9
1 Culeh lawng pakhat sungih a luh hnukah rili tanin amah ih khua Kapernaum laah a pha.
(Mar 2:1-17; Luk 5:17-26)
2 Acu hnuk fangah mi hrekkhat ni mizeng pakhat a tangthah parih memi cu an zawntia. Jesuh ni an zumnak a hmuh tikah mizengpa cu, “Tiapa, na thinnuam kau; na sualnakpawl ngaidam an ii,” tiah a ti.
3 Cutikah daanzirhtule hrekkhat ni anmah leh anmah, “Hi pa hi Pathian a thangsiat,” tiah an titia.
4 Ihmansela Jesuh ni an ruahmi tiahthiamin, “Icaah nan thin sungah thilsia nan ruat?
5 ‘Na sualnakpawl ngaidam an ii,’ ti maw, ‘Hang ding la vak,’ ti aan thok khawmang baisawn hmen?
6 A inain Mi Tiapa ni vulei parah sual ngaidam khawhnak thu a ngei ti nan tiahnak dingah” tiin mizengpa cu, “Hang ding, na tangthah la in na inn ah Žiin,” tiah a ti
7 Culeh a hang dingih a inn ah a Žiin.
8 Mibuurpawl ni acucu an hmuh tikah Žihzahnak leh upatnak rum an khat, culeh minungpawl hemih a cumang thungeihnak a piatu Pathian cu an thangŽhat.
(Mar 2:13-17; Luk 5:27-32)
9 Jesuh ni a vah thah ah Matthai timi pa cu ngunkhuai zung ah toin a hmu ih, “Ma zul,” tiah a ti. Culeh a tho ih a zul.
10 Inn sungih zanriah a um lio ah siahkhuanpawl leh misualpawl tlungpi pha in Jesuh leh a kaizulle rum caw an uum khat.
11 Acucu Farisi-le ni an hmuh tikah a kaizulle cu, “Icaah nan zirhtupa cu siahkhuanpawl leh misualpawl rum caw an aw khat?” tiah an ti.
12 Ihmansela Jesuh ni acucu a zak tikah, “Adamsam mipawl ni sibawi an Žulnak a om lo pi, a tiak mipawl zong ni Žul-a uh e tiah.
13 Tat uh la, ‘Raihriktiak iloin naktiahnak ka daw,’ timi ih sullam va zir uh. Icatile miding iloin misualpawl ko hngai dingah ka pha,” tiah a ti.
(Mar 2:18-22; Luk 5:33-39)
14 Cuhnukah Johan ih kaizulle cu Jesuh hemah pha in, “Icaah keimi leh Farisi-le hmawh caw kan ul bil nain na kaizulle hmawh an ul lo?” tiah an ti.
15 Culeh Jesuh ni, “Nupitu an hemih a om sung poh cu tuartiaknak zarzawhtule caw an ul thiam thok ah maw? Nupitu an hemin hruaitak mianmi a ik nii pha leh lei khawh cutikah ul leh lei uh.
16 Ahuhman ni partlai hlun cu puanthaan thar in an bel lo, icatile a belnak ni a rin ih a tleknak a rauh hlehhlo.
17 Sabit ti hriim khaw saphawthawl hlun sungah thun a i lo; thun ahcun saphaw a cat, cun sabit a zun, culeh saphawthawl khaw an rawk; a inain sabit hriim cu saphawthawl thar sungah thun a ii, culeh an pahnih an him,” tiah a ti.
(Mar 5:21-43; Luk 8:40-56)
18 Hi thupawl a sim hngai lio ah sinakok uktu pa a pha lohli ih Jesuh hmala ah a khukbilin, “Ka tianu tutuate ah ama thita; a inain man pha hramin a parah na kut suang la cu a nung kau thok,” tiah a ti.
19 Culeh Jesuh cu a tho ih a kaizulle rum acu pa cu an zul.
20 Cutikah kum hleihnih sung thisuak a tuartu nu cu Jesuh dungla ah pha lohliin, a angkithuahtual zim cu a tham.
21 Icatile amah leh amah, “A angkitual tal ka tham ahcun damsak ka i kau thok,” tiah a ti tia.
22 Jesuh cu a mertia ih acu nu a hmuh tikah, “Tianu, na thinnuam kau; na zumnak ni a tan damsak rom,” tiah a ti. Culeh acu caangte minu cu damsak a ii.
23 Jesuh cu hruaitu pa ih inn a pha ih tilawvau tumtupawl leh mibuur cu buaicincen a hmuh hngai tikah,
24 “Suak tia uh; icatile tepangnu hi a thi lehe lo, a me kovawh,” tiah a ti hngai. Culeh an nihsan.
25 Ihmansela mibuur cu pawnla ah an suahsak tikah Jesuh cu inn sungah lutin tepangnu cu a kut a zon tlaiih tepangnu cu a hang tho.
26 Culeh ahi thu an thanmi ni cui ram hmawh cu a hlawh.
27 Jesuh cu acunang in a vah peh lio ah mitcawle pahnih ni zulin, “Kan parah veel ngei hram, David Tiapa aw,” tiah an au riangro.
28 Inn sung a luh tikah mitcawle ni an pha; culeh Jesuh ni, “Ahi hi ka ti khawh nan zum maw?” tiah a ti hngai. “Zum ee, Bawipa,” tiah an sawn.
29 Cutikah an mit tham hngai in, “Nan zumnak mangin nan parah vuak i kau seh,” tiah a ti.
30 Culeh an mit cu a vaang. Cutikah Jesuh ni ngekngeihin, “Hi thu hi ahuhman tiahsak hrimhrim hlah uh la,” tiah a kaa hngai.
31 Ihmansela an tat mianmi ih acui ram hmawh hlawhin amah ih thu cu an thanzaih.
32 Acule an tah hnukah, khawsia hrolhtiakmi, angthiamlo pa cu Jesuh hem an phatpi.
33 Khawsia Žhawl a ik hnukah angthiamlo pa cu a ang; culeh mibuurpawl cu an donharin, “Israel ram sungah hi mang thil hi hmuh i thah hlah ee,” tiah an ti.
34 Ihmansela Farisi-le ni cu, “Khawsia uktu ih huham in khawsiale a Žhawl hngai kau cu!” tiah an ti.
(Luk 10:2-3)
35 Cuhnukah Jesuh cu khuapi leh khuate pal hngai in, an sinakokpawl ah thu a zirh, vancung uknak thu a sim, cun tiahhrin zongza leh dam lonak zongza a damsak hngai.
36 Mibuurpawl a hmuh hngai tikah, khaaltu ngeilo turual mang thinnau leh bawntungeilo an ik ruangah an parah phusahihnak a ngei.
37 Cutikah a kaizulle cu, “Thlaikhawm ding cu a tampi, a inain a Žuantu cu an tlawmte;
38 curuangah thlaikhawmawk ngeitu Bawipa hemah Žuantupawl a thlaikhawmnak ah thlah hngai dingin dil uh,” tiah a ti hngai.