1 Ulenau hngai, Daan ni mi pakhat cu a nun lio sung ceu a ŽeemŽawn ti nan tiah lo maw? Icatile Daan a tiah tupawl hemah ka ang. 2 Cuticun pumah a ngei tu numi pakhat cu a pumah a nun sung hmawh ceu Daan ni a pumah hemah a ŽeemŽawn; a pumah a thih zong ahcun pumah rum pehtlaitiami Daan in a luat. 3 Curuangah, a pumah a nun lio ah pami pace rum an omkhat ahcun pariim nu tiih kawh a i thok hekhawh. A pumah a thih zong ahcun acui daan cun a luat, culeh pami pace a pumah hman ah pariim a i lo. 4 Acumang cun, ulenauhngai, nangmi cu mipace ih ta an ik khawhnak dingah Khrih ih ruangpun thawngin Daan hemah cun nan thi rom, amah cu Pathian ca-ih vuang kan vuan khawhnak dingah mithi hemin thawhsak rom mi a ii. 5 Thilesa in kan nun tak lio ah cun Daan ni a sualmi kan hiarnakpawl cu a coktho hngai ih kan tiksaŽhenpawl sungah thihnak vuang dingin rian an Žuan. 6 Ihmansela atu ahcun Daan in thlahphoih kan ii ih, sal ah a man tlaitaangtu hemah cun mithi kan ii, curuangah nganmi phungphai hlun tangah iloin Thlarau ih nunnak thar ah salpawl kan ii.

7 A ik ah itu sim rih lei ung maw? Daan cu sualnak a ii tiin maw? Naisai hlah ee! A i nakauin, Daan ruangah i hlah sela cu sual hi tiah hlah hngen tur ing. Daan ni, “Mi ih thil na nah thok lo,” tiah ti ta hlah sela cu mi ih thil nah cu itu a ik tiah ta hlah hngen tur ing. 8 Ihmansela sualnak ni thupiak khi caanŽha ah pontia in, ka sungah mi ih thil hei nahnak a phun zate a suahsak. Daan omloin cu sual hi a thi kau. 9 Voikhat lio ah cun Daan omloin ka nungcang ta, thupiak a phat tikah zong cu sual cu nunsakŽhan a ii, 10 cun kei ka thi ih nunnak mitiamtu thupiak rori cu ka caah thihnak a ik zia a lang. 11 Icatile sualnak ni thupiak cu caanŽha ah pontia in ama deu ih acu hmangin ama that. 12 Curuangah Daan cu a thianghlim kau, cun thupiak cu a thianghlim, a dinghman, cun a Žha. 13 A ikle a Žhami cu ni maw ka caah thihnak a phatpi? Naisai hlah ee! Sualnak cu sualnak tiih a lan nak dingah leh thupiak thawngin tahkhawhlo tiang a sualmi ih a cannak dingah thilŽha thawngin ka sungih thihnak a Žuantu cu sualnak a ita.

14 Icatile Daan cu thlaraula thil a ii ti kan tiah; kei zong cu thisala mi, sualnak tangih sal iknak ah zorhmi ka ii. 15 Kamah ih thiltipawl khaw ka tiahthiam lo. Icatile ka ti dawtmi ka ti lo, ka huat mi thil rori la ka ti. 16 Ka dawt lomi ka ti Žung ahcun, Daan cu a Žha ti ka na a tla. 17 Ihmansela a ngaingai ah a titu cu kei ka i ti lo, ka sungih ommi sualnak tu a ii. 18 Icatile ka sungah a Žhami ituhman a om lo ti ka tiah, a cucu ka tiksa sungah adingmi vuak dawtnak cu ka ngei kau, a inain acucu ka ti kho lo. 19 Icatile ka dawtmi thilŽha cu ti loin, ka dawt lomi thilsia tu ka ti. 20 Ka dawt lomi ka ti Žung ahcun a titu cu kei ka i ti lo, ka sungih a ommi sualnak tu a ii. 21 Curuangah thilŽha ka vuak dawt tikah thilsia cu bansam ah a om ti hi daan ii in ka hmuh ngah. 22 Icatile ka sungtatleng ih iknak ni cu Pathian ih Daan ah a tha a nuam kau, 23 ihmansela ka tiksaŽhenpawl sungah ka ruahnak ih daan rum ral a dotiami, ka tiksaŽhenpawl sungih a ommi sualnak ih daan ah saltaang ama cansaktu daan pace ka hmu. 24 Mi thinhar ka i ngaite hi maw! Ahi thihnak ruangpun hin ahu hi lei a ma rung thok tu? 25 Jesuh Khrih kan Bawipa thawngin Pathian cu lom i kau seh! Cutiin a ik tikah ka ruahnak rum cu Pathian ih daan ah sal ka ii, ka tiksa rum tu cu sualnak ih daan ah sal ka ii.