8
(Mar 1:40-45; Luk 5:12-16)
1 Jesuh cu tlang par in a zong Žum tikah mibuur pipi ni an zul.
2 Culeh miphar pakhat cu Jesuh hemah a pha ih a hmalaah khukbilin, “Bawipa, na dawt ahcun ama thiansak kho,” tiah a ti.
3 Jesuh ni a za thlakin a thamih, “Daw ee, thiang vel law,” tiah a ti. Avoikhatah a phar cu thiansak a ii.
4 Cutikah Jesuh ni, “Ahukhaw itu hman sim hngai hrimhrim hlah law; a inain tatin tlangbawi hemah hmuhtia, cun na dam ti anmah hemih lansaknak ah, Moses ih thupiak mangin rai hritia,” tiah a ti.
(Luk 7:1-10)
5 Kapernaum khua ah a luh tikah, ralkapzabawi ni a pha ih naktiah dilin,
6 “Bawipa, inn ah ka hemom a ruang zengin a lum, a tuar a har ngai,” tiah a ti.
7 Culeh Jesuh ni, “Tatin ka damsak lei cu,” tiah a ti.
8 Ralkapzabawi ni, “Bawipa, ka luangpi tangih tan luhsak dingah ka tlak lo; thu ceu pia hruak la, ka hemom cu a dam kau thok.
9 Icatile kamah khaw thungeihnak tangih ommi pakhat ka ii, ka kut tangah ralkappawl an om; culeh pakhat hemah, ‘Tat’ ka ti ih a tat, cun a pace hemah, ‘Ma pha’ ka ti ih a ma pha. Ka sal cu, ‘Hihi vua’ ti ing khawh a vua kau,” tiah a ti.
10 Jesuh ni a zak tikah a donharin a dungzulle cu, “Thungai in ka tan sim hngai, Israelmi ahu pakhat hem hman ah himang zumnak hi tuak hlah ing ee.
11 Ka tan sim hngai, mi tlungpi cu nisuahnak leh nilawhnak in pha lei uh khawh, Abraham, Isaak leh Jakob rum vancung uknak sungah caw an aw khat leh thok,
12 a inain vancung uknak rocotule tu cu Žahnak le hacang rialnak thok hmun pawnla khuamaw lakah zam an i thok,” tiah a ti hngai.
13 Culeh ralkapzabawi cu, “Tat kau; na zumnak mangin vuak piak i kau seh,” tiah a ti. Ralkapzabawi ih hemom cu a cui caan fang ahcun a dam.
(Mar 1:29-34; Luk 4:38-41)
14 Jesuh cu Piter ih inn ah a luh tikah Piter ih nupi ih nu cu tiksa sa in a lum;
15 Jesuh ni a kut a tham, culeh a tiksa sa ni a thlah ih hang thoin Jesuh cu awkdin a hang zalh.
16 Acu siimla ah khawsia hrolhtiakmi tlungpi a hem an phatpi ih, a aan kaakhat in khawsiale cu a Žhawl hngai, cun mitiak zate a damsak hngai.
17 Ahihi profet Isaiah hemin aantakmi, “Kan herhtamnakpawl a la hngai ih kan tiahherhpawl a phur hngai,” ti khi kimsak dingah a ii.
(Luk 9:57-62)
18 Jesuh ni a velkim ih mibuur pipi a hmuh hngai tikah khat la ral ah tat dingin thu a pia hngai.
19 Daanzirhtu pakhat ni panin, “Zirhtupa, na tah nakpohah ka tan zul thok,” tiah a ti.
20 Culeh Jesuh ni, “Sasepawl cu kua an ngei, cun vapawl ni bu an ngei; a inain Mi Tiapa cu khawnang hman ah lulumnak a ngeihtia lo,” tiah a ti.
21 A dungzul pace pakhat ni, “Bawipa, tatin ka pa vui peita rih lang,” tiah a ti.
22 Ihmansela Jesuh ni, “Ma zul kau, mithi ni anmah ih mithi cu vui uh seh,” tiah a ti.
(Mar 4:35-41; Luk 8:22-25)
23 Culeh lawng sungih a luh tikah a kaizulle ni an zul.
24 Rili parah huihsia a tho, a rauh tuk ruangah lawng cu tilet ni an khah; ihmansela Jesuh cu a me kau.
25 Culeh an tat ih amah Žhangin, “Bawipa, man rung tu hmen! Kan thi remro thok hi!” tiah an ti.
26 Jesuh ni, “Icaah nan hrul, nangmi zumnak tlawm le hngai?” tiah a ti hngai. Cuhnukah a tho ih huih leh tilet cu a hring hngai; culeh izongza daiŽhipŽhepin an om.
27 An don a harih, “Hi pa hi itu mang minung a i zetzo, huih le tilet hman ni a thu an ngaih hi?” tiah an ti tia.
(Mar 5:1-20; Luk 8:26-39)
28 Gadarin-mipawlnote 8:28 Gergesene tina, Garasenes tina an ii. ih omnak ram, khat la ral a phat tikah, thlaan lak in a suakmi khawsia hrolhtiakmi pahnih ni an tuak la. ÒihŽha an ik tuk ruangah ahuhman ni acu hrial in an lonpah thiam lo.
29 Avoikhatah, “Pathian Tiapa, nang le keimi itu kan pehpontia? A caan zat hlanah harsat man pia dingah maw hinang na phat?” tiah an au.
30 An hemin hla nawn ah vokrual pi an bual.
31 Khawsiale ni, “Man Žhawl taw ci ah vokrual sung ah man thlah maw,” tiah an dil ciamco.
32 Culeh, “Tat uh la he,” tiah a ti hngai. Curuangah suakin vokrual sungah an lut; culeh avoikhatah vokrual zate cu kiilkam sangpi in rili sungah an peetih ti sungah an thi remro.
33 Vokkhalle cu an zuangih, khuasung an luhthah ah khawsia hrolhtiakmi le parih thilcangmi thuhla hmawhhmawh cu an sim.
34 Khuapawh in Jesuh tuak dingah an suak; culeh an hmuh tikah an ram mata dingin an dil ciamco.