7
Nuriimpariim ih Mileem Hmaanlo
1 Ka tia, ka aanpawl hi
zul hngai la,
cun ka thupiakpawl hi
na hemah kinkhawi hngai;
2 Ka thupiakpawl
zul hngai la nung,
ka thuzirhpawl hi
na mit ngeute mangin
kilkhawi hngai;
3 na kutŽengpawl parah
Žawn hngai la,
na thinlung tleep parah
ngan hngai.
4 Tinnak hemah,
“Nang cu ka tarnu na ii,”
tiah ti la,
cun hmuhkhawhnak cu
sungta rualpi tiin ko,
5 cuticun numi zuangzam
hemin, pariim leh
a kanaalnak hemin,
6 Icatile ka inn sangkate
awng in khua ka zo ih,
7 ruahnaktlawm mipawl
lakah,
minorual lakah khin,
ruahnak ngei lomi
mino pakhat,
8 acu nu ih innkil hrial
lam tluan a zul ih
a cu nu ih inn lam
laah cun
9 simlari, unau hmelpalh,
zan leh khuamaw lakah
10 Cutikah numi pakhat ni
a pha,
numizuartia mangin
a thuamtia,
a thinlung cu a hrokhrawl.
11 Mi aandak leh
milungruh a ii;
a ke cu inn a hluum lo;
12 atute zalam ah, atute
dawrhmun leh
lamŽeek cangah mi a bawh.
13 Tlangval pa cu
a tlai la ih a hnam,
ningzaklo ngai in
a hemah;
14 “Raihri thok ka ii,
nihin ni hi ka thukhaam
ka kimsak rom;
15 curuangah atu hi
tan tuak dingah,
lakhlahngai in tan hrawl
dingah ka vasuak,
culeh ka tan hmu rom!
16 Ka ihkhun cu ihthah mawi
ka thaap ih,
Izipt ram ih sianglaraang
vo in tah-mi puan in
ka khum rom;
17 Ka ihkhun cu myrrh,
aloes leh sinnamon
rimhmuipawl ka
hmuisak rom.
18 Ma pha la, mawla tiang
diriam te in daw tia le he;
dawtnak rum nuamtia le he.
19 Icatile ka pumah cu
inn ah a om lo,
khual lam hla pi
a tlawn rom.
20 Tangka dip khat a la ta;
thlaŽhim hlanah cun
inn ah a tlung thok lo,”
21 mileem thiam ngai ih
thu a sim nak in a leem;
a aan naal in a hneek ngah.
22 thahnak hmun ih tatmi
cawpetuum mangin,
nengtuum cu a thinhnakhar
23 thal ni a sun ngah tiang,
a awktu thang sungih
a luh mangin,
thang a namhnawhtu
vate mangin, acunu cu
a zulla vohvi,
a nunnak sungnak
24 Atuhi, tiale hngai,
ma ngai uh,
ka kaa ih aanmi pawl hi
Žhate in ngai uh.
25 nan thinlung acu nu ih
lam laah hoi sak hlah uh;
a lampawl laah
pial hlah uh.
26 Icatile tang a nausak
hngaimi mi le cu
mi tlungpi an ii,
cun a tuarsakmi le cu
mi tlungpi an ii.
27 A inn cu Mithikhua la
tahnak lam a ii,
thihnak khaanpawl la ih
a zong tat mi a ii.