6
1 “Ama hmu taw uh tiah mi hmaiah thilŽha nan vuakmi hi ralring uh, icatile vancung ih nan Pa hemin ngahvo co ding nan ngei lo.
2 “Curuangah harsabonnak nan piak tikah mitisaktiale ni mi ih lomtuak dingin sinakok leh zalam ih tawtawrawt an tum mangin cu tum hlah uh. Thungai in ka tan sim hngai, an ngahvo cu an co rom.
3 A inain nangmi cu harsabonnak nan piak tikah nan vorhla kut ih vuakmi cu nan kehla kut ni tiah hlah seh,
4 cuticun nan harsabonnak cu athupin vuak i lei khawh; hmuthuptu nan Pa ni ngahvo a tan pia hngai thok.
(Luk 11:2-4)
5 “Thla nan cam tikah, mitisaktiale mangin cam hlah uh; icatile anmimi cu mi ih hmuh dingah sinakok sung leh zalam Žeek ah dingih thlacam an daw. Thungai in ka tan sim hngai, an ngahvo an co rom.
6 A inain nangmi cu thla nan cam tikah, nan khaan sung ah lutin sangka khar uh la athupnang ih a ommi nan Pa hemah cam uh; culeh athup in a hmu tu nan Pa ni ngahvo a tan pia hngai thok.
7 “Thla nan cam tikah Zentail-mipawl mangin sullamngeilo aan tabuurpawl ang rero hlah uh; icatile tampi an aan ruangah zakpiak i ce thok in an ruat.
8 Anmah mang i hlah uh, icatile nan Pa ni nan Žulmi cu nan dil hlanin a tiah.
9 “Himang hin thlacam lei cu,
Vancung ih a ommi kan Pa,
na min thianhlimsak ii seh.
10 Na uknak pha hram seh.
Vancung ah na dawtzawng
vuak a ik mangin
vulei cungah vuak ii seh.
11 Nicang ih kan Žulmi caw cu
Nihin ni ah hin man pia hram.
12 Kan parih a sual tupawl
kan ngaidam hngai mangin,
kanmah ih sualpawl
man ngaidam hram.
13 Tukforhnak ah man hruai loin,
MiŽhalo Pa hemin
man rungsuak hram. note 6:13 Uknak, huham leh sunlawinak cu kumkhuain namah ih ta a ii timi cu hlanlio hruaitu hrekkhat ni an beengcop ruangah kan telh lo.
14 Icatile mipawl an daanbuar sualnak nan ngaidam hngai ahcun, vancung ih nan Pa ni a tan ngaidam hngai ve thok;
15 a inain mi nan ngaidam hngai lo ahcun, nan Pa ni khaw a tan ngaidam hngai ce thok lo.
16 “Culeh caw nan ulh tikah, mitisaktiale mangin mithmaisia in om hlah uh, icatile anmimi cu an caw ulh mi hemih lansak dawt ah an hmel kheen ŽiamŽuam in an siatsak. Thungai in ka tan sim hngai, an ngahvo an co rom.
17 A inain nangmi cu caw nan ulh tikah, luhnulh hnulhtia in nan hmai phiahtia uh,
18 cuticun nan caw ulh cu mi ni tan hmu loin a thupnang ih ommi nan Pa ni a tan hmu hngai thok, culeh a thupin a hmu tu nan Pa ni ngahvo an tan pia thok.
(Luk 12:33-34)
19 “Ngetnu leh sang ni an siatsuah ih mitir ni bauhhratin an ruk khawhnak vulei parah, hlawnthil khawltia hlah uh;
20 a inain, ngetnu leh sang ni iseh an siatsuah khawhlo nak leh mitir ni khaw bauh in an ruk khawhlo nak vancung ah hlawnthil khawltia sawn uh.
21 Icatile nan hlawnthil omnak ah nan thinlung khaw a om ve.
22 “Mit hi ruangpun caah ceunak a ii. Curuangah nan mit a dam ahcun, nan ruangpun zate hi ceunak in a khat thok;
23 a inain nan mit a damlo ahcun, nan ruangpun zate hi khuamaw in a khat thok. Curuangah nan sungih ceunak cu khuamaw a ik ahcun, khuamaw cu itluk a nasa!
(Luk 16:13)
24 “Ahuhman ni bawi pahnih a rian zo lo, icatile pakhat cu hua lei khawh pakhat cu a daw thok, iklole pakhat cu tlaihsan lei khawh pakhat cu a nautat thok. Pathian leh sumsaw nan rian khat zo lo.
(Luk 12:22-31)
25 “Curuangah ka tan sim hngai, nan nunnak caah ii nan aw thok, ii nan ding thok, iklole nan ruangpun caah ii nan sinteng thok ti dontia hlah uh. Nunnak timi cu caw van a thupi sawn, cun ruangpun cu partlai van a thupi sawn lo maw?
26 Van ih vapawl cu zoh tuhmen uh; thlai khaw an thla lo, lat khaw an la lo, cawsiar ah khaw an khawlb Sia, khum, tican; mihrek ni rawn an hmang. lo. A inain vancung ih nan Pa ni a cawm hngai. Nangmi cu anmahpawl vanin manngei sawn mi nan i lo maw?
27 Culeh nanmah lakih ahu tal ni nan dontiak ruangah nan nun khua nazi pakhat te tal sausak beeng zo cu im?
28 Cun icaah partlai thu ah teh nan dontia? Hramlak ih bingbi parpawl khawti in an hanghnem ti ruat tuhmen uh: baangin rian an Žuan lo, vo khaw an sual lo;
29 a inain ka tan sim hngai, Solomon cu a sunlawinak zate rum hman hipawl pakhat te mangin thom a i lo.
30 Nihinni cu a nungih zingla ahcun capeng sungih paihmi hramlak taa hman Pathian ni cutiih a thom ahcun ii tlukin a tan thuam hngai hlehhlo thok – nangmi zumnak tlawmte le hngai!
31 Curuangah dontia in, ‘Itu kan aw thok?’ iklole ‘Itu kan ding thok?’ iklole ‘Itu kan sinteng thok?’ tiah ti hlah uh.
32 Icatile hi thilpawl ca ih a zuam rero tu cu Zentail-mipawl an ii; a ngaingai ahcun vancung ih nan Pa ni hi thilpawl nan Žul ti cu a tiah kau.
33 Acuvanin Pathian uknak leh a dingfelnak caah zuam peita uh, culeh hi thilpawl hi khaw nan hemih piak an i ve leh thok.
34 Curuangah zingla caah dontiak duh hlah uh, icatile zingla ni amah ih dontiaknak a suahpi leh kau thok. Nihinni ih buainak hi nihin ni caah a za kau.