4
(Mar 1:12-13; Luk 4:1-13)
1 Cuhnukah Jesuh cu Khawsia ih hniksak dingin Thlarau ni ramŽhing ah a hruai.
2 Sun sawmli leh zan sawmli sung caw a ul, acu hnuk cu a Ža a Žhi ngaite.
3 Hniksaktu ni pha in, “Pathian Tiapa na ik ahcun hi lungpawl hi sanghlompawl cang dingah thu pia hngai tuhmen,” tiah a ti.
4 Ihmansela Jesuh ni,
“‘Minung cu caw ceu in
nun a i lo,
Pathian hmurka in a suakmi
thu cangte in a i sawn’
tiah ngan a ii,”
tiah a let.
5 Cuhnukah Khawsia ni Jesuh cu khua thianghlim ah a tahpiih biakinn lu zim parah toh in,
6 a hemah,
“Pathian Tiapa na ik ahcun
zong peet hnik tuhmen;
icatile
‘A vanmipawl cu namah
kilkhawitu dingah
a sia hngai thok,’
cun ‘An kut in an tan
domcawi lei ih,
na ke cu lung ah
na khawnngah thok lo’
tiah nganin a om
hekhawh,”
tiah a ti.
7 Jesuh ni, “‘Bawipa na Pathian cu hniksak hlah’ tiah ngan in a om ve,” tiah a let.
8 Khawsia ni tlang sangpi ah a tahpi Žhanih vuleicung uknak hmawhhmawh leh an nasatnak a hmuh;
9 cun, “Ka hmaiah bokin ma bia taw ci ah hi hmawhhmawh hi ka tan pia thok,” tiah a ti.
10 Jesuh ni,
“Satan, zuang; icatile
‘Bawipa na Pathian bia la,
amah ceu rian’
tiah ngan a ii,”
tiah a ti.
11 Cutikah Khawsia ni a mata; culeh vanmile ni pha lohliin an zong rian.
(Mar 1:14-15; Luk 4:14-15)
12 Johan pon a tuak rom ti Jesuh ni a zak tikah Galilee ah a thliartia.
13 Nazareth cu matain rili kap ih Zebulun leh Naftali ramri Kapernaum khua ah a om,
14 cucu profet Isaiah hemin:
15 “Zentail-mipawl ih ram,
Galilee, Jordan khatla
ral ih rili kap lam tluan ah
a ommi Zebulun ram leh
Naftali ram
16 khuamaw lakih a om
mipawl ni khuatle pi
an hmu rom,
culeh thihnak ram leh
pheenthlamtangih
a om tupawl hemah
khuatle a tlaang rom,”
tiih simtakmi kimngah dingah a ii.
17 Acui caan in cu Jesuh ni, “Sualrim uh, icatile vancung uknak cu bansam ah a pha rom,” tiah phungsim hram a thawh.
(Mar 1:16-20; Luk 4:14-15)
18 Jesuh cu Galilee Rili kap ih a vah lio ah, ngapon unaule pahnih – Piter tiih kawhmi Simon leh a nau Andru – cu ngavawrle an ik ruangah rili sung ah sur vawr rero a hmu hngai.
19 Culeh, “Ma zul uh la, minung pontu ah ka tan vua hngai thok,” tiah a ti hngai.
20 An surpawl mata vohviin amah cu an zul.
21 Acunang in a vak rih ih unau pace pahnih: Zebedi ih tiapa Jeim leh a naupa Johan cu, an pa Zebedi rum lawng sungah an surpawl tholleello a hmu hngai, culeh a ko hngai.
22 Avoikhatah an lawng leh an pa cu matain Jesuh cu an zul.
(Mar 1:35-19; Luk 4:44; 6:17-19)
23 Jesuh cu Galilee peng hlawhin a vakih an sinakokpawl ah thu a zirh hngai, vancung uknak thuthangŽha a simthanih, an lakih tiahherhnak leh dam lonak cangcang a damsak hngai.
24 Curuangah a minthang cu Siria ram zate hlawhin a karh, culeh an mitiak hmawhhmawh, tiahhrin leh titiak phunphun a tuar tule, khawsia hrolhtiakmi le, thihtlunngei leh mizengle a hemah an phatpiih a damsak hngai.
25 Culeh Galilee, Dekapolis, Jerusalem, Judea leh Jordan khatla ral in mibuur pipi ni amah cu an zul.