6
Nunpi dingih Torhnakpawl
1 Ka tia, na innkiang caah
thu na kamtia,
khual caah thukam in
na ŽeemŽawn tia ih,
2 na hmur ih hei aanmi ni
thang tan tunin,
na kaa ih aanmipawl ni
a tan awk na ik ahcun,
3 ka tia, hihi tila,
namah leh namah rung tia,
icatile na innkiang ih
huham sung ah na lut rom:
tat vakvak la,
na innkiang cu naktiah dil.
4 Met suak ih mit
cungtangkhom leh
met sentia hlah.
5 Hmuksu kut in sakhi
a luat mangin,
vate thangtuntu kut in
vate a luat mangin,
6 Nang miphen,
hngerte hemah tat,
a thiltidanpawl cu
ruat hngai la,
ting lei ci.
7 Bawitleng iseh, upa iseh,
uktu iseh,
pakhat hman ngeiloin,
8 Žhalkhuk ah caw
a tuahtimih,
thlaikhawm caan ah
a caw awk dingmi
a khawm hngai.
9 Maw nang miphen,
ihlet theih ilei maw
na zau?
Khawcangah hilei maw
na metnak in na thawh?
10 Me duau kau, metsuakin
cu duau kau,
11 culeh farahnak ni
rokhmang mangin,
cun sambaunak ni
siihaar in athuamtiami
raldohthiam mangin,
12 Misiava leh miŽhalo cu
aan kerkawi rum
a vak lianglo,
13 a mit mi a Žheh,
a ke a phau,
kutzung in mi a sawh,
14 thinlung rawk rum
Žhat lonak khua a khang,
rem lonak thlaici
a vorh ringring.
15 Acumang mi parah cun
harsatnak ni a tlun
lohli thok;
caan tawite sungah cun
remkhawh tiloin
16 Bawipa ni a huatmi thil paruk,
a ningtirhmi thil pasarih cu:
17 a zumtiami mit,
thulopuahrau lei,
cun sualnakngei lomi
thisansuahtu kutpawl,
18 ahrokhrawlmi khuakhang
a pol hngai tu thinlung,
Žhat lonak laah caaltia in
a zuang tu ke,
19 thulopuah in asualpi in
thu a dinpitu leh,
unauza lakih rem lonak
20 Ka tia, na pa ih
thupiakpawl zul hngai la,
cun na nu ih zirhnakpawl
mata hngai hlah.
21 Na thinlung ah
Žeem hngai ringring la;
na hngawng ah orhtia hngai.
22 Na vah tikah an tan pita thok;
na met tikah an tan kil thok;
cun na Žhantiak tikah thu
an tan thluk thok.
23 Icatile thu piak cu
mei inn a ii ih,
zirhnak cu tleunak a ii,
cun simhringih
nunsimpawl cu
nunnak lampi an ii,
24 mi nupi a ‘numiŽhalo’ tican hemin,
pariimnu ih a naalmi lei hemin,
tan kilkhawi dingah an ii.
25 Na thinlung sungah
a mawinak cu hiar pang hlah,
cun a mithmul pawl ni
tan pontia hlah seh;
26 icatile numizuartia ih
man cu sang hlom khat
ceu a ii,
mipace ih nupi zong cu
mi pakhat ih nunnak rori
a peel.
27 Partlai mi kaang lote in
Žangah mei cawitiak
khawh i na im?
28 Iklole ke mi kaang lote in
mei ril sa parah
vak tia kho na im?
29 A innkiang ih nupi rum
a mekhat tu cu
acumang cu a ii;
amah a tongtham tu cu
dantat tuarloin
an luat thok lo
30 Mitirpawl cu
an ŽaŽhit tikih
an dangduh diriam ding
fang ceu an ruk ahcun
nautat an i lo.
31 Ihmansela pon
an ik ahcun
a letsarih an kuan thok;
an innsang ih ngeihsiah
zate an sung thok.
32 Ihmansela nuriim sual
vua tu cu ruahnak
a ngei lo;
acu a ti tu cu
amah leh amah
a siatsuah tia.
33 Mabaih leh upat lo
a hlawh thok,
cun a mualphonak cu
phiat a i thok lo.
34 Icatile haalnak ni a pumah
thinkannak a thawhsak,
culeh mi a lehrulh tikah
a suptia thiam ti lo.
35 Itu ih kuan hmanah
a cosang lo,
cun itluk a nasami
luhlawnnak hman ni
a thin a daihsak kholo.