihmansela sual a punzainak hmun ah veel cu tam hlehhlo a pungzai hoi. 21 Acucu sualnak ni thihnak ah mi a uk mangin, veel ni khaw dingfelnak thawngin a uk ve kho nak dingah a ii. Acucu ni kan Bawipa Jesuh Khrih thawngin kumkhua nunnak ah mi a hruai thok.