4
1 A ik le, thisala ih kan puhram Abraham ih hmuhtuahmi thu ah teh itu ang ti lei ung maw?
2 Icatile Abraham cu thilti ruangih midingfel ah siah a ik ahcun, Pathian hemah zong cu iloin, zumtiak awk pakhatkhat a ngei thok hekhawh.
3 Lai Thianghlim ni itu a sim? “Abraham ni Pathian a zumih acucu amah caah dingfelnak ih relpiak a ii.”Ref 4:3 Seem(Gen)15:6
4 Rian a Žuantu caah cun hlawhman cu Žhentlawi ah iloin batmi tu ah ruah a ii.
5 Ihmansela, rianŽuan telloin, Pathian irellotu midingfel ih a siatu khi a rinsan tu ih zumnak cu dingfelnak ah relpiak a ii.
6 Curuangah David ni khaw thiltinak telloin Pathian ni dingfelnak ah a relpiak hngai mi le ih thluasuahnak thu:
7 “An Žhat lonakpawl ngaidam
a i mipawl leh,
an sualnakpawl khumpiak a i
mipawl cu mithluasuak an ii;
8 Bawipa ni a sualnak cu
sual ah a relpiak lo mi cu
mi thluasuak a ii,”Ref 4:7-8 Saam 32:1-3
tiah a sim.
9 A ikle hi thluasuahnak hi phawzimŽhawhmi parah ceu maw, iklole phawzimŽhawh lomi parah khaw than a ik? “Zumnak cu Abraham hemah cun dingfelnak mangin relpiak a ii,” kan ti hekhawh.
10 Khawti in a i hmen relpiak a ik taak? PhawzimŽhawh a ik hnukah maw, hlanah a ita? PhawzimŽhawh a ik hnukah iloin, a ik hlan tu ah a ita.
11 Phawzim Žhawhlo a ik rih lio ah a ii phawzimŽhawh hmuhsaknak cu zumnak thawngin a ngahmi dingfelnak minhlinnak ah a co. Tumtahmi cu: amah cu phawzimŽhawh loin a zumtu hmawhhmawh leh cuticun an caah dingfelnak tiin relpiak a i mipawl ih an puhram,
12 cun acumangin phawzimŽhawhmi ik ceu iloin kan puhram Abraham phawzimŽhawh a ik hlanih a ngeih takmi zumnak zohŽhimawk khaw a zul tupawl ih puhram ah vuak ding ti a ii.
13 Icatile vuleipi hi ro ah a co thok timi thutiam hi Abraham hemah iseh, iklole a hrinsarpawl hemah iseh, Daan thawngin iloin zumnak ih dingfelnak thawngin a pha ta.
14 Daan a zultule hi ro a co thok tupawl an ik ahcun, zumnak cu phiat a ii ih thutiam cu hoitlawi a ii.
15 Icatile Daan ni Pathian thinsiatnak a suahsak; Daan om lonak ah zong cu daan-buarnak timi a om ve ce lo.
16 Ahi thu ruangah, thutiam cu zumnak thawngin a pha. Acucu velngeihnak parih a Žhumtiak nak ding leh, Abraham ih hrinsar zate, Daan zul tupawl ceu iloin Abraham ih zumnak a Žom tupawl hemah khaw a fiang nak dingah a ii, (icatile amah cu,
17 “Miphun tlungpi ih pa ah ka tan vua rom,” tiih nganmi mangin kan zate ih pa a ii.) Amah cu mithi nunnak piatu leh a om lomi thilpawl omsaktu Pathian a zumtu a ii.
18 Ruahsanawk omlo lio ah a ruahsan, “Na tusintiale cu an tam tuk ngaite thok,” tiih sim tak mangin “miphun tlungpi ih pa” a cang leh thok ti a zum.
19 A thi khi a i kau mi a ruangpun a ruah tikah iseh, (icatile kum za khat a kim vel thok,) Sarah ih sul a cinnak thu a ruah tikah iseh, zumnak ah a ŽawnŽai tiadeuh cuang lo.
20 Pathian thutiam rum pehtlaitia in zum lonak ngeiin a nawnsawn lo, a zumnak tu ah a dikdeuh ih Pathian a sunparsak.
21 Pathian ni a tiam rommi cu a vua zo kau ti a lung a fiang ngah.
22 Curuangah a zumnak cu a caah “dingfelnak ah relpiak a ii.”
23 Hi laitapawl “a caah relpiak a ii,” timi hi amah caah ceu nganmi an i lo,
24 kanmah caah khaw a i ve. Jesuh kan Bawipa mithi hemin a thawhsaktu Pathian a zumtu kanmah caah kan zumnak cu dingfelnak ah relpiak a i thok.
25 Amah cu kan daanbuar sualnakpawl caah thi dingah ap a ii ih, midingfel ih rel kan iknak dingah thawhsak a ii.