5
1 Jesuh ni miburpawl a hmuh hngai tikah tlang parah a hang kai; culeh a to hnukah a kaizulle ni an pha.
2 Cutikah anmah zirh hngai hram a thawh:
(Luk 6:20-26)
3 “Thlaraula ih mi sambau ik
a tiahtia tule cu
mithluasuak an ii;
icatile vancung uknak cu
anmah ih ta a ii.
4 “Lungzur ngaihsia tule cu
mithluasuak an ii;
icatile hnem an i thok.
5 “Thinnemmi cu
mithluasuak an ii;
icatile vulei hi ro ah
an co thok.
6 “Dingfelnak a duh ih
a haal tule cu
mithluasuak an ii;
icatile an khim a khop tican; khop cu angki ah ceu hman thok. leh thok.
7 “Naktiahthiammi cu
mithluasuak an ii;
icatile naktiahnak
an co ve thok.
8 “Thinlung a thiangmi cu
mithluasuak an ii;
icatile Pathian an hmu thok.
9 “Remdaihsaktule cu
mithluasuak an ii;
icatile Pathian ih tiale
tiih kawh an i thok.
10 “Dingfelnak ca-ih hremtuar
tule cu mithluasuak an ii;
icatile vancung uknak cu
anmah ih ta a ii.
11 “Kamah ruangah mi ni
tan zezawt in, an tan hrem leh
a sual pipi in thil Žhalo
phunphun an tan puh tikah
mithluasuak nan ii.
12 “Lungawiin thanuam uh,
icatile vancung ah
nan ngahvo a hnem;
nan, hlanih profetpawl khaw
acumang cun an hremta.
(Mar 9:50; Luk 14:34-35)
13 “Nangmi cu vulei ih cite nan ii; a inain cite cu a alnak ziam taw ah a alnak cu khawti in omsakŽhan a i thok? Itu caah khaw a Žha ti lo, zamin ke tangih teih a ii.
14 “Nangmi cu vuleipi caah tleunak nan ii. Tlang parih tohmi khua cu thuh thiam a i lo.
15 Ahuhman ni meiinn tlet hnukah cukong tangah an sia lo, a tletnak donsang parah an sia, culeh innsung zate a tlet.
16 Acu mangin, nan tleunak cu mipawl hmaiah tlaang seh, cuticun a Žha nan Žuanmipawl hmuin vancung ih nan Pa an sunloih thok.
17 “Daan leh profetpawl phiat hngai dingah pha in ma ruat hlah uh; phiat dingah iloin kimsak dingah ka pha.
18 Icatile thungai in ka tan sim hngai, van leh vulei an hmat remro hmanah cui daan sungih laitangsar taakhat, a dun a riit tiintleng hman, a zate a kimngah hlan ahcun a hma remro thok lo.
19 Curuangah, hi thupiakpawl lakih a tenautleng pakhat a phiat tupoh, cun mipacepawl khaw acumangin ti ve dingah a zirh tu cu vancung uknak sungah mi tenautleng tiih kawh a i thok; a zul hngai tupoh leh mi a zirh hngai tu cu vancung uknak sungah mi pipa tiih kawh a i thok.
20 Icatile ka tan sim hngai, nan dingfelnak ni daanzirhtupawl leh Farisi-le ih dingfelnak a hleih lo ahcun vancung uknak sung ah nan lut dah thok lo.
(Luk 12:57-59)
21 “Hlanlio mipawl hemah, ‘Lainawng hlah, note 5:21 Mi thah vanin a ngek sawn. lai a nawng tupoh cu sualthuŽhen a tuak thok’ tiih simmi nan za rom.
22 A inain kei ni cu na ulenau parih na thinsiat ahcun sualthuŽhen na tuak thok tiin ka tan sim hngai. Cun na unau pakhat na nautat ahcun tlangtung note 5:22 Thureltu upa hemih phatpi, tayacuai tinak a ii. tlak na ii. Cun, “Nang santlailo,” na ti ahcun hell mei na tuar thok.
23 Curuangah pakawh ih hlut ding thilhlu na ken tikah, na unau na parih lungkimlo om na tiah ringring ahcun,
24 na thilhlu cu pakawhnote 5:24 Raihriknak ca-ih thing maw, lung maw donmi. hmala ah mata lei ci khawh na unau rum remdun peita uh, cuhnukah kirin na thilhlu ding cu pia.
25 Tlang a tan tungtu mi pakhat cu amah rum thuŽhennak zung nan phat hlanah thu daihsak lohli; culo cu a tan tungtu ni thuŽhentu hemah tan apin, thuŽhentu ni palik hemah a tan ap thok, cun thawng ah thlak na i thok.
26 Thungai in ka tan sim, na tangka kuan dingmi dengin na piak ngah hlansung na suah ngah dah thok lo.
27 “‘Nuriimpariim sualnak vua hlah’ ti takmi khi nan za rom.
28 A inain kei ni cu numi pakhat hiamnak rum a zoh tu cu a thin sungah acu nu nuriimsualnak in a sualpi rom tiah ka tan ti hngai.
29 Na vorhla mit ni tan sualsak taw ah horhin zam mianmi; na tiksaŽhen pakhat sung cu na ruangpun himih hell sung thlak ik van na caah a Žhasawn.
30 Culeh na vorhla kut ni tan sualsak taw ah, Žhot la zam miammi; na tiksaŽhen pakhat sung cu na ruangpun himin hell ih tah van na caah a Žhasawn.
(Mat 19:9; Mar 10:11-12; Luk 16:18)
31 “‘Ahu khaw a nupi a ma tupoh, matnak lai pia seh’ ti a i ta.
32 A inain kei ni cu pariim sualnak ruang simlo ah nupi a ma tu ahukhaw a nupi pariim sual a vuak sak; cun matmi nu a pi tupoh nuriim sualnak a vua ve tiah ka tan ti hngai.
33 “Hlanlio mipawl hemah, ‘Asualpi in thukhaamtia hlah, Bawipa hemih na thukam tiakmi cu vua teuti’ tiah ti takmi khaw nan za ta rom.
34 A inain kei ni cu, Thukhaamtia hrimhrim hlah uh, vancung saalin khaw, icatile Pathian toŽhiang a ii,
35 iklole vulei saalin khaw, icatile a ke siahnak a ii. Jerusalem saalin khaw thukhaamtia hlah uh, icatile Siangpahrang pipa ih khualipi a ii.
36 Culeh nan lu saalin khaw thukhaamtia hlah uh, icatile nan sam taakhat hman nan raansak, nan nahsak zo lo.
37 Nan aan mi cu ‘A ii,’ iklole ‘A i lo,’ ti maw ii seh; ahi van hlei cu Khawsia hemin a suakmi a ii, tiah ka tan ti hngai.
(Luk 6:29-31)
38 “‘Mit can-ah mit, ha can-ah ha’ tiah ti takmi khi nan za rom.
39 A inain kei ni cu, MiŽhalo cu phulei sam hlah.note 5:39 ‘Phuleisam’ tihi ‘lehrul’ tiih hmang khaw kan om. A inain mi pakhatkhat ni na vorhla hngeisebel tan beeng taw ah khat la khaw tun;
40 cun mi pakhatkhat ni na angkipawnthuah lat dawt ah tan tung taw ah, na angkithuahtual khaw Žhen lawlaw;
41 cun uktu ralkap pakhatkhat ni peng khat thil phurh piak ding tan ceengkalh note 5:41 Ceengkalh ticu hramhram in, hnekih Žuansak khi a ii.taw ah, peng hnih phurh piak.
42 Na hemih a tan dil tupoh pia hngai, culeh na hemih cawi a dawtu pakhatkhat cu al hlah.
(Luk 6:27-28, 32-36)
43 “‘Na innkiang daw la na ral hua’ tiah ti takmi khi nan za rom.
44 A inain kei ni cu, Nan ralmi daw uh la an tan hremtule caah thlacam uh tiah ka tan ti hngai.
45 Cuticun, vancung nan Pa ih tiale nan i kho thok; icatile misia leh miŽha caah ni a tlaansak veve ih, midingfel leh midingfello caah sakhatin ruah a zuksak veve.
46 Icatile an tan dawtule ceu nan dawt ahcun ngahvo itu nan ngei hmen? Siahkhuanlle hman ni acumang an vua ve lo hmen maw?
47 Nan unaule ceu nan biakson ahcun mipacepawl van ahlei in itu nan vuakmi a om? Zentail-mipawl hman ni acumang an vua ve a i lo maw?
48 Curuangah, nangmi cu vancung ih nan Pa a tlamtlin mangin nan tlamtling thok.