8
Tinnak ih Laksawngpawl
1 Tinnak ni mi a ko lo maw?
cun tiahthiamnak cu
a kuirak a ilo maw?
2 A saannakpawl ah,
lamhrial ah,
lampawl tumtiaknak ah
a diing;
3 khuapi luhnak kotkapawl
hrial ah,
a luhnak zawn ah a au ih,
4 “Maw mipawl, nanmah
ka tan ko hngai,
cun ka au hi a nungmi
nan zate hemah a ii.
5 Maw ruahnaktlawm lehngai,
ruahciathiamnak zir uh;
ruahkhawhnak ngah zuam uh,
nangmi acu a sambau lehngai,
6 Ngaihnik uh, icatile
aruathaimi thilpawl
ka ang hngai thok,
cun ka hmur in a hmaanmi
a suak thok;
7 ka kaa ni thuhmaan
a ang thok,
hrot-lawhnak cu ka hmur
caah ningtirhŽha a ii.
8 Ka kaa in a suakmi
aan hmawhhmawh cu
an ding;
an sungah merhkawimi,
iklole a kerkawimi
ituhman a om lo
9 A tiahthiam tu caah cun
an tluang hluahhlo ih
thutiahnak a hmuhngah
tule caah cun an hman.
10 Ka thuzirhmi hi
ngun vanin ril sawn uh la,
sui vanin thutiahnak hi
ril sawn uh;
11 icatile tinnak cu
lungvarpawl vanin
a Žhasawn,
cun na dawthiarmi zate hi
amah rum Žhimkhawh
an ilo.
12 Kei, tinnak cu
ruahciathiamnak rum
hmunkhatah kan om,
cun thutiahnak leh
tinzikziknak ka ngah hngai.
13 Bawipa Žihzah cu
Žhat lonak huat hi a ii.
Zumtiak, hnarpuar leh
Žhat lonak lam leh
aan kawinget cu ka hua hngai.
14 Kei cu ruahnak Žha
mi piak awk leh
ahmaanmi tinnak ka ngei;
hmuhkhawhnak ka ngei,
thazaang ka ngei.
15 Kamah thawngin
siangpahrangpawl ni mi an uk,
cun uktupawl ni adingmi
thupiak an suah;
16 kamah thawngin uktupawl,
mi phun-u an zate ni
dingte in mi an uk.
17 Ama daw tupawl cu
ka daw hngai,
cun cemmeh ih ama hrawl
tule ni cu
ama hmuhngah hngai.
18 Ka hemah lennakpawl
leh upatnak,
hla anguhmi lenŽhatnak leh
ngeihnunnak an om.
19 ka vuang cu sui vanin
a Žhasawn,
sui Žhatleng van hman
a Žhasawn,
ngun ril tiak vanin
a Žhasawn.
20 Dingnak lam ah,
thulairelnak lam tluan ah
ka vak,
21 ama daw tupawl cu
lenŽhatnak ka pia hngai,
cun an bukphalpawl
khatkau ka vua hngai.
Seemsuahnak ah Tinnak Telvenak
22 Bawipa a rian hramthawh,
hlanlio pi a thiltipawl
a peitatleng ah ama vua.
23 Khuahlanpi, vulei
hramthawh hlan,
a peitatleng ah omsak ka ii.
24 A thuknakpawl an omlo lio,
tii tamliangluangmi cirhpawl
an om lo lio ah
hei suahsak ka ii.
25 Tlangpawl zing an ik hlan,
mualpawl hlanah –
26 vulei leh lorampawl
a vuak hngai hlan,
iklole vuleipi ih khur tinte
peitatleng a vuak hlanah
hei suahsak ka ii.
27 Vanpawl a vuak hngai ah,
acunangah kei ka om,
tipithuanthum parih
riit-hlom a rit ahkhin,
28 cungla ih vanpawl
a Žhosak hngai ahkhin,
tipithuanthum hnapawl
a vuak hngai lio ahkhin,
29 tiipawl ni a thupiak
an buar lonak ding
ri a teek ahkhin,
vulei ih hrambinnakpawl
a minhlin hngai ahkhin,
acunangah kei ka om.
30 Aculioah kei cu rianŽuan
thiamngai dinhmun in
a hrialah ka om;
culeh nicangin amah ih
lunghmuinak ka i ta;
a hmaika ahcun ka lung
a awi ringring ih
31 omnakmi vuleipi parah
lungawiin leh minungpawl
32 Atu, ka tiale hngai,
ma ngai hnik uh,
ka thiltidanpawl a zultule cu
mithluasuak an ii.
33 Zirhnak hi ngai uh la ting uh,
cun thlauthla hlah uh.
34 Ka thu a ngai tu,
ka kotkapawl ah nicang
a zoh langlang tu,
ka sangkapawl hrialih
a hngak ringring tu cu
mithluasuak a ii.
35 Icatile ama hmuhngah
tupoh ni nunnak
a hmuh ngah,
cunBawipa hemin mithmaiŽha
a co;
36 ama tlolh tupawl zong cu
anmah leh anmah
an tuahmawh tia;
ama hua tu hmawhhmawh ni
thihnak an daw.